Mondoñedo

Etiquetas:
30/11/2017
O Concello de Mondoñedo entregará o sábado 23 de decembro os premios aos gañadores da segunda edición do concurso fotográfico ‘O mellor recuncho de Mondoñedo’, que baixo o lema ‘Elixe o lugar de Mondoñedo que máis che gusta’,  ten por finalidade a elaboración dun calendario para o vindeiro ano 2018.
 
A alcaldesa de Mondoñedo, Elena Candia, e o edil de Educación, Alberto García, deron a coñecer esta mañá o nome dos tres galardoados así como as doce fotografías seleccionadas, unha por cada mes do ano, entre as enviadas polos 38 participantes desta segunda edición do concurso.
 
As doce fotografías, que ilustrarán o calendario municipal de 2018 son as dos seguintes autores:
 
- Xaneiro:...
leer más
23/11/2017

O Concello de Mondoñedo xunto co Centro de Información ás Mulleres da administración local organiza para este sábado 25 de novembro unha serie de actos con motivo do Día Internacional contra a Violencia de Xénero.

A alcaldesa, Elena Candia, xunto á edil de Benestar, Ángeles Rodríguez, explicaron as accións que se desenvolveran baixo o lema de ‘Mondoñedo di non á violencia de xénero’, entre as 11:00 e as 13:00 horas, na Praza do Concello.

Segundo precisan, dende o Concello empapelarase a localidade co cartel de ‘Mondoñedo di non a violencia de xénero’ e máis co nome de cada unha das vítimas desta lacra no que vai de ano.

Ademais de habilitar un punto de información na Praza do Concello a partir das once da mañá e do reparto de lazos morados entre os veciños; ás 12.00 horas,  Mercedes...

leer más
Etiquetas:
20/11/2017

A novela A raíña das velutinas de Lionel Rexes será presentada en Mondoñedo o 2 de decembro. O acto terá lugar na Casa da Penela en Vilamor, ás 19:00 horas. Precisamente a narración xurdiu nese establecemento de turismo rural.

Tras a presentación celebrarase unha cea no mesmo local, para a que é preciso anotarse, e pode facerse no teléfono 645 97 18 77. O prezo da cea é 20 euros e a data límite para a inscrición o luns 27 de novembro.

O acto de presentación estará amenizado polo cantautor Miro Casabella e polo músico e escritor mindoniense Fran Bouso. A mesa de presentación estará formada, amais de polo propio autor, por Xulio Rodríguez Leiras -activista cultural mindoniense-, Fernanda Cedrón Trigo –neta do mítico guerrilleiro mariñao O Gardarríos-, e Bernardo Penabade –profesor de lingua galega que elaborou unha...

leer más
Etiquetas:
19/11/2017

O Concello de Mondoñedo invita a todos os veciños a adornar o exterior das súas vivendas ou zonas públicas durante o Nadal. Con esta finalidade, vén de anunciar que dende o Goberno local se porá en marcha o concurso de adornos de Nadal ‘Engalanemos as rúas da Paula’. 

O edil de Educación, Alberto García,  explica que a través desta iniciativa o Goberno local promove a participación activa dos veciños para “entre todos acadar no noso casco histórico e en todo o municipio un conxunto propio das datas do Nadal”. 

Así, o concelleiro invita aos mindonienses a que “se sumen a esta proposta decorando a súas fachadas, portais, balcóns ou o que se lles ocorra con motivos propios destas datas tan sinaladas e entre todos promoveremos e difundiremos o espírito destas fechas nun dos municipios, candidato a integrarse en ‘...

leer más
Etiquetas:
15/11/2017
O Concello de Mondoñedo fixo público os gañadores do VI Premio de Poesía Manuel Leiras Pulpeiro, concurso que vén de ser fallado. A obra Coleópteros, da autoraLorena Souto, natural de O Páramo, resultou gañadora deste certame. A galardoada obterá un premio de 1.500 euros, placa e diploma.
 
O segundo premio, dotado con 600 euros, placa e diploma, recaeu na obra Álbum da que é autorEmilio Salgado Freire de Betanzos. Pola súa banda, Xosé Ramón Sánchez Varela, de Carballo,  acadou o terceiro premio, dotado con 300 euros, placa e diploma, coa obra Queiroas.
 
A entrega do premio terá lugar nun acto público organizado polo Concello de Mondoñedo, que se celebrará o sábado 25 de novembro, segundo o seguinte programa:
- 12....
leer más
Etiquetas:
09/11/2017

A asociación cultural O Pasatempo de Mondoñedo celebra este sábado, 11 de novembro, un magosto popular na praza do Concello.

Desde as 19:00 horas poderán degustarse castañas asadas con viño, e chocolate para os máis pequenos, de maneira totalmente gratuíta.

A asociación Gaita Escola de Mondoñedo colaborará neste magosto e animará a tardiña acompañando coa súa música tradicional toda a actividade. Ademais haberá carpa para poder disfrutar desta festa.

 

04/11/2017

O Concello de Mondoñedo asistirá este ano ao II Fórum do Camiño de Santiago ‘Fairway’, que se celebrará do 12 ao 14 de novembro no Palacio de Congreso e Exposicións de Galicia en Santiago de Compostela. Neste espazo, no que se aborda o fenómeno do Camiño en toda a súa amplitude, a alcaldesa da localidade, Elena Candia, presentará unha guía cos recursos que ofrece Mondoñedo ao peregrino co obxectivo de posicionar a cidade como final de etapa do Camiño Norte.

Ademais dunha guía cos recursos cos que conta a localidade, Elena Candia tamén adianta que neste escaparate, punto de encontro entre empresas, institucións e destinos; dende o Concello de Mondoñedo presentarán unha proposta centrada naposta en valor do potencial turístico e da unión entre as dúas catedrais do Camiño Norte, dende Mondoñedo a Santiago de Compostela. 

... leer más
Etiquetas:
29/10/2017

O Concello de Mondoñedo vén de convocar a segunda edición do concurso fotográfico ‘O mellor recuncho de Mondoñedo’, que baixo o lema ‘Elixe o lugar de Mondoñedo que máis che gusta’,  ten por finalidade a elaboración dun calendario para o vindeiro ano 2018, coas mellores imaxes dos lugares preferidos da localidade.

A alcaldesa de Mondoñedo, Elena Candia, e o edil de Educación, Alberto García, precisan que, polo tanto, o obxectivo será elixir doce fotografías, unha por cada mes do ano, que ilustrarán o calendario municipal de 2018.

As bases deste concurso, que contou cunha moi boa acollida na súa primeira edición, establecen que pode participar todo aquel que o desexe; limitan o envío a un máximo de dúas fotos por persoa e establecen como prazo para remitir as instantáneas ata o luns 20 de novembro.  As imaxes...

leer más
06/10/2017

A exposición fotográfica de CristianCarabali, que recolle imaxes de paisaxes da Mariña, chega no mes de outubro a Mondoñedo. A inauguración celebrarase este sábado, sete de outubro, na Sala de Exposicións do Centro Comarcal (Pazo de Santo Tomé), ás 17:00 horas. 

Esta exposición, que suma a décimo primeira que o fotógrafo fai na comarca, poderá visitarse dende o sábado día sete ata o 31 de outubro, tanto en horario de mañá de 10:00 a 15:00 horas, como pola tarde de 16:00 a 20:00 horas.

A mostra recolle imaxes de diferentes paisaxes da Mariña lucense e, no caso concreto de Mondoñedo, hai fotografías da Catedral e do Mosteiro dos Picos. Ademais, entre a imaxes seleccionadas para ser expostas na localidade tamén hai retratos que, segundo o autor, son atípicos, xa que responden a unha forma diferente de mostrar ás...

leer más
Etiquetas:
05/10/2017

O Presidente da Deputación, Darío Campos Conde, e o Presidente da Comisión das Feiras e Festas das San Lucas, Miguel Souto Cabana, asinaron no Pazo de San Marcos, o convenio de colaboración entre as dúas entidades para promocionar as Feiras das San Lucas de Mondoñedo. Celébranse dende o ano 1.156 e están consideradas as máis antigas de Galicia e unha das mais antigas de Europa. Comezan o día 17 e rematan o 22 de outubro. Esta colaboración supón un investimento de 20.000 euros por parte do organismo provincial, convertendo así á Deputación no principal patrocinador desta cita.

Campos Conde remarcou que “dende o Executivo Provincial colaboramos con esta cita co obxectivo depromover, recuperar e revalorizar as tradicións locais como sinais de identidade e atractivo da provincia. Facémolo no marco do 1º Plan Estratéxico de Turismo de Lugo, que...

leer más