Concerto
21/12/2016
O tradicional concerto Aquí como en Viena, que cada ano ofrece a Banda Municipal de Música de Ribadeo, terá lugar o venres 30 de decembro ás 21:00 horas no Cine Teatro de Ribadeo. A actuación incluirá interpretacións peculiares e sorpresas.
O director da Banda, David Ballester, anunciou hoxe que “o venres 30 de decembro terá lugar o xa tradicional concerto Aquí como en Viena da Banda Municipal de Música de Ribadeo. Será no Cine Teatro ás nove da noite. Sempre facemos algo especial neste concerto e este ano a primeira parte vai estar composta por cinco pezas, das cales catro serán interpretadas por primeira vez pola Banda. Son pezas peculiares xa que nunha delas vai haber dous solistas, Bruno Maseda e Carmen López, tocando con papel de lixa”.
21/12/2016
O Teatro Pastor Díaz de Viveiro acollerá o concerto Nadal Disney que ofrecerá a Banda Municipal de Música O Landro de Viveiro.
Esta actuación terá lugar o martes, 27 de decembro, ás 21:00 horas e está organizada pola propia Banda Municipal e a Concellería de Educación do Concello de Viveiro.
O Teatro Pastor Díaz de Viveiro tamén será escenario do espectáculo de maxia Nadal Máxico que terá lugar o mércores, 28 de decembro, ás 20:30 horas.
Nadal Máxico é unha montaxe creada pola Asociación de Magos Profesionais de Galicia, estruturada en formato gala cun presentador que é o Mago Antón, e catro magos profesionais en escena que son o Mago Benjamín, Román García, Mago Cali e Javier Muro....
leer más 23/11/2016
A Banda Municipal de Música de Ribadeo ofrecerá este sábado, 26 de novembro, o seu tradicional Concerto de Santa Cilla. Terá lugar no Auditorio Hernán Naval e dará comezo ás 20:30 horas. David Ballester dirixirá unha parte da actuación e Rubén Solloso, a outra
O director titular da Banda ribadense, David Ballester, anunciou que “este sábado, 26 de novembro, ás oito e media da tarde vai ter lugar o tradicional concerto de Santa Cilla da Banda Municipal de Música de Ribadeo. Este ano ímolo facer no auditorio Hernán Naval por mor de que na rúa onde está o Teatro hai obras e por iso tivemos que cambiar de localización”.
David Ballester explicou que “como todos os anos por este concerto, sempre hai algún músico da Banda que vai interpretar algunha obra en solista e este...
leer más 23/11/2016
Este venres, 25 de novembro, ás 20.30 horas terá lugar no auditorio da Casa da Cultura de Burela a última representación do Concerto da Fraternidade.
Xan Carballal explica que “froito da colaboración entre o Conservatorio de Viveiro e as Escolas Municipais de Música de Xove, Burela e Mondoñedo, estes concertos comezaron a súa andaina na primavera deste ano nas localidades de Mondoñedo e Xove con gran éxito de público. A temática versa sobre todo na resposta do home ante os retos históricos e que seguen estando de actualidade como son: guerra, pobreza, solidarizade, ecoloxía, éxodo, esperanza, fe, diversidade”.
O director deste concerto e da Escola de Música de Burela sinala que...
leer más 22/11/2016
O centro sociocultural Manuel Díaz Sampedro será escenario este domingo, 27 de novembro, a partir das 18:00 horas da actuación de Lyricas, unha formación musical que compoñen Julia María Dopico (pianista) e Diana Somkhieva (soprano). A primeira é profesora superior de piano e linguaxe musical e a segunda profesora superior de canto.
O título do concerto é Lyricas en Galicia. Os que asistan poderán gozar dunha selección de composicións interpretadas por estas dúas mulleres, entre as que destacan Negra Sombra, Lela, Lonxe da terriña, Os teus ollos…
Desde a Concellería de Cultura e desde a Oficina Municipal de Información Xuvenil invitan a acudir a este concerto “especial e...
leer más 18/11/2016
A Escola Municipal de Música e Danza (EMMeD) de Ribadeo celebra o vindeiro martes, 22 de novembro, ás 20:00 horas no Auditorio Municipal Hernán Naval, o seu tradicional concerto na honra de Santa Cecilia, patroa dos músicos.
Polo escenario pasarán arredor dun cento de alumnas e alumnos da Escola que interpretarán obras que van desde Händel ata Gershwin. Agrupacións de vento, tecla, percusión, gaita, danza, entre outros, dan forma ao programa deste concerto, aberto ao público e gratuíto.
Esta actuación é a previa do gran festival de Nadal que a Escola celebrará o 17 de decembro no Auditorio Municipal Hernán Naval e no que participarán máis de 300 alumnas e alumnos aproximadamente.
10/11/2016
A Asociación Socio Cultural A Pomba do Arco organiza o 14, 15 e 16 de novembro unha nova edición da Festa da Palabra, consistente nun concerto e en dous recitais poéticos que se celebrarán no salón de exposicións do CENIMA de Foz a partir das 20:30.
O programa de actos é o que segue:
O luns, 14 de novembro, ás 20:30 horas no salón de exposicións do CENIMA de Foz concerto de rock a cargo do grupo “Fran Amil e a tribo incomprensíbel” que presentaran o seu disco “ A voz do vento”, sobre poemas do poeta chairego Manuel María.
O martes, día 15, ás 20:30 no salón de exposicións do CENIMA de Foz recitará os seus versos a poeta Marica Campo, persoa moi vinculada á Mariña de Lugo, onde residiu varios anos...
leer más 03/11/2016
A Concellería de Cultura focense ven de presentar a programación para este mes de novembro, que inclúe varias representacións de teatro nas parroquias, concertos e charlas médicas, entre outras actividades.
A concelleira Silvia Blach detallou que “o venres 4 no Cenima ás 21:00 horas imos ter un concerto de metais a cargo do Conservatorio de As Pontes, polo grupo que ven de intercambio coa Escola de Música de Foz para que ese día teñamos un concerto marabilloso ao que invitamos a todo o mundo a que asista dentro dese ciclo do mes da música que temos todos os meses de novembro no concello de Foz”.
Silvia Blach continúa sinalando que “o sábado, día 5, no centro social A Saira, de Nois, teremos a partir das 20:00 horas teatro nas parroquias...
leer más 13/10/2016
O cantautor galego Manolo Couto ofrecerá un concerto o sábado, 15 de outubro, na Casa da Cultura do Concello de Alfoz.
Será a presentación do seu cuarto disco cun repertorio que inclúe pasodobles, rumbas e boleros.
Baixo o título de Tu música de siempre Manolo Couto tamén interpretará temas propios.
O concerto dará comezo ás 19:00 horas e a entrada é de balde.
08/09/2016
Mañá, venres, póñense á venda anticipada as entradas para o concerto que Cómplices ofrecerá o 23 de setembro en Burela, segundo deu a coñecer o concelleiro de Cultura, José Díaz.
O edil explicou que “desde la Delegación de Cultura del Concello de Burela anunciamos que las entradas para el concierto de Cómplices en el auditorio saldrán a la venta mañana, viernes, 9 de septiembre en la Casa da Xuventude y en la Biblioteca Municipal, como siempre, y añadimos en esta ocasión también el bar O Traste para abrir un poco el horario posible para comprar las entradas, para tener opción de hacerlo también en horas en las que no están abiertas ni la biblioteca ni la Casa da Xuventude”.