Nenos
08/12/2015
Abrapalabra fará as delicias dos máis pequenos e pequenas o sábado, 12 de decembro, a partir das 18:00 horas no Teatro Pastor Díaz, de Viveiro. Ra Ra Ra está dirixido a nenos e nenas con idades comprendidas entre os 2 e os 12 anos. O elenco de actores está composto por Beatriz Méndez, Carla Capeáns, Toni Salgado e Víctor Mosqueira.
Sipnose: Un divertido espectáculo no que, xogando en verso ou en prosa, dous actores e dúas actrices fan que as ras, perdéndolle o medo á noite, aprendan a cantar.
Ra Ra Ra
fala de cando as rás,
moitísimo tempo atrás,
pola noite non cantaban,
porque tiñan medo
e deitábanse cedo.
Así que chegaban
as primeiras tebras
e, negras, pintaban
de sombras o río...
Que canguelo! Que arrepío!
Un divertido...
leer más 08/12/2015
O Concello de Riotorto, xunto coa empresa de servizos Gamesport, organizan o Campamento de Nadal 2015, unha iniciativa chea de actividades de ocio para cativos de entre 5 a 16 anos. Levarase a cabo polas mañás, entre as 10 e as 14 horas, os días 21, 22, 23, 24, 28, 29, 30 e 31 decembro e o 4 e 5 de xaneiro de 2016.
O campamento inclúe un variado programa de lecer, como unha excursión a Xuvenlugo, xogos, unha visita á pista de xeo de Ribadeo, manualidades e outras sorpresas. Para inscribirse hai que dirixirse á Casa do Concello de Riotorto ou chamar ao teléfono 982 34 62 22 ata o 16 de decembro. O prezo é de 30 euros.
06/12/2015
O programa de Nadal, do Concello de Xove, que foi presentado polo alcalde e polas concelleiras de Cultura e Turismo inclúe infinidade de actividades desde o 12 de decembro ata o 6 de xaneiro.
Haberá obradoiros, visitas de Papá Noel polas parroquias, a inauguración do belén municipal o 19 de decembro no parque de Xove, a presentación do vídeo promocional do Concello “Xove emociona”. A programación tamén ofrece cine, música, teatro, espectáculos para os máis pequenos, o V Concurso de Karaoke previsto para o día 26, a celebración do Día do Neno o 4 de xaneiro e a Cabalgata de Reis do día 5.
O Concello ten en marcha as campañas solidarias “Un xoguete, un sorriso”, que recollerá xoguetes na Omix ata o 14 de decembro e “Tapóns para unha...
leer más 12/11/2015
O18 de novembro, comezou na biblioteca municipal de Lourenzá o programa de actividades de animación á lectura que este centro organiza para nenos e nenas de tres a sete anos de idade.
A alcaldesa de Lourenzá, Rocío López, sinala que “debido á alta participación, que ascende a 20 cativos, e a que os asistentes son de idades diferentes, vanse realizar grupos, quedando as actividades a realizar para as tardes dos mércores e xoves”.
López destacou tamén que “con este programa preténdese inculcar o interese polo mundo da lectura dende as primeiras etapas dos nenos e nenas. Para iso levaranse a cabo unha serie de técnicas adaptadas a cada idade, onde o xogo e a narración oral dos contos van ter un papel moi importante. Tamén se pretende dar a coñecer unhas pautas ós...
leer más 12/11/2015
O Concello de Cervo organiza para o día 21 deste mes, sábado, a cuarta edición da Larpeirada de ourizo de outono, que terá lugar en San Ciprián. Este evento inclúe magosto popular, concurso de postres elaborados con castañas e a entrega de premios do certame de debuxo infantil sobre a castaña para nenos e nenas de 3 a 11 anos, que poden presentar os seus traballos ata o día 20 na Casa da Cultura ou na Casa do Concello.
O día 21 as actividades comezarán ás 16:30 horas coa recepción na sala de exposicións da Casa da Cultura dos pratos elaborados con castañas participantes no concurso gastronómico. Ás cinco da tarde empezará na Prazoleta de San Ciprián o magosto popular amenizado polo grupo de gaitas A Rebolaxe. E ás 18 horas entregaranse os premios do certame gastronómico e...
leer más 11/11/2015
O Concello de Foz ofrece unha axenda cultural chea de actividades para os vindeiros días. Silvia Blach, concelleira de Cultura, explicou hoxe as diversas propostas das que poderán gozar os veciños, nas que destaca o cine, a música, as conferencias médicas e o ocio infantil.
“Para este mes temos convocados varios concursos: o primeiro é o de postais de Nadal, para que todos os nenos participen debuxando algo sobre o Nadal e poden presentalo na Biblioteca ou na Casa da Cultura ata o 26 de novembro”, explicou a edil.
Outro dos certames en curso é o do Rei e Raíña do Entroido. Blach indicou que os interesados “teñen que presentar os seus datos, dúas ou máis fotos recentes e un pequeno escrito explicándonos o que queren facer cando sexan...
leer más 06/11/2015
Neste mes de novembro o Grupo de Acción Costeira A Mariña-Ortegal, vai levar a cabo no seu ámbito de actuación, a segunda edición da campaña “Un Mar de Cultura: Os Nenos e o Mar”, que se presenta como unha iniciativa de sensibilización e divulgación dos valores e dos recursos do mar entre os escolares, consolidándose como un complemento educativo dentro do programa de actividades escolares dos centros participantes.
Como na súa primeira edición, “o noso principal obxectivo é achegar a un elevado número de escolares de primaria e secundaria das zonas da Mariña e de Ortegal ao entorno litoral, para que descubran “in situ” a cultura mariñeira, os recursos naturais, as artes e tradicións pesqueiras relacionadas coa pesca artesanal e...
leer más 06/11/2015
O auditorio da Casa da Cultura de San Ciprián acollerá mañá, sábado, ás 19:30 horas unha representación teatral dirixida ao público infantil.
O grupo de teatro Érase unha vez ofrecerá a obra titulada Mercados revoltos. É para todos os públicos e con entrada gratuíta.
01/11/2015
O 7 de novembro Sarabela Teatro porá en escena no Teatro Pastor Díaz, en Viveiro, “O último dragón”. Unha comedia dirixida ao público infantil, a nenos e nenas de 5 a 11 anos. Será ás seis da tarde.
Sipnose:
O dragón da nosa peza non é un dragón do común, trátase do derradeiro da súa especie por que os tempos nos que os dragón eran tan correntes como o son agora os autobuses xa pasaron cando comeza o noso espectáculo. Será por iso que cando a princesa e o neno Telmo achéganse ao fondo da cova onde vive para acabar con él e cumprir así a tradición, o noso amigo négase a moverse: Para que vou eu querer unha princesa? di.
Para comela, non? contéstalle a princesa treméndolle un pouquiño a voz.
... leer más 28/10/2015
O Concello festexará o Samaín con actividades dirixidas aos nen@s no Salón de Actos do Centro Sociocultural Manuel Díaz Sampedro.
A Festa do Samaín celebrarase o 30 de outubro entre ás 17 e as 20 horas e contará con monitores, que prepararán para os cativos diversas actividades, como pintacaras ou un obradoiro de manualidades. Todos os materiais serán facilitados polos monitores. Ao acabar, sobre as 20 horas, haberá unha degustación de chocolate con churros para todos os asistentes.