Concerto

Etiquetas:
13/03/2023

A Escola Municipal de Música e Danza (EMMeD) de Ribadeo xunto co Conservatorio Profesional de Música de Viveiro organizan un concerto no que participarán agrupacións dos dous centro educativos.

Esta actividade terá lugar o mércores, 15 de marzo, ás 20:00 horas no Teatro de Ribadeo, con entrada libre.

Por parte do CMUS Profesional de Viveiro será unha agrupación de cámara a que interpretará un repertorio variado pasando por diferentes períodos musicais. E pola EMMeD será a Big Band do centro a que interprete unha pequena selección de temas clásicos característicos deste tipo de formación.

Estes intercambios e xornadas de convivencia veñen formando parte ao longo dos anos da programación académica da EMMeD de Ribadeo. 

 

Etiquetas:
07/03/2023

O histórico grupo de folk Milladoiro dará un concerto na Casa da Cultura o 13 de maio ás 20:30 horas no que presentará o seu último disco Atlántico e fará un repaso polos seus mellores temas. As entradas xa están á venda. 

O concelleiro de Cultura, José Díaz, explicou que “desde la Delegación de Cultura queremos anunciar que ya están a la venta las entradas para el concierto que tendremos el 13 de mayo. Aprovecharemos esa actuación para conmemorar las Letras Galegas, por la proximidad de ambas fechas. Como concierto estrella tendremos a Milladoiro, un grupo de sobra conocido que cuenta con una amplia historia en la música tradicional gallega. Llevan más de 40 años, van para 50, en los escenarios recibiendo muchos premios y galardones, actuando en sitios muy ilustres y probablemente estamos ante uno de los grupos más valorados a nivel...

leer más
Etiquetas:
22/02/2023

A Deputación de Lugo lanza a segunda edición do ciclo de concertos Con Voz de Muller 8-M, unha iniciativa coa que a institución achega aos concellos da provincia música en feminino con motivo do Día Internacional da Muller, que se conmemora cada 8 de marzo. 

A Deputada de Muller e Igualdade, María Loureiro García, subliña que esta iniciativa musical tivo “moi boa acollida o ano pasado, polo que decidimos reeditala, para celebrar o Día da Muller favorecendo a visibilización e o empoderamento das mulleres a través da música”. 

A institución provincial contará nesta segunda edición de Con Voz de Muller 8M coa Banda da Loba, un grupo de cinco mulleres que unen pop, blues, folk, rock e sons tradicionais que converxen nun estilo singular; Caamaño&Ameixeiras, que conectan o violín e o acordeón para facer música folk...

leer más
Etiquetas:
06/01/2023

A Casa da Cultura de Burela acollerá o sábado, 14 de xaneiro, ás 20:30 horas o concerto presentación do disco Origen do viveirense David Catá. Catá é un artista multidisciplinar recoñecido a nivel internacional polos seus traballos nos que combina a fotografía, a videocreación, a pintura e a música. 

Cunha obra que xa foi exposta en diferentes países e que acadou numerosos premios agora da un novo paso coa creación do seu primeiro álbum musical que fala da memoria, do esquecemento, da perda do ser querido e que ten moito de autobiográfica. 

O compositor e pianista estará acompañado no escenario por Carla Alonso e Celia Montañez ao violín, por Ana Represas ao violonchelo e por María Villarquide na frauta. A entrada será de balde.

 

Etiquetas:
06/01/2023

Ribadeo terá un concerto de Reis o día 13 deste mes de xaneiro, venres, ás 20:45 horas na igrexa parroquial de Santa María do Campo. Actuará a Orquestra de Cámara Galega, que dirixe Rogelio Groba Otero, acompañada da Coral Polifónica de Ribadeo.

Etiquetas:
22/12/2022

A Banda Municipal de Música de Ribadeo recupera o seu tradicional concerto de Nadal titulado Aquí como en Viena, que o ano pasado non se celebrou debido á pandemia de Covid. Será o vindeiro xoves, día 29, ás 20:30 horas no auditorio municipal Hernán Naval con entrada de balde ata completar aforo.

O director da Banda ribadense, David Ballester, anuncia que “a Banda Municipal de Música de Ribadeo chega con Aquí como en Viena, un concerto típico destas datas que non pode faltar. O ano pasado tivemos que cancelalo polo motivo ben sabido por todos: o alto número de contaxios de Covid que había na nosa vila. Pero este ano estamos de volta con moitas ganas. Como todos os anos, este concerto estará dividido en dúas partes: a primeira cun repertorio moi ameno e variado e a segunda que xa nos traslada a Viena, con pezas da familia Strauss e algunha...

leer más
Etiquetas:
20/12/2022

Seis establecementos hostaleiros da Zona Vella de Ribadeo -A Cova, Chámalle Estopa, Cienfuegos, O Alén, O Recuncho e Ribanzo- organizan un evento para este venres, día 23, que inclúe o sorteo dun coche Volkswagen Polo e un concerto na praza José María López, do casco histórico ribadense.

O concerto, a cargo do grupo Sintético Fantástico, empezará ás 22:30 horas e o sorteo presencial será ás doce da noite. Para iso os establecementos organizadores entregaron rifas aos seus clientes nos últimos meses.

Os organizadores do evento explican que o coche que sortean “será transferido, con seguro e o depósito de combustible cheo”.

 

Etiquetas:
18/11/2022

A Escola Municipal de Música e Danza (EMMeD) de Ribadeo celebra o mércores, 23 de novembro, ás 20:00 horas no Auditorio Hernán Naval, o seu tradicional concerto na honra de Santa Cecilia, patroa dos músicos. Esta será a primeira actividade que realiza neste curso escolar.

Polo escenario pasarán alumnas e alumnos da Escola que interpretarán obras de diversos estilos. Agrupacións de vento, tecla, danza, entre outros, dan forma ao programa deste concerto, aberto ao público e gratuíto.

Esta actuación é a previa do gran festival de Nadal que a Escola celebrará o vindeiro 17 de decembro, no Auditorio Municipal Hernán Naval e no que participará a maioría do alumnado do centro.

 

16/11/2022

A Banda de Música O Landro, de Viveiro, ofrecerá o seu concerto de Santa Cilla o 19 de novembro. Será no Teatro Pastor Díaz ás 21:00 horas. 

Carlos Timiraos dirixirá o concerto Diversidade inclusiva, que ofrecerán a Banda de Música O Landro e Aspanane. 

É a banda viveirense a organizadora do evento coa que colabora a Concellería de Educación de Viveiro. 

 

14/11/2022

A Banda Municipal de Música de Ribadeo retoma a actividade na nova tempada, despois dun parón por vacacións, co concerto da patroa dos músicos, Santa Cilla, que terá lugar este sábado, 19 de novembro, ás oito e media da tarde no Teatro.

O director, David Ballester Martínez anuncia: “contaremos coa incorporación dunha nova compoñente ao clarinete, Victoria López Veiga, e tamén hai que resaltar que catro das obras que imos tocar neste repertorio van estar por primeira vez enriba dos atrís da Banda Municipal de Música de Ribadeo. Ademais, como é habitual no concerto de Santa Cilla, sempre me gusta que algúns dos compoñentes da Banda actúen como solistas. Nesta ocasión serán dous: José Luis Pulpeiro Grueso, que tocará coa súa trompa; e un clarinete, Alberto Clemente Avilés”.

David Ballester engade que “o repertorio...

leer más