60 xogadores participarán do 19 ao 24 de xullo no Campus Internacional de Baloncesto Sublime Ribadeo 26 Xacobeo.
As prazas ofertadas esgotáronse. O CB Ría de Ribadeo explica que “son 60 xogadores de toda a xeografía galega, española e tamén varios estranxeiros os que participarán neste campus de baloncesto. 34 son galegos (20 de Lugo, 10 da Coruña e 4 de Pontevedra); 22 de Asturias, Castela e León, Madrid, Cataluña e Valencia; e 4 de Suiza e USA. Destacar que 11 xogadores do CB Ría de Ribadeo poderán gozar desta experiencia de baloncesto de elite”.
O staff estará composto por: Josept Raventós na dirección de campus e do traballo táctico; Casey Trujeque (USA), como director do traballo técnico; Hugo Ruiz (USA), Juan Norat y Armando Otero como adestradores; Óscar Souto (fisioterapeuta); Alberto Méndez (coordinador) e Iker Sama (monitor).
Xogadores e familiares aproveitarán a súa estadía para coñecer de preto o Camiño Norte de peregrinación a Santiago.
O concelleiro de Deportes, Francisco José Silvent, felicitou aos organizadores “polo éxito da convocatoria, xa que as prazas foron esgotadas. Desexamos que os xogadores aproveiten ben o tempo deste campus, os valores que transmite o baloncesto, e que gocen tamén do seu paso por Ribadeo”.
A presentación do evento tivo lugar no Salón dos Alcaldes do Concello de Ribadeo.