musica

Etiquetas:
01/09/2021

Dende hoxe e ata o 17 de setembro permanecerá aberto o prazo de matrícula na Escola Municipal de Música de Burela.

O seu director, Xan Carballal, explica que “como en anos anteriores a escola imparte  as especialidades de canto, guitarra, violín, viola, violonchelo, contrabaixo, piano, frauta, clarinete, óboe, fagot, saxofón, trompeta, trombón, trompa, bombardino... así como clases de grupo de diversas formacións coma orquestra ou banda, coro e jazz e música moderna, clases de formación musical para adultos e clases de formación musical para nenos e nenas dende os catro anos”.

Carballal subliña que “para formalizar a matrícula ou resolver calquera cuestión, a escola permanecerá aberta en horario de 10 a 14 horas nas instalacións da Rúa da Igrexa, no edificio da Casa da Xuventude. Pódese atopar tamén información no...

leer más
Etiquetas:
16/08/2021

Cine e música son as propostas da axenda cultural de Burela para esta semana. 

Este mércores, 18 de agosto, volverá o cine ao aire libre. Ese día terá lugar unha nova sesión de Cine na Rúa coa proxección da película Abominable. Será na Praza da Mariña a partir das 22:00 horas.

O sábado, 21 de agosto, a Orquestra de Cámara do Festival Bal y Gay presentará O Amor Bruxo de Falla, baixo a dirección de Jaume Santonja e coa cantaora María Toledo. A actuación terá lugar no Auditorio de Burela e dará comezo ás 20:30 horas. A reserva de entradas pódese facer en www.festivalbalygay.com. 

Rastrillo Popular Solidario
E o 29 de agosto terá lugar unha nova edición do Rastrillo Popular Solidario, que organiza a Concellería de Cultura. Será na Praza da...

leer más
Etiquetas:
12/08/2021

O músico e actor Paco Nogueiras ofrecerá o seu espectáculo Extra! na Praza do Souto, de Cervo, este sábado, día 14 de agosto, ás 20:30 horas.

Extra! é un espectáculo baseado no libro-cd co mesmo título editado por Kalandraka Editora, na que se combinan cancións e interpretacións cos rexistros máis divertidos.

Este evento está organizado pola Asociación Cultural Recreativa Fervenza de Sargadelos.

 

Etiquetas:
10/08/2021

A Escola Municipal O Pallarego, de Mondoñedo, ofrecerá dous concertos de música medieval este xoves, día 12 de agosto: ás 19:00 horas na capela da Venerable Orden Terceira e ás 21:00 horas no Centro Cultural de Álcantara.

Nos dous casos o aforo é limitado e a reserva de entradas hai que facela na oficina de turismo, en horario de 10 a 14 e de 16 a 19 horas ou chamando ao teléfono 982.50.71.77 

 

Etiquetas:
23/07/2021

O concelleiro de dinamización, Dani García, e a concelleira de educación e igualdade, Montse Porteiro, presentaron o Barreiros ConVidate que achegará música e cine a distintos puntos do concello durante os meses de xullo e agosto. 

“As actividades están pensadas para realizar ao aire libre e encher as prazas e os espazos públicos das distintas parroquias de cultura, achegando así a música e o cine aos distintos puntos do municipio e contribuíndo a que as persoas se despracen e coñezan Barreiros, ao tempo que se fomentan as relacións sociais”; explicou Dani García. 

O edil explica que tamén se programarán outras actividades, fóra deste programa que achegarán máis espectáculos a outras parroquias e lugares que poidan non estar incluídas nesta ocasión. 

A programación comeza este mesmo...

leer más
Etiquetas:
21/07/2021

A música protagoniza a axenda cultural de Ribadeo para esta fin de semana. 

O sábado, 24 de xullo, estará Xacarandaina en Ribadeo ás 19:00 horas no Cantón cun espectáculo de baile e música tradicional dentro do programa Danza 3-Xacobeo 21-22.

O domingo, 25 de xullo, a Banda de Música Municipal de Ribadeo ofrecerá o seu tradicional Concerto da Patria. Será no parque San Francisco ás 21:00 horas. 

 

Etiquetas:
13/07/2021

Desde o Concello sinalan: “comezamos unha nova semana con actividades, nesta ocasión concentradas no mércores 14. Ás 20 horas teremos música rock infantil con Paco Pakolas e Laura Romero co espectáculo Ti debuxas, eu C@nto con Ramona Órbita. Trátase dun espectáculo de animación á lectura subvencionado pola Xunta de Galicia en Ler Conta Moito”. 

E engaden: “e ás 22:30 horas será a ruta nocturna que parte da zona da ponte sobre o río Sor e remata na praia de Xilloi con chocolatada opcional por 2 euros. Unha actividade para toda a familia para as noites de verán. Inscricións no 982 59 01 95 ou no mail omix@concellodovicedo.org”. 

Etiquetas:
06/07/2021

Xacarandaina actuará en Burela o vindeiro sábado, 10 de xullo. Será ás oito da tarde na praza da Mariña. A cita chegará da man do Xacobeo 21-22 e do Concello. 

Danza 3 Xacobeo 21-21 así se denomina o espectáculo de baile e música tradicional que ofrecerá Xacarandaina, que asegura no seu facebook que “a través da Federación XOC e cos nosos compañeiros de O Fiadeiro e Cantigas e Agarimos, seguimos traballando para dar visibilidade ao folclore galego e pola recuperación do noso Patrimonio Inmaterial”. 

O concelleiro de Cultura, José Díaz, anima “a asistir e a disfrutar desta actuación de Xacarandaina, un grupo con máis de 40 anos de vida, que nos deleitará con baile e música tradicional galega. O espectáculo desenvolverase respectando o protocolo covid e as normativas sanitarias en vigor”. 

 

Etiquetas:
28/06/2021

Desde o vindeiro xoves, 1 de xullo, e ata as 14:00 horas do 15 de xullo estará aberto un prazo de solicitude de matrícula na EMMeD no curso 2021/2022 para o novo alumnado. 

O responsable da Escola ribadense, Hugo García, explica que “se fará de xeito telemático a través dun formulario que se atopará na páxina web da escola. No caso de que pechado este prazo haxa máis solicitudes que número de prazas dispoñibles, realizarase un sorteo para determinar as persoas que entran neste novo curso. As restantes formarán parte dunha lista de agarda”.

García subliña que “ademais da abanico habitual de materias que a EMMeD ofrece, este curso como novidade, engádense dúas novas: ukelele e danza de adultos. Foron numerosas as persoas que foron preguntando por estas disciplinas e finalmente decidimos engadilas dentro do catálogo...

leer más
Etiquetas:
22/06/2021

A Escola Municipal de Música e Danza de Ribadeo retoma este curso o programa Musiqueando polas parroquias, que dera comezo antes da pandemia. Esta semana chegará ao Círculo Habanero de A Devesa. Será o xoves, 24 de xuño, ás 20:00 horas. 

O responsable da EMMeD, Hugo García, explica que “continuando cun dos principais obxectivos do centro, que é ser motor sociocultural do concello, a escola vén de programar unha pequena actuación na Devesa, para que as persoas que non residen no casco ribadense, e lles poida resultar máis complicado asistir ás actividades que a EMMeD habitualmente programa, as poidan coñecer máis de cerca. Será unha mostra do traballo que leva feito ao longo do curso unha parte do alumnado do centro”. 

García sinala que “nos vindeiros cursos escolares faremos outras quendas de actuacións nas...

leer más