O 26 de setembro preséntase en Foz, na Librería Bahía, o libro "Conserveiras de Celeiro, Vicedo, Bares e Barqueiro".

Este mércores, 26 de setembro, terá lugar na librería Bahía de Foz a presentación do libro "Conserveiras de Celeiro, Vicedo, Bares e Barqueiro" do que son autores Vicente Míguez e Carlos Nuevo, cronista oficial de Viveiro. O acto dará comezo ás 20:30 horas.

Trátase dunha obra cun gran valor documental xa que contén numerosas fotografías e imaxes da época, relacionadas co tema, á vez que un traballo de investigación exhaustivo que fai un percorrido polo desenrolo industrial da comarca ligado á pesca.