Lourenzá
18/07/2016
A Concellería de Cultura de Lourenzá organiza para a vindeira ponte festiva dúas actuacións musicais coa Banda Migallas e Zenith Cello Dúo. Estes concertos terán lugar o sábado 23 de xullo e o luns 25.
O concelleiro de Cultura, Manuel Arango, anunciou hoxe que “seguindo coa programación cultural que temos para o verán desde a Consellería de Cultura de Lourenzá temos unhas actividades previstas para os próximos días”.
Manuel Arango detalla que “o sábado 23 de xullo ás 21:00 horas na Praza do Conde Santo temos á Banda Migallas co espectáculo Zaragallada. É unha actuación musical pensada para o público de todas as idades para que pasen unha tarde noite...
leer más 06/07/2016
Este venres e sábado haberá espectáculos de circo e teatro en Vilanova de Lourenzá. O venres actuará Circo Chosco e o sábado terá lugar a representación de Memorias das Memorias dun Neno Labrego a cargo de Cándido Pazó.
O concelleiro de Cultura, Manuel Arango, anunciou hoxe que “este venres, día 8, ás oito e media da tarde na Praza do Conde Santo, temos a actuación de Circo Chosco co espectáculo Forzu2. É unha mestura de teatro, de circo, maxia e moito humor, dentro do programa Vive o Camiño, da Xunta de Galicia”.
Manuel Arango engade que “o sábado, día 9, ás 20:00 horas, no Salón de Actos do Concello, terá lugar a representación de Memorias das...
leer más 20/06/2016
O Mago Antón ofrecerá 5 actuacións este venres, día 24, no seu auditorio móbil, que estará instalado na Praza César Chavarría, de Vilanova de Lourenzá.
As funcións serán a estas horas: 13:00, 18:00, 19:00, 20:00 e 21:00. En cada sesión hai capacidade para unhas 70 persoas e a entrada é gratuíta.
Esta actividade encádrase dentro do programa Cultura no Camiño, que pon en marcha a Xunta de Galicia a través do AGADIC. A Concellería de Cultura laurentina anima a asistir a este espectáculo e a gozar dunha tarde de ocio e maxia da man do Mago Antón.
07/06/2016
A asociación Pasada das Cabras de Burela e Terras de Lourenzá organizan a sexta etapa do Camiño Norte, que terá lugar este sábado 11 de xuño.
O itinerario de 16 quilómetros cubre o percorrido entre Vilalba e Baamonde. A saída será as oito da mañá da Estación de Autobuses de Burela. O prezo é de 20 euros para os socios e de 25 euros para os que non o son, inclúe autobús, comida e seguro. Para participar hai que anotarse en Gráficas Arfe ou no número de teléfono 982 580 504 antes do xoves día 9 de xuño ás 20:00 horas.
25/05/2016
O 23 de xuño celebrarase en Lourenzá A Queima do Xanciño. Ás 21:00 horas terá lugar a procesión do Xanciño polas rúas da vila e despois no recinto feiral haberá sardiñada, churrasco e chourizos a prezos populares.
Estas actividades para a noite de San Xoán están organizadas pola Asociación Conde Santo e a Asociación de Comerciantes, Industriais e Autónomos ACIAL de Lourenzá. Colabora o Concello de Lourenzá.
13/05/2016
A Asociación Terras de Lourenzá organiza unha fin de semana de andainas en Somiedo como xa fixera o pasado ano aínda que nesta ocasión realizará outro par de rutas diferentes. Será os días 28 e 29 deste mes.
O sábado 28 realizará a ruta de La Peral-Villar de Vildas cunha distancia de 13 quilómetros e dificultade media-alta. O domingo 29 a andaina será a ruta de subida ao Monte Rozu cun percorrido de 6 quilómetros e dificultade baixa.
Os prezos da actividade é de 80 euros para os socios federados, 85 euros para socios non federados, 95 euros para os non socios que están federados e 100 euros para os non socios non federados. A data límite para anotarse...
leer más 12/05/2016
O Concello de Lourenzá conmemora o Día das Letras Galegas con actividades que se celebrarán o vindeiro luns en Vilanova e o martes no Pazo de Tovar.
A alcaldesa, Rocío López, anunciou hoxe que “o Concello de Lourenzá programa, para conmemorar o Día das Letras Galegas, unha serie de actos cos que busca render homenaxe ás nosas letras e ó autor homenaxeado: Manuel María, o poeta da Terra Cha. Os actos comezarán o luns, día 16 de maio, con dúas actividades dirixidas especialmente ó público infantil: ás seis da tarde, dentro do programa Ler Conta Moito, da Xunta de Galicia, levarase a cabo ás seis da tarde no salón de actos municipal o espectáculo titulado Babacontos con Manuel María. Da man da actriz Larraitz Urruzola os nenos e nenas...
leer más 29/04/2016
Vilanova de Lourenzá acolle a tradicional Festa do Maio este domingo, día 1, que inclúe desfile polas rúas da localidade e diversas actividades na praza do Conde Santo.
A alcaldesa, Rocío López, anunciou hoxe que “este ano a programación presenta unhas cantas novidades con respecto a edicións anteriores. Mañá, sábado, día 30, terá lugar no mercado comarcal gandeiro a partir das cinco da tarde un obradoiro titulado Facendo un Maio. Está dirixido a tódolos nenos e nenas que queiran participar. Para poñer en marcha esta iniciativa o Concello púxose en contacto coa ANPA e o CEIP Juan Rey, que colaboran na programación deste taller. Co fin de coñecer a fondo unha das festas tradicionais que forman parte do noso contorno propoñemos que...
leer más 18/04/2016
A Delegación de Cultura do Concello de Lourenzá organiza unha actuación do coro formado por alumnos e alumnas do Instituto de Secundaria de Foz dirixido polo profesor de música Fernando Allén Fraga. Será o vindeiro xoves, día 21, ás 20 horas no salón de actos do Concello.
15/04/2016
O Concello de Lourenzá programa diversas actividades para celebrar o Día do Libro na biblioteca municipal e no centro de día para maiores na xornada do 22 deste mes, venres.
Ás 12 do mediodía na biblioteca municipal haberá o espectáculo infantil Bibliocanta, a cargo de Chío Couto Rendo. Esta actividade forma parte do programa Ler conta moito, da Xunta de Galicia.
E ás catro e media da tarde no centro de día terán lugar lecturas musicadas da obra do escritor Manuel María.
Ademais ese día na biblioteca municipal os asistentes serán agasallados cuns marcadores.