Nadal
O Concello de Burela celebrará un mercado de nadal os días 2 e 3 de decembro, para o cal xa abriu o prazo de inscrición de postos. O mercado terá lugar na carpa situada na praza da Mariña.
Todas aquelas asociacións, entidades, artesáns ou comerciantes que o desexen poden anotarse ata o día 26 de novembro, xa sexa presencialmente no punto de información da Casa do Concello ou por correo electrónico no enderezo cultura@burela.org
A concelleira de Cultura e Comercio de Proximidade de Burela, Lina Gómez Pardo, anima a todas as persoas interesadas a “facer parte do mercado para continuar impulsando o comercio local da vila nunha época tan sinalada como é a do nadal”.
O Concello de Burela deu comezo aos traballos de instalación da iluminación de nadal, que se estenderá ao longo de máis de trinta rúas e prazas da localidade.
O alumeado das luces terá lugar o vindeiro día 6 de decembro, mércores, e estas permanecerán acendidas durante un mes, ata o 6 de xaneiro, Día de Reis. O acto de acendido incluirá ademais unha actuación musical.
A alcaldesa de Burela, Carmela López, destaca “a colaboración constante co comercio local que temos dende o Concello, dada a importancia que as luces de nadal teñen para o sector e para a veciñanza en xeral”.
Pola súa banda, Patricia Eijo, concelleira de Economía e Facenda e de Festas e Festexos, destacou “as novidades na iluminación artística e decoración que haberá este ano”.
Ademais, as...
leer más
En Ribadeo deu comezo onte, luns, a instalación da iluminación de Nadal. O orzamento ascende a máis de 35.000 euros, segundo deu a coñecer o alcalde, Dani Vega.
O rexedor manifestou que “Ribadeo dálle a benvida ao Nadal. Xa estamos iluminando as rúas para abrazar ese Nadal que queremos pasar todos entre familia e amigos”.
Vega contou que haberá unha ampla programación con moitas novidades: “estamos a construír un Nadal que está pensado para todas as idades. Haberá actividades para todos e moitas novidades e dese logo queremos que sexa un Nadal de todos os ribadenses e tamén acoller a aqueles visitantes que veñen a gozar do Nadal ribadense”.
O alcalde sinalou que “pouquiño a pouco dámoslle a benvida ao Nadal, estamos a iluminar as rúas, incrementamos o orzamento destinado a este fin,...
leer más
O Concello de Foz leva dende o verán preparando un Nadal cheo de luz, actividades, sorpresas e doces. Este luns comezou a instalación do alumeado, que se fai por parte dunha empresa e de operarios municipais.
“Xa levamos unhas semanas revisando luces, colocando tensores, tirando cable,… Leva tempo preparar unha iluminación bonita e que poida sorprender aos veciños e visitantes”,explica a concelleira de Cultura, Inés López Couto, quen engade que “en Foz o Nadal sempre é unha data especial, pero levamos uns anos volcándonos máis, poñéndolle un chisco extra, porque as caras dos máis pequenos son o mellor o día do acendido”
O venres día 1 de decembro está programado que comecen a brillar as luces, o bright friday ou venres luminoso. “Queremos facelo antes da ponte, para dar un aliciente máis para achegarse nos...
leer más
Ata o 15 de novembro está aberta a inscrición para participar no Mercado do Nadal de Ribadeo, que se celebrará do 1 ao 10 de decembro na contorna da praza de abastos.
O alcalde, Dani Vega, dixo que “desde o Concello xa estamos a organizar todas as actividades entorno ao Nadal e empezamos por este Mercado tradicional. Terá lugar do 1 ao 10 de decembro e este mítico e singular Mercado do Nadal preséntase como un espazo de cheo de oportunidades para todos os profesionais da artesanía, do deseño e da gastronomía. Vai funcionar como unha plataforma onde se visualiza perfectamente o traballo de cada profesional e o talento creativo”.
O rexedor subliñou que “como novidades este ano no Mercado do Nadal incrementamos os días de duración, collemos dúas fins de semana, que iso realmente é importante á hora das vendas, e...
leer más
A música inundará o auditorio municipal da Pontenova este sábado, 7 de xaneiro. Será a partir das oito da tarde.
Co Playback A Pontenova porá fin á programación de Nadal que se veu desenvolvendo nas últimas semanas, organizada polo Concello.
Este mércores, 4 de xaneiro, terá lugar a tradicional Gala de Nadal do Concello de Cervo, será na carpa instalada na Praza dos Campos, ás 20:00 horas.
Contará coas actuacións das agrupacións locais: Fol do Raxal, Coral do CIT, Coral Terramar, Cantareiras Cordenaia (Airiños do Xunco), Grupo Mistura e A Rebolaxe.
A programación de Nadal organizada pola Vicepresidencia da Deputación de Lugo pecha esta semana con actividades en Carballedo, Lugo, A Pontenova, Viveiro e Cospeito.
O campo da feira de Castro de Carballedo (17.00 horas) e a escola de Pías, en Lugo, (20.00 horas) reciben mañá martes a visita da “filla do Apalpador”, un contacontos musicado no que a narradora Antía Vázquez e o músico Andrés Espiñeira falan ás crianzas desta personaxe tradicional de Nadal e da súa historia.
O espectáculo, co que a área de Cultura trata de afianzar a presenza de tradicións propias na representación do Nadal, pecha con estas dúas funcións a xira que iniciou o pasado 13 de decembro, pasando polos concellos de Portomarín, Guntín, Chantada, Triacastela, Ourol, Alfoz, Ribadeo, O Incio, Lugo, Pantón, Sarria, O Páramo, Sarria, Samos, A...
leer más
A Banda Municipal de Música de Ribadeo recupera o seu tradicional concerto de Nadal titulado Aquí como en Viena, que o ano pasado non se celebrou debido á pandemia de Covid. Será o vindeiro xoves, día 29, ás 20:30 horas no auditorio municipal Hernán Naval con entrada de balde ata completar aforo.
O director da Banda ribadense, David Ballester, anuncia que “a Banda Municipal de Música de Ribadeo chega con Aquí como en Viena, un concerto típico destas datas que non pode faltar. O ano pasado tivemos que cancelalo polo motivo ben sabido por todos: o alto número de contaxios de Covid que había na nosa vila. Pero este ano estamos de volta con moitas ganas. Como todos os anos, este concerto estará dividido en dúas partes: a primeira cun repertorio moi ameno e variado e a segunda que xa nos traslada a Viena, con pezas da familia Strauss e algunha...
leer más
Despois do acendido das luces de Nadal, que enchen Foz de luz e cor, achéganse as vacacións dos máis pequen@s e a Delegación de Cultura do Concello de Foz preparou unha programación para que gocen da ilusión destas festas e compartan momentos de ledicia e diversión tamén cos maiores, explica a concelleira de Cultura, Inés López Couto.
Esta semana chega Papá Noel e para amenizar a espera o xoves 22 a partir das 20 horas a Escola de Música Municipal Arcadio Mon organiza o seu festival de Nadal no salón de actos do colexio Martínez Otero: poderanse ver as actuacións das nenas e nenos das clases de música en movemento, prebanda, aula coral e a orquestra de jazz. O sábado 24 pola mañá Papá Noel fará parada en Foz e estará acompañado polas rúas da vila dos nenos dos coros da Escola de Música, que cantarán pola Avenida da Mariña e Álvaro...
leer más