O luns, 7 de agosto, ábrese o prazo de inscrición para anotarse a levar os ananiños dos cabezudos que desfilarán nas festas patronais de Viveiro.
Estes sairán do 12 ao 15 de agosto, e a actividade é para pícaros/as de 6 a 12 anos. O prazo está aberto ata cubrir as prazas.
A inscrición pode facerse no Teatro Pastor Díaz de Viveiro en horario de 9:00 a 14:00 horas. Os números de teléfono son 982 56 01 62/ 982 56 01 28.
O programa das patronais de Viveiro deu comezo o 1 de agosto con diversas actividades e o domingo 6 terá lugar a Gala Internacional da Mostra Folklórica na praza Maior ás 20:30 horas.
No apartado do deporte, o xoves 10 de agosto, celébrase a II Carreira Nocturna Adrián Ben ás 22:30 horas. Entre as diversas actuacións musicais que se desenvolven durante estes días, o martes 15 ofrece un concerto Celtas Cortos a partires das 23:30 horas na Praza Maior. As patronais de Viveiro rematan o 20 deste mes.
A Feira de Artesanía terá lugar do 11 ao 20 deste mes nos Xardíns Noriega Varela.