Cervo
23/12/2016
O pavillón de Cervo acollerá este sábado a partir das cinco da tarde a novena edición da Noiteboa infantil, con diversas actividades e a visita de Papá Noel. Esta iniciativa, que está organizada pola Asociación Cultural Recreativa Fervenza de Sargadelos e o Concello, foi presentada hoxe pola edil de Cultura, Dolores García, e dous representantes do colectivo cultural, Ramiro Chaves y Honorato Fernández.
No programa deste evento inclúese unha actuación de contacontos a cargo de Caxoto Kativo, pintura de caras, chocolatada gratis e inchables, entre outras actividades. Ademais a partir das 20:30 horas haberá dous sorteos, un no Caseto de Copa e o outro na Pousada O Almacén.
21/12/2016
O Concello de Cervo pon en marcha o programa Xuventude no Nadal, que inclúe actividades do 26 ao 30 deste mes. Foi presentado no Instituto de Secundaria Marqués de Sargadelos, de San Ciprián pola concelleira de Cultura e Xuventude, Dolores García Caramés, e o de Deportes, José Ramón Soto Martínez.
Dentro desta iniciativa haberá competicións nas que poderán participar equipos formados por un mínimo de 3 persoas e un máximo de 5 compoñentes, de idades comprendidas entre os 12 e os 25 anos. As probas, que se desenvolverán no pavillón de San Ciprián os días 26, 27 e 28 a partir das 17 horas, serán de volei 3x3, baloncesto 3x3, fútbol 3x3, pádel 2x2, zorb ball, rocódromo, pista americana, circuíto de cars a pedais e A Cervo Oca, con pistas preguntas e probas. Os...
leer más 15/12/2016
A programación de Nadal do municipio de Cervo empeza o día 22 deste mes e remata o 8 de xaneiro. Está organizada polo Concello coa colaboración das asociacións Airiños do Xunco, A Fervenza, Arroutada, Península da Paz e Burgo de Trasbar. Inclúe cine, deporte, música, maxia, teatro e actividades infantís e xuvenís. Foi presentada pola concelleira de Cultura, Dolores García Caramés; o edil de José Ramón Soto Martínez; e representantes de catro dos colectivos colaboradores.
No programa, que comeza o vindeiro xoves, día 22, hai proxeccións de cine; circo co pallaso Peter Punk, que ofrecerá o espectáculo Peor imposible o día 23 no salón de actos de Cervo; actividades infantís e xuvenís; actuacións musicais, como a do trío Talabarte o día 28 na Casa da Cultura, de...
leer más 14/12/2016
A concelleira de Cultura e Educación, Dolores García Caramés, presentou esta tarde a programación infantil de Nadal organizada polo seu departamento a representantes das asociacións de nais e pais de alumnos dos colexios do municipio e da asociación Pasiño a Pasiño.
Haberá un ciclo de cine infantil na Casa da Cultura, de San Ciprián, con tres proxeccións: o día 22 de decembro, xoves, ofrecerase a película Noche ¿de Paz?; o 2 de xaneiro, luns, O soño dunha noite de San Xoán; e o 4 de xaneiro, mércores, O bosque animado. Todas serán ás oito da tarde.
Tamén se levará a cabo o programa Enredos de Nadal do 26 ao 30 de decembro e do 2 ao 4 de xaneiro. Para o alumnado de 2º ciclo de...
leer más 02/12/2016
A sección de baloncesto do Club Deportivo San Ciprián e o Concello de Cervo organizan unha recollida de alimentos e xoguetes na II Canastra Solidaria, evento que se celebrará o día 18 deste mes, domingo. Foi presentado cun acto no que estiveron o alcalde, Alfonso Villares; a concelleira de Cultura, Dolores García; o edil de Deportes, José Ramón Soto; monitoras da sección de baloncesto do CD San Ciprián e o equipo base deste deporte.
José Ramón Soto anunciou hoxe que “a sección de baloncesto do Club Deportivo San Ciprián e o Concello de Cervo organizan, por segundo ano consecutivo e despois do éxito obtido na primeira edición, un acto de recollida de alimentos e xoguetes denominado Canastra Solidaria e que se celebrará o vindeiro 18 de decembro no pavillón da Veiga, de San Ciprián. Para este acto solidario cóntase coa...
leer más 02/12/2016
O Deputado de Deportes, Pablo Rivera Capón, o Director Deportivo da Asociación Xuvenil Sagrado Corazón, Ruben Engroba, o Representante da Federación Galega de Baloncesto en Lugo, Alejandro Alcalde e a Xerente da empresa patrocinadora Ferreiro SuministrosIndustriales, Nadia Álvarez, presentaron no Salón de Actos da Deputación, o 1º Circuíto de Baloncesto Provincial Precadete Masculino. A Deputación colabora na celebración deste proba cunha achega económica de 1.500 euros.
Rivera Capónrecoñeceu a importancia deste tipo de iniciativas “que van encamiñadas a promover o deporte base e á mocidade, xa que son preto 300 xogadores non federados os que poderán participar no torneo, o que supón, ademais, un importante revulsivo económico do que se aproveitarán os cinco...
leer más 01/12/2016
A Delegación de Educación do Concello de Cervo promove a elaboración de beléns de plastilina por parte dos nenos e nenas do municipio. Faranse este sábado, día 3, na Casa da Cultura, en San Ciprián, e o domingo, día 4, na Casa do Concello de Cervo. Nos dous casos esta actividade levarase a cabo ás 12 do mediodía.
A concelleira de Educación, Dolores García Caramés, reuniuse con representantes das asociacións de nais e pais do colexio Cervo Nº 1, de San Ciprián, e do de Cervo, María José García González e Marcial Fernández Bellón, respectivamente, para que colaboren na promoción desta actividade informando ás familias das nenas e nenos sobre a súa celebración para que se animen a participar. Ademais as follas de inscrición para apuntarse nesta iniciativa foron repartidas nos dous centros...
leer más 26/11/2016
A sala de exposicións do Conxunto Histórico Artístico de Sargadelos acollerá desde o vindeiro martes, día 29, ata o 20 de decembro unha mostra sobre o caricaturista José María Cao Luaces, nacido en Cervo no ano 1862. O acto, que se celebrará ás 18 horas, contará cunha conferencia do debuxante e pintor Siro. Está organizado pola Xunta de Galicia e o Concello de Cervo.
A exposición, que leva por título José María Cao Luaces, un galego patriarca da caricatura arxentina, xa estivo en Santiago, Pontevedra, Ourense, Vigo, Lugo, Melide e A Coruña. “Ten como principais obxectivos poñer en valor e dar a coñecer entre a cidadanía a obra e a figura deste destacado debuxante galego”, segundo explican os organizadores, que tamén destacan que “a mostra recupera a obra dun artista que contribuíu...
leer más 16/11/2016
O Concello de Cervo organiza a XVII edición do concurso de postais de Nadal, no que poden participar todos os escolares do municipio que cursen estudios de Infantil e Primaria.
Nas bases especifícase que “as obras terán como tema O Nadal, presentaranse nunha cartolina tamaño folio e deben enviarse sen asinar e acompañadas dun sobre pechado cos datos persoais do autor: nome, apelidos, idade, colexio e número de teléfono. Establecerase un premio para cada categoría, que son tres: de 3 a 5 anos de idade, de 6 a 9 anos e de 10 a 12. Os traballos presentaranse na Casa do Mar de San Ciprián ou no Concello de cervo e o prazo remata o día 25 deste mes. Entre as tres postais finalistas o xurado elixirá unha, coa que o Concello felicitará o Nadal a outros concellos e institucións. Se das tres...
leer más 08/11/2016
A asociación de veciños do Burgo de Trasbar, en Cervo, organiza un magosto para o sábado, 12 de novembro.
As actividades darán comezo ás 19:00 horas con teatro. O grupo O Batán presenta a obra "Igualdade Virtual" de Francisco Piñeiro e dirixida por Mª Paz Rodríguez.
De seguido haberá castañas e pancetada a prezos de 1 euro as castañas e 1´50 euros a panceta para os socios e 2´50 euros a panceta para os non socios. Este sábado estará exposta a cesta de Nadal para quen queira participar no sorteo a 3 euros cada firma. Un ano máis os veciños de Trasbar xogarán ao mesmo número na Lotaría de Nadal, o 42726.