Concerto

 

Maxia e música son as dúas propostas do Concello burelés para a vindeira fin de semana. O edil José Díaz confirmou hoxe que xa quedan poucas entradas en venda anticipada para o concerto que María do Ceo ofrecerá o domingo na Casa da Cultura.

 

O sábado, 13 de febreiro, a maxia será a protagonista en Burela. Luis Boyano deleitará ao público infantil e familiar co espectáculo 30 anos de maxia e humor. O prezo da entrada é de 2,5 euros. O concelleiro de Cultura dixo que “Luis Boyano es un mago muy conocido en Galicia. Su espectáculo es muy divertido y resultará muy interesante y agradable para los asistentes”. O público gozará participando durante unha hora das imaxes e propostas que se lle ofrecerán en forma de xogos e sketchs máxicos...

 

O Entroido, o teatro e o día dedicado a Rosalía de Castro centran a programación cultural do Concello ribadense para o primeiro trimestre do ano, que tamén inclúe un concerto do cantautor Álex Ubago o 19 de marzo. A axenda foi presentada este mediodía polo concelleiro de Cultura, Farruco Graña, e polo técnico deste departamento, David Díaz. 

 

Graña referiuse ás actividades xa realizadas en xaneiro, como o concerto didáctico de Odaiko ou ás dúas exposicións que se poden ver estes días en Ribadeo e tamén á axenda prevista para os vindeiros días, onde destacou a celebración do Entroido “que este ano vén cedo e xa nos estamos preparando para el. A comisión organizadora está xa a pleno rendemento e imos poder gozar dos freixós a partir...

 

Este venres, 15 de xaneiro, ao longo da mañá haberá un concerto didáctico organizado por Odaiko Crea. Será no Cine Teatro e a el asistirán alumnos e alumnas dos colexios da contorna. O Concello colabora na celebración deste concerto cedendo as instalacións para facilitar a súa realización.

O grupo Odaiko xa ten demostrado as súas habilidades didácticas no eido dos concertos educativos aventurándose a debuxar sons e sensacións cos diferentes materiais que nos rodean na nosa vida cotián. Que estamos sentados apoiados nunha mesa, pois velaí vai un señor instrumento de percusión; que acabamos de escribir unha carta, outro instrumento máis co papel que empregamos, por non falar do vaso de auga que acabamos de beber!

Cos obxectos máis...

 

A axenda cultura de Foz para os primeiros días do ano 2016 inclúe diversas actividades para nenos e nenas, como a visita dos Bolechas; citas solidarias, como a representación teatral a cargo do grupo O Centiño, e a tradicional Cabalgata de Reis.

A concelleira de Cultura de Foz, Silvia Blach, anuncio hoxe que “o día 2 de xaneiro temos a visita do autobús dos Bolechas, dende as 12 ata as 19 horas no patio do colexio Número 1, con xogos, karaoke, ludoteca e fotomatón, actividades gratuítas para todos os nenos e nenas que se queiran achegar. Ese mesmo día haberá teatro na Casa da Cultura. Ás 20 horas imos ter ao grupo O Centiño coa súa obra O caldeiro máxico, a favor do Banco de Alimentos de Foz; así que animamos a todo o mundo que se achegue alí cun alimento non perecedoiro...