Documental

02/06/2023

Nova convocatoria da Delegación de Cultura do Concello do Valadouro. Nesta ocasión presentan a proxección do documental Ecos da Galerna do 61 este sábado, 3 de xuño, ás 20:00 horas no Salón de Actos da Casa da Cultura Manuel Lourenzo do Concello do Valadouro. Entrada de balde.

Sinopse:
O mes de xullo do 61 quedou marcado a madeira, morte e salitre na memoria colectiva dos pobos mariñeiros dende Brest ata Ferrol de tal xeito que agora, 60 anos despois, e cando xa moitos dos protagonistas que sairon con vida daquela terrible experiencia que foi pasar unha galerna non están entre nós, perviven na transmisión oral moitos feitos e anécdotas do acontecido en alta mar e nos portos aos que ían chegando barcos desfeitos e novas de vivos e mortos.

Como homenaxe a tódolos mariñeiros e ás súas familias, e co obxectivo...

leer más
27/05/2023

O Teatro Pastor Díaz acolle o venres 2 e o sábado 3 de xuño, ás 20:30 horas, a esperada estrea da primeira e segunda parte do documental “Viveiro a través do tempo”, unha peza dos curmáns David e Diego de Bartolomé que recolle os 900 nos de historia da vila e que conta coa colaboración do Concello de Viveiro e da Deputación de Lugo.

Esta obra, que se comezou a artellar no ano 2018 e que sufriu diferentes cambios por mor da pandemia, naceu coa idea de que “crear un proxecto documental que englobara a historia de Viveiro contada polos seus veciños e por residentes” coa participación de máis de cen persoas e con numerosa documentación de fotografías, gravacións e entrevistas persoais. 

A alcaldesa Maria Loureiro García e incluso unha sentida homenaxe dos seus fillos Melchor e Iván Roel ao finado alcalde Melchor Roel...

leer más
26/05/2023

O venres, 2 de xuño, ás 21:00 horas a Casa da Cultura da Pontenova acollerá a proxección do documental Segadores da Órrea en Terras de Castela: unha historia de heroes.

Trátase dun feito histórico, social, antropolóxico e cultural narrado por trinta e un homes e mulleres que o viviron en primeira persoa procedentes da parroquia de Santa Comba da Órrea, Riotorto (A Terra de Miranda).

O evento está organizado pola asociación musical A Chocolateira, Concello da Pontenova, Deputación de Lugo e Asociación de Veciños e Veciñas de Santa Comba da Órrea.

 

21/03/2023

Este venres, 24 de marzo, ás 20:30 horas na Casa do Viejo Pancho, terá lugar a presentación do documental "Camarada Fraga: memoria dun franquista". 

Desde a Agrupación Francisco Lanza sinalan que “presentará o acto a nosa compañeira de directiva, María Luisa Mon Bellón; conducirá o mesmo, dándonos detalles do documental, Manuel Monge González, membro da Asociación pola Recuperación da Memoria Histórica da Coruña.

Etiquetas:
16/12/2022

A Casa da Cultura de Burela acolle este domingo, día 18 de decembro, ás 18h, a estrea do documental Si ka badu, ka ta biradu (Se non marchas, non podes volver), nunha proxección con coloquio posterior que contará coa participación do equipo do filme e mais das súas protagonistas. O acceso será libre, grazas á colaboración do Concello de Burela, que cedeu o espazo gratuitamente.

O documental, que parte dunha investigación desenvolvida polo Equipo de Investigación Sociedades en Movemento (ESOMI) da UDC, retrata a importancia que ten o traballo das mulleres migrantes na supervivencia e no benestar das súas familias, na localidade galega de Burela e na illa caboverdiana de Santiago. Vémolas cociñar, limpar, atender maiores e crianzas tanto nas súas localidades de orixe como na sociedade de destino, a galega, e comprendemos o impacto que ten...

leer más
Etiquetas:
12/05/2022

O filme “A poeta analfabeta”, sobre a escritora e activista Luz Fandiño, proxectarase durante este mes de maio en Vilalba, A Pobra do Brollón, Foz , Sarria e Chantada, dentro do Ciclo Mestre Mateo, promovido pola Academia Galega do Audiovisual e a Vicepresidencia da Deputación.

Trátase da segunda proxección programada neste circuíto, que contempla a exhibición dos oito filmes finalistas dos Premios Mestre Mateo nas categorías de mellor longametraxe documental e mellor longametraxe de ficción, cunha proxección cada mes durante todo o ano.  

A vicepresidenta da Deputación, Maite Ferreiro, convidou a “asistir a estas proxeccións  programadas nas distintas comarcas co obxectivo de achegar o cine en galego a todo o público e afianzar a demanda de produción audiovisual no noso idioma, que é algo que entendemos...

leer más
Etiquetas:
30/04/2022

O Observatorio da Mariña pola Igualdade organiza unha conferencia e exposición documental sobre os matriarcados o vindeiro sábado, 7 de maio, no Salón-Teatro de Ribadeo ás 11 horas. 

A relatora da conferencia será Anna Boyé, antropóloga e fotoxornalista que basea o seu traballo nas sociedades matriarcais da actualidade. A través das súas viaxes (Perú, China, Sumatra, México e Guinea Bissau) e investigacións, procura a posta en valor daquelas mulleres, capaces de levar a cabo a xestión de sociedades máis xustas e igualitarias. Así, expón o matriarcado, non como un antónimo de patriarcado, senon como unha forma de estruturación social que busca a igualdade entre a muller e o home. 

A xornada estruturarase da seguinte forma: 
- Relatorio sobre as sociedades matriarcais da man de Anna Boyé de 11:30 a 13:00. ...

leer más
Etiquetas:
19/04/2022

O Teatro Pastor Díaz de Viveiro acollerá este xoves, 21 de abril, a proxección do documental titulado Maruja Mallo. Mitad ángel, mitad marisco. O acto dará comezo ás 20:30 horas e contará coa intervención do director do documental, Antón Reixa. A entrada será de balde ata completar a capacidade do espazo.

Ademais o vindeiro sábado, 23 de abril, ás 20:30 horas presentarase o espectáculo Bailar agora. Trátase dun impulso por situarnos no tempo actual das cousas con plena consciencia sobre como estamos a vivir o aquí e o agora a través da danza. O elenco artístico está composto por Marta Alonso Tejada e Sergio Perol.

O prezo das entradas é de 5 euros e 3€ para estudantes e xubilados e a reserva pódese facer no teléfono 982 560 162 ou en rbg.cultura@viveiro.es

 

Etiquetas:
13/04/2022

O filme “A virxe roxa”,  Premio Mestre Mateo á mellor longametraxe documental, proxectarase en Vilalba, A Pobra do Brollón, Foz , Sarria e Chantada, dentro do Ciclo Mestre Mateo, promovido pola Academia Galega do Audiovisual coa colaboración da Vicepresidencia da Deputación.

Trátase da segunda proxección programada neste circuíto, que contempla a exhibición dos oito filmes finalistas dos Mestre Mateo nas categorías de mellor longametraxe documental e mellor longametraxe de ficción, cunha proxección cada mes durante todo o ano.  

A vicepresidenta da Deputación, Maite Ferreiro, convidou a “asistir a estas proxeccións coas que, da man da Academia Galega do Audiovisual, contribuímos á difusión do cine galego, tratando de fidelizar ao público e asentar unha demanda de producións audiovisuais en galego que repercuta...

leer más
20/06/2021

O Concello de Viveiro organiza unha actividade en torno á figura de Xela Arias, homenaxeada este ano no Día das Letras Galegas.

O acto terá lugar o vindeiro domingo, 27 de xuño, ás 19:00 e ás 20:00 horas na sala multiusos do Concello de Viveiro e consistirá na proxección do documental de Beatriz Pereira titulado "Xela Arias, poeta nas marxes".

Ao remate haberá un coloquio que contará coa intervención da propia Beatriz Pereira e con Daniel Chapela.

A reserva de entradas pódese facer no teléfono 982 560 162 ou no correo electrónico rbg.cultura@viveiro.es . A capacidade será limitada.

Colaboran na organización do evento: Xunta de Galicia e Xacobeo 21-22.