Festas
A parroquia ribadense de Covelas celebrará as súas na honra do seu patrón, San Vicente, o sábado 20 de xaneiro.
As actividades comezarán ás 13:00 horas cunha misa solemne, á que seguirá a sesión vermú e despois terá lugar a comida nun local climatizado. A música correrá a cargo de Jaime Paredes.
O menú da comida estará composto por callos, codillo asado, brazo de xitano, viño, refrescos, auga e café. O prezo para adultos é de 27 euros e os nenos e nenas de ata 10 anos deberán pagar 14 euros. O prazo para reservar os tickets rematará o 14 de xaneiro.
A parroquia focega de San Martiño celebra as súas festas patronais desde este venres 10 ata o domingo 12 de novembro.
As actividades empezarán o venres cunha verbena amenizada polo D´Vicio e Conxuro Discomóbil. O sábado a partir das 13:00 horas celebrarase misa solemne e a continuación haberá sesión vermú amenizada polo grupo Mar d’Arousa, que tamén actuará na verbena con Conxuro Discomóbil. E o domingo a partir das 13:00 horas celebrarase misa solemne e procesión. E despois terá lugar a sesión vermú amenizada polo grupo Toxo Guayaba.
No campo da festa haberá carpa con calefacción.
A Comisión de Festas de Canedo, no concello de Lourenzá, organiza unha cea baile para o 11 de novembro, sábado, a partir das 21:30 horas. Será no campo da festa de Canedo.
O menú da cea estará composto por fabada, costela asada de porco, sobremesa, café e chupito. Os tickets están á venda nos bares do pobo (Xiraldo, Gayoso, Baos, Pipote, Galaxia, Aturuxo, Morrigan e Torreón) ou comunicándose con calquera dos tres membros da comisión: David, Diego e Suso. Debido a que é unha cea por encargo a fecha límite para a recollida dos tickets é o 9 de novembro.
Despois da cea haberá verbena amenizada polo trío Zafiro e o DJ Billy, ademais de sorteo de regalos e más sorpresas.
Os organizadores anuncian que “o evento celebrarase baixo carpa con calefactores, se o tempo non axuda”.
Debido ao grave incendio forestal que afectou ao municipio de Ribadeo durante a ponte do Pilar, as festas do Santo Cristo na parroquia ribadense de Piñeira foron aprazadas para os día 28 e 29 de outubro, sábado e domingo.
O sábado haberá verbena coas orquestras Fania Blanco Show e Los Player’s. E o domingo celebrarase misa solemne cantada pola Coral Polifónica de Ribadeo ás 13:00 horas e a continuación procesión e sesión vermú amenizada pola orquestra Trebol, que tamén actuará na verbena xunto a Los Satélites.
A localidade focega de A Espiñeira celebra as festas na honra da Virxe do Pilar os días 11 e 12 de outubro, mércores e xoves.
O mércores a partir das 22:30 horas haberá verbena amenizada pola orquestra Saudade e a disco móbil Eventec co DJ Cosme. Sortearase un agasallo valorado en 150 euros.
E o xoves a partir das 12:00 celebrarase misa solemne e procesión amenizada pola Banda Municipal de Música de Foz. E a continuación, sesión vermú prolongada a cargo do grupo Kalima 3.0.
No recinto da festa haberá carpa.
A parroquia de Castelo celebrará a festa na honra da Nosa Señora do Rosario a fin de semana do 7 e 8 de outubro.
Os festexos comezarán o sábado 7 ás 13:00 horas con misa solemne cantada polo Coro Parroquial de Cervo e a posterior procesión. A continuación haberá sesión vermú a cargo do Grupo Fénix, que repetirá na verbena co Grupo Pasión, a partir das 22:00 horas. Xa o domingo 8 haberá misa solemne de novo ás 13:00 horas cantada polo Coro Parroquial de Cervo. A continuación terá lugar a procesión acompañada polo grupo Fol do Raxal, seguida da sesión vermú amenizada polo dúo Belinda.
A cita foi presentada pola alcaldesa de Cervo, Dolores García Caramés; polo edil de Zona Rural, Adrián Arias; e por unha representación da asociación Cabaleiros do Xunco, que organiza a festa coa colaboración do Concello de Cervo e da Comunidade...
leer más
Villapercide, no municipio de Trabada, celebra as festas na honra de San Miguel esta fin de semana, desde o venres 29 de setembro ata o domingo 1 de outubro. O recinto estará cuberto con carpa.
O venres empezarán os actos ás 12:00 horas con misa solemne seguida de procesión e sesión vermú coa disco móbil The Sound Project. Pola noite haberá verbena co grupo Los Coleguitas. De 20:30 a 00:00 horas Pulpería Mario, de Lugo, servirá churrasco, polbo e xamón cocido.
Para o sábado a programación inclúe misa solemne ás 13:30 horas seguida de procesión e sesión vermú co grupo Superstar e a disco móbil The Sound Project, que tamén estarán na verbena.
E o domingo celebrarase misa solemne ás 12:00 horas seguida de procesión e sesión vermú co grupo de gaitas Illa Pancha e a disco móbil The Sound...
leer más
A Pontenova celebrará as súas festas patronais, na honra de San Lucas, do venres 6 ao luns 9 de outubro.
O venres a música correrá a cargo da Hermo disco truck con DJ Bombardero e Cosmedeejay.
O sábado haberá sesión vermú e verbena coa orquestra Compostela. E ás 19:00 horas na Avenida de Vilaoudriz terá lugar un show acrobático con motos e outros vehículos a cargo de Paulo Martinho. Ademais estará a Hermo disco truck con Pedro Brmudz e ás doce e media da noite farase a XXIII Queima dos Fornos.
O domingo haberá sesión vermú e verbena coas orquestras Costa Dorada e París de Noia.
E o luns 9 rematan as festas cunha sesión vermú amenizada por DJ Bombardero.
A parroquia de Vilaoudriz, na Pontenova, celebrará as súas festas na honra da Virxe das Dores do venres 15 ao domingo 17 de setembro.
O venres a partir das 22:00 horas haberá churrascada no campo da festa e verbena amenizada por Pedro Brmudez DJ. Para degustar o churrasco hai que comprar tickets e o prazo para retiralos remata o 13 de setembro.
O sábado ás 13:00 horas celebrarase misa solemne no campo da festa, onde ademais haberá procesión e sesión vermú co grupo Lecer, que tamén tocará na verbena, onde ademais actuará Verónica Cambón.
As festas rematarán o domingo 17, xornada na que ás 13:00 horas celebrarase misa solemne no campo da festa, onde tamén haberá procesión e sesión vermú co dúo La hora bruja.
O campo da festa estará cuberto con carpa.
As festas de Xunqueira (Viveiro), na honra da Nosa Señora de Valdeflores, celebraranse na fin de semana do venres día 8 ao domingo 10 de setembro. Foron presentadas pola alcaldesa de Viveiro, María Loureiro; o segundo tenente de alcaldesa, Jesús Fernández Fernández; e Jacobo Otero, membro da comisión de festas.
O venres 8 haberá verbena coas actuacións de Verónica Cambon e Disco Móbil Conxuto. O sábado 9 celebrarase misa solemne ás 12:00 horas e continuación terá lugar a procesión coa Banda Naval e sesión vermú co grupo Zona Zero. A partir das 17:00 horas haberá toro mecánico e festa da espuma. Rematará a xornada coa verbena amenizada polo Trío Zafiro e o grupo Zona Zero. E o domingo 10 a partir das 13:30 celebrarase a Festa dos Calles e sesión vermú co dúo Estrellas.