Concerto
O 28 de decembro o Casino de Mondoñedo acollerá un concerto de Os Carricantos. Será ás 20:30 horas despois da visita do Apalpador.
O acto está organizado polo Círculo de Recreo de Mondoñedo.
Pola tarde ás 17:00 horas haberá no Casino un taller relacionado co Nadal para os nenos e nenas e ás 19:00 horas o Apalpador recollerá aos cativos alí mesmo para percorrer as rúas e recoller os caramelos polos comercios da cidade.
Hoxe, venres 27 de decembro, estaba previsto celebrar ás 19:00 horas o Gran Concerto de Nadal, tradicional concerto de música clásica que se ven celebrando dende ahí moitos anos neste Concello nestas datas navideñas. Pois ben, debido ao falecemento da nai da directora da Escola Municipal de Música de Xove, o Gran Concerto de Nadal queda cancelado.
E segue aberta a inscrición para participar no IX Concurso de Karaoke que se celebrará o sábado, día 28, no pavillón de deportes.
Un dos grandes eventos do programa de Nadal do Concello é, sen dúbida, o Concurso de Karaoke. A inscrición para participar continúa aberta, podendo facerse presencialmente nas oficinas do Concello, concretamente no despacho do Técnico de Cultura, ou ben chamando ao Concello ao 982592001, en horario de oficina.
...
leer más
A Coral Polifónica Alborada de Viveiro organiza o Concerto de Panxoliñas 2019.
Celebrarase o vindeiro domingo, día 29, ás 20:30 horas na Igrexa das Concepcionistas. Actuarán a Coral Polifónica de Mera e a Coral Polifónica Alborada.
Colaboran na organización deste evento: a Delegación de Cultura do Concello de Viveiro e Relixiosas Concepcionistas.
A Banda de Música Municipal de Ribadeo ofrecerá o seu tradicional concerto Aquí como en Viena o sábado 28 de decembro ás 21:00 horas no auditorio Hernán Naval. Esta actuación, que incluirá danza, debutarán dous trompetistas.
O director da Banda ribadense, David Ballester, explica que “o mes de decembro é sempre moi especial porque chega o Nadal e nestas datas, como non podía ser menos, a Banda Municipal de Música de Ribadeo vai ter o seu concerto tradicional Aquí como en Viena. Este ano será no auditorio Hernán Naval o sábado 28 de decembro ás nove da noite, con entrada de balde ata completar aforo, para que toda a xente que asista poida estar o máis cómoda posible e non haxa ningún problema”.
Ballester salienta que “imos ter o debut de dous músicos, un deles que xa ía actuar no concerto de Santa Cilla pero que...
leer más
Dentro da programación de actividades que organiza a Escola Municipal de Música de Burela inclúese o xa tradicional Concerto de Nadal denominado Concerto en Familia.
Este vindeiro mércores, 18 de decembro, ás 20:00 horas no auditorio municipal da Casa da Cultura terá lugar o mencionado concerto.
Segundo explica o director da Escola Municipal de Música de Burela, Xan Carballal, “participarán neste recital alumnos de todas as idades, dende os nenos mais cativos ata os adultos por medio das agrupacións como son: banda, orquestra, coro, grupo de Jazz, de Rock…, etc”.
E engade que “como en anteriores ocasións o repertorio será variado. Incluiranse tanto obras clásicas como populares pasando polos temas propios destas datas”.
Este sábado, 14 de decembro, terá lugar en Burela un concerto de Tanxugueiras. Será na Casa da Cultura ás 21:00 horas. A actuación enmárcase na axenda cultural de decembro do Concello.
Este grupo de pandeireteiras presentará o seu segundo traballo titulado Contrapunto, no que presenta dez temas siameses, dez caras e dez cruces de diferentes momentos da vida narrados a través das letras que Tanxugueiras mantiveron vivas ata hoxe.
Olaia Maneiro, Sabela Maneiro e Aida Tarrío acompañan as súas voces e pandeiretas coas percusións de Isaac Palacín (Berrogüeto, Guadi Galego).
O grupo acadou o pasado ano o premio ao mellor álbum galego do 2018-Premios MIN de la Música Independiente, Premios Martín Códax da Música Folk e Tradicional, e o recoñecemento Mellores Músicas de Galiza 2018 por Que non...
leer más
O vindeiro mércores, 20 de novembro, terá lugar no salón de actos da Casa da Cultura un concerto didáctico de percusión. Será ás 12:30 horas. Segundo explica o director da Escola Municipal de Música de Burela, Xan Carballal,“este concerto pretende amosarlle ao público a combinación entre os diferentes instrumentos de percusión e a música electrónica. Cales son as diversas posibilidades da música contemporánea actual combinada con outras músicas máis populares e urbanas”.
Carballal sinalou que “o programa composto por 6 obras abarca instrumentos de parches como toms, bongós, caixa, bombo, pandeireta, instrumentos caseiros coma son os tubos metálicos, as tixolas ou potas, placas de ferro e tamén instrumentos melódicos como a marimba.As diferentes formas de facelos sonar, mediante o uso de diferentes baquetas, variñas, escobillas ou incluso as propias...
A Escola Municipal de Música e Danza (EMMeD) de Ribadeo celebra este mércores, 20 de novembro, ás 20:00 horas no Teatro o seu tradicional concerto na honra de Santa Cecilia, patroa dos músicos, que será a primeira actividade do curso escolar.
Polo escenario pasarán alumnas e alumnos da Escola que interpretarán obras que van desde Haydn ata L. Einaudi. Agrupacións de vento, tecla, danza, entre outros, dan forma ao programa deste concerto, aberto ao público e gratuíto.
Esta actuación é a previa do gran festival de Nadal que a Escola celebrará o vindeiro 21 de decembro no Auditorio Municipal Hernán Naval e no que participarán preto de 400 alumnas e alumnos.
Xoán Curiel actúa este domingo, día 17, en Ribadeo dentro do ciclo Outras voces, no que a pasada fin de semana os asistentes puideron escoitar a Tonina Saputo.
Xoán Curiel chega ao Teatro de Ribadeo este domingo ás 20 horas cun concerto íntimo e acústico para o público adulto ribadense, antes de viaxar na semana seguinte nunha nova xira por Italia que o levará nesta ocasión a Roma, Perugia e Como.
Xoán Curiel dende hai anos desempeña a súa carreira en proxectos de adultos e infantís. Neste último caso con A Banda do Verán, coa que neste 2019 obteveron o Premio Martín Códax da Música Galega na categoría de música infantil polo seu libro disco e espectáculo A Casa do Terror.
En abril deste mesmo ano presentou o seu sexto traballo discográfico, un novo libro-disco, homenaxe á figura de...
leer más
A Concellería de Educación de Viveiro e a Banda de Música O Landro organizan o concerto na honra de Santa Icía que se celebrará o sábado, 23 de novembro, ás 21:00 horas, no Teatro Pastor Díaz.
Nesa actuación o músico sarrián Abraham Cupeiro presentará o seu traballo Pangea, no que recupera diversos instrumentos de todo o mundo cos que interpreta música antiga e actual. Tamén intervirá a Banda de Música O Landro, dirixida por Carlos Timiraos.
O evento está patrocinado pola Deputación de Lugo, a través do seu departamento de Cultura.