Nadal
O Concello de Cervo programa para as festas de Nadal unha axenda chea de eventos e actividades para todo tipo de públicos en colaboración coas diferentes asociacións do municipio.
A programación de Nadal arrincaca este mesmo sábado 10 de decembro co belén de plastilina, ás 12:00H na Casa do Concello e ás 17:00 horas na Casa da Cultura en San Ciprián, para todos aqueles que queiran colaborar na súa elaboración.
O próximo sábado 17 de decembro entre as 11:00 e as 20:00H celebrarase o III Mercado de Nadal, organizado na Praza do Souto en Cervo da man de Cabaliño de Pao e A Morena.
O deporte volve a estar presente da man do XIV Campionato de Nadal de Nihon TaiJitsu, que terá lugar o domingo 18 de decembro ás 11:00H no pavillón da Veiga. Ese mesmo día pola mañá, un pasarrúas recorrerá San...
leer más
A Asociación de Comerciantes, Industria e Autónomos de Burela presenta a campaña ‘Volve a Maxia do Nadal con ACIA Burela’ na que se sortearán tres viaxes: unha delas a Disneyland París (para tres persoas) e outras dúas a destinos sorpresa de proximidade (para dúas persoas).
Para participar nesta iniciativa de Nadal só é necesario mercar no comercio locais de Burela participantes ata o vindeiro 5 de xaneiro de 2023. Con estas compras repartiranse: por unha banda, unhas rifas numeradas para o sorteo da viaxe a Disneyland que se fará de maneira presencial na tarde do 5 de xaneiro na Praza da Mariña; pola outra banda, uns boletos nos que a clientela deberá cubrir con nome e teléfono para as viaxes de proximidade, neste caso non é preciso estar presencialmente no sorteo.
O obxectivo principal da campaña ‘Volver a...
leer más
A campaña de Nadal do Centro Comercial Histórico de Viveiro comeza nestes días cunha morea de actividades, concursos e sorteos.
Desde o CCH explican que “este ano seguimos apostando por reforzar a decoración da rúa, e repartimos mais de 120 árbores de luces leds que están colocados nas entradas dos comercios. A atmosfera navideña tamén será musical, posto que as rúas estarán ambientadas con panxoliñas, grazas ó fío musical instalado nos últimos anos por todo o centro urbano”.
Instalarase a árbore de luces xigante cun novo emprazamento, este ano estará nos Xardíns Noriega Varela (zona Templete da Música). Con case 11 metros de altura incrementáronse o número de luces led que leva incorporadas e acondicionarase o valado exterior da mesma.
Tamén se instalará nos Xardíns Noriega Varela (...
leer más
A Escola Municipal de Música e Danza (EMMeD) de Ribadeo celebra este sábado, 17 de decembro, ás 12:00 e 18:00 horas no Auditorio Municipal Hernán Naval o seu tradicional Festival de Nadal.
Na función de mañá actuará o alumnado máis cativo da escola e xa na de tarde celebrarase a noite de fin de ano de xeito anticipado e que nesta ocasión ten como temática central unha gala de ano vello no que non faltarán as uvas, o cotillón, as badaladas e moitas outras sorpresas coa música e a danza dos alumnos e alumnas do centro como banda sonora.
“Cada ano aventurámonos en novas propostas manténdonos fieis a tres piares: tentamos facer boa música e boa danza, que as alumnas e alumnos que participen no festival desfruten e aprendan enriba do escenario e que a xente que se achega ao auditorio o pase o mellor posíbel”, sinala...
leer más
En Ribadeo abriu as súas portas esta tarde o XIX Mercado do Nadal e foi inaugurado o alumeado ornamental destas festas, composto por máis de 850.000 luces led.
O Mercado do Nadal, que organiza o Concello, poderase visitar ata o 11 de decembro no parque de San Francisco. Son 25 postos de artesanía, deseño e gastronomía os que poderán atopar aquelas persoas que se acheguen a Ribadeo estes días.
Ademais haberá actuacións musicais e actividades para as mais pequenas e os mais pequenos da casa. Ata o Mercado do Nadal se achegaron esta tarde o alcalde, Fernando Suárez, e os concelleiros de Desenvolvemento Local, Medio Ambiente, Cultura e Igualdade, Pablo Vizoso, Jorge Díaz, Pilar Otero e Mónica Freire.
E coincidindo coa apertura do XIX Mercado do Nadal o Concello procedeu a inaugurar o...
leer más
O alcalde de Xove, Demetrio Salgueiro, e a concelleira de Cultura, Dolores Meitín, presentaron o amplísimo programa de actividades organizadas polo Concello para este Nadal 2022-23. Dentro do programa tamén se inclúen iniciativas organizadas por ACIAM Xove, concretamente a pista de xeo que estará aberta do 15 ao 30 deste mes, e pola ANPA do colexio Pedro Caselles Rollán, neste caso a Semana Lecer Branco, con actividades do 26 ao 30 de decembro.
A primeira actividade incluída no programa é a IV Gala do Emprendemento Local, que terá lugar no salón de actos do Centro Cívico o 16 deste mes e na que actuará Guadi Galego. Tamén haberá actos destinados aos nenos e nenas, como unha festa infantil con Papá Noel o venres 23, teatro o luns 26, o show musical infantil La Granja o xoves 29, unha festa infantil de fin de ano o 31, o Día da Infancia o...
leer más
Na Praza do Conde Santo, de Vilanova de Lourenzá, acaba de ser instalada unha nova Vila de Nadal elaborada artesanalmente, que conta con máis escenas e figuras que a do ano pasado. E ademais no barrio de Gracia hai unha estampa do Polo Norte para ambientar Lourenzá nestas datas.
A alcaldesa, Rocío López, anuncia que na Vila de Nadal instalada na Praza do Conde Santo “como novidades este ano incorporamos varias escenas, entre elas unha escola rural, unha lavandeira e varios oficios antigos, como un zapateiro e un ferreiro, entre outras. Tamén están presentes nesta estampa de Nadal uns músicos elaborados de figuriñas de madeira e unha muller que fai calceta na porta da súa casa”.
A rexedora municipal lembra que “xa hai uns anos que puxemos en marcha esta iniciativa e cada Nadal imos aumentando o número de figuras...
leer más
A XIX edición do Mercado do Nadal de Ribadeo terá lugar do 7 ao 11 de decembro no Parque de San Francisco, onde se darán cita 25 postos de gastronomía, artesanía e deseño. Contará cunha gran diversidade e cunha forte presenza de persoas creadoras e produtoras locais e de proximidade para, deste xeito, darlle un impulso ao emprego e desenvolvemento de Ribadeo nestas datas de gran afluencia de visitantes.
O concelleiro de Desenvolvemento Local, Pablo Vizoso explicou que “poderemos atopar repostería, marmeladas, xoguetes ou unha gran diversidade de complementos e elementos de deseño e ilustración. Nesta ocasión ademais o alumnado dos centros CEIP Gregorio Sanz, Sagrado Corazón e o IES Dionisio Gamallo tamén contarán cun espazo no mercado que utilizarán para recadar fondos para as viaxes de fin de curso”.
Vizoso...
leer más
O 11 de decembro celebrarase en Barreiros o Mercadiño de Nadal. Será na praza do Concello (en caso de mal tempo, trasladarase ao pavillón)
O horario de apertura será de 11 da mañá a 8 da tarde.
Dámoslle así a benvida a este tempo de alegría, familia e consumo. Haberá produtos de calidade e de proximidade. Tamén haberá actuacións musicais con Condensadores de Fluzo ás 12:30 horas e con Vida tola de Pajarito ás seis da tarde para o público infantil. Ambas son financiadas pola Vicepresidencia da Deputación de Lugo.
Teatro, exposición, obradoiro e musical infantís e concertos conforman a proposta cultural do Concello de Burela do 3 de decembro ao 14 de xaneiro. O concelleiro de Cultura, José Díaz, agarda que se xeren moitas vendas no comercio local, “movemento e moita ilusión” para o 2023.
O edil burelés contou que “desde a Delegación de Cultura queremos presentar a programación de Nadal. Tivemos unha reunión con comerciantes de Burela e coordinamos algunhas actuacións con eles para potenciar o comercio local, que é moi importante agora mesmo. Eles van facer o sorteo dunha viaxe entre os clientes que fagan as súas compras nos comercios da vila”.
Díaz explicou que “este mesmo sábado, 3 de decembro, teremos ao grupo de teatro de Viveiro Andanzas, que o fan moi ben e que presentará Baile de huesos, ás oito e media e con entrada...
leer más