Cervo
11/07/2016
O programa de actos de Gadélica foi presentado hoxe na Casa do Concello Cervo. Este primeiro Encontro Contemporáneo e Interdisciplinar de Arte e de Cultura de Vangarda terá lugar en Sargadelos do 29 ao 31 deste mes de xullo. Haberá actuacións musicais, exposicións plásticas, recitais poéticos, charlas temáticas e espectáculos de maxia, entre outras actividades. A entrada para todos estes actos será de balde.
O alcalde, Alfonso Villares, manifestou que “vai ser o primeiro encontro contemporáneo e interdisciplinar de arte e de cultura de vangarda e ímolo facer en Sargadelos, lugar que foi ao longo da súa historia vangarda en moitas cousas. Xa con Ibáñez, hai máis de dous séculos, coa instalación da fundición que se puxo en Sargadelos...
leer más 23/06/2016
O Club Deportivo San Ciprián, a través da súa sección de piragüismo, organiza a IV Regata San Ciprián-Cervo no Embalse de Río Cobo o día 2 de xullo, sábado, a partir das 10 da mañá. O evento foi presentado nun acto que contou coa participación do alcalde cervense, Alfonso Villares; o concelleiro de Deportes, José Ramón Soto; un dos adestradores do Club Deportivo San Ciprián, Javier García; e varios nenos e nenas que practican o piragüismo nesta entidade.
José Ramón Soto explicou que “como non pode ser de outro xeito, o Concello de Cervo colabora coa sección de piragüismo do Club Deportivo San Ciprián na organización de esta proba, que se disputará o sábado 2 de xullo a partir das 10:00 horas no Embalse de Río Cobo. A proba está...
leer más 22/06/2016
O Concello de Cervo organiza os programas de actividades infantís Enredos de verán, que este ano está dedicado ás olimpíadas, e Repasando en verán.
A concelleira de Educación, Cultura e Xuventude, Dolores García Caramés, explicou hoxe que “o programa Enredos de verán, destinado a nenos e nenas que cursen desde 4º de Infantil ata 6º de Primaria, desenvolverase todas as mañás durante os meses de xullo e agosto. Nesta ocasión a temática son as olimpíadas infantís, aproveitando que este ano é olímpico. Practicarán diversos deportes con diferentes xogos e modalidades e tamén van facer talleres. Haberá actividades de atletismo, fútbol, baloncesto, tiro con arco, surf, irán á praia e á piscina, etcétera. As inscricións poden facerse na...
leer más 09/06/2016
A programación cultural do Concello de Cervo para este mes inclúe unha actuación do cantautor Manolo Couto, un espectáculo de baile e teatro.
Este sábado, día 11, ás 20 horas no auditorio da Casa da Cultura de San Ciprián actuará o cantautor galego Manolo Couto.
Ao día seguinte, tamén na Casa da Cultura de San Ciprián ás oito da tarde, haberá un espectáculo a cargo da escola de baile da asociación Pasiño a Pasiño.
E o sábado, día 18, o grupo de teatro municipal Pimpim representará as obras Caracola e Farillóns. Será no auditorio da Casa da Cultura de San Ciprián ás 20...
leer más 10/05/2016
A parroquia de Sargadelos acollerá un encontro de arte e cultura de vangarda, denominado Gadélica, do 29 ao 31 de xullo. O evento foi presentado hoxe no lugar onde se vai celebrar cun acto no que participaron o alcalde de Cervo, Alfonso Villares; a concelleira de Cultura, Dolores García, e outros membros da organización: Miguel Bazarra, Ramón Cordido, Alberto Casas e Emilio Sacarrera.
Sobre o Encontro Contemporáneo Interdisciplinar de Arte e Cultura de Vangarda Gadélica, o rexedor municipal explicou que “vai ser un encontro de arte e culturas de vangarda que vai ter lugar entre o 29 e o 31 de xullo, un evento no que desde o Concello de Cervo levamos traballando xa desde o ano pasado, en colaboración con distintas persoas que teñen...
leer más 04/05/2016
A Asociación de Veciños do Burgo de Trasbar organiza un curso para a obtención do carné básico de manipulador de produtos fitosanitarios. O curso homologado é obrigatorio para mercar e aplicar os produtos fitosanitarios. Impartirase os días 30 de maio e 1, 3, 6 e 8 de xuño en horario de 17:00 a 22:30 horas, no local social de Trasbar.
O prazo para anotarse remata o 15 de maio. Para a inscrición poden poñerse en contacto con Mari (687 550 899) ou Arancha (605 158 373).
28/04/2016
As asociacións culturais Fervenza de Sargadelos e Airiños do Xunco, coa colaboración do Concello de Cervo, programan para o 7 de maio, sábado, un conxunto de actividades gastronómicas e musicais ao longo de todo o día. A concelleira de Cultura, Dolores García; o presidente de Airiños do Xunco, Rafa Blas; o de Fervenza de Sargadelos, Xosé Fernández; e outros membros destas entidades deron a coñecer hoxe o cartel e o programa da décima Festa Exaltación da Carne de Porco e segunda Foliada, que se celebrará na praza do Souto de Cervo.
As actividades comezarán ás 12 do mediodía cunha master class infantil de pandeireta e canto e ás 13 horas empezará a sesión vermú. De forma paralela nos bares e restaurantes participantes poderanse...
leer más 27/04/2016
O Concello ven de convocar o concurso fotográfico Cervo Respecta 2016, que foi presentado polo alcalde, Alfonso Villares, e a concelleira de Medio Ambiente, Manuela Méndez.
A edil de Medio Ambiente anunciou que “o Concello de Cervo, como xa ven facendo dende hai cinco anos, convoca o sexto concurso fotográfico de Medio Ambiente co título Cervo Respecta, que forma parte das actividades que o noso concello celebrará o vindeiro 5 de xuño no que se conmemora o Día Mundial de Medio Ambiente”.
Manuela Méndez explicou que “é un concurso fotográfico, o tema é calquera aspecto relacionado co medio ambiente e as bases póñense nos folletos informativos que o...
leer más 18/04/2016
A Delegación Municipal de Xuventude do Concello de Cervo, que dirixe a concelleira Dolores García Caramés, organiza unha xornada dedicada ao skate e outra ao surf. Os interesados en participar nestas dúas actividades deben inscribirse antes deste xoves, día 21.
A xornada dedicada ao skate será este venres 22 pola tarde e está dirixida a alumnos e alumnas de 4º, 5º e 6 º de Primaria e rapaces a partir de 12 anos. E a de surf será este sábado 23 pola mañá para rapaces con idades a partir de 12 anos.
Os interesados en participar poden inscribirse na Casa do Mar, de San Ciprián, no teléfono 691.65.66.00 ou a través do correo electrónico dinamizació...
leer más 11/04/2016
A asociación de veciños do Burgo de Trasbar organiza o III Certame literario con motivo da celebración do Día das Letras Galegas, co tema “Lendas”.
As narracións deberán estar escritas en galego, cunha extensión máxima dun folio por unha soa cara. Establécense tres categorías: infantil (ata 12 anos), xuvenil (de 13 a 18 anos) e adulto (maiores de 18 anos). Cada autor pode presentar cantos traballos desexe, acompañando cada un deles cun sobre pechado onde figuren os seus datos persoais (nome, dirección data de nacemento e un teléfono de contacto).
O prazo de presentación dos traballos rematará o 8 de maio, debendo ser remitidos á seguinte dirección:...
leer más