Este domingo, 22 de agosto, chega a Barreiros o VIII Festival Bal y Gay co concerto do grupo Hércules Brass Quinteto de metais.
Hércules Brass Quinteto de metais nace na Coruña no ano 2012 e está formado por novos profesionais de vento metal cunha longa experiencia tocando xuntos, principalmente na Orquestra Nova da Sinfónica de Galicia e na Joven Orquesta Nacional de España (JONDE).
A cita será o domingo, 22 de agosto, na Capela de San Bartolo ás 13 horas. Entrada libre ata completar aforo.
A actividade desenvolverase atendendo ás medidas sanitarias, polo que as persoas que asistan deben facelo exclusivamente polo lugar habilitado, previa identificación e permanecer nos asentos asignados. Non estará permitido o consumo de comida ou bebida no recinto. Uso obrigatorio de máscara durante toda a actuación.
Cinema
Xa hai nova data para a proxección da película Peter Rabbit, que tivo que ser adiada o pasado sábado por mor da chuvia. Este venres, 20 de agosto, haberá Cine na Rúa San Pedro de Benquerencia. Será na Praza do Canteiro ás dez da noite.