Eventos
A asociación Os Sendeiros, de Foz, organiza, a Andaina Contra o Cancro este domingo, día 13 de xullo, na vila focega. A saída será as 10:00 horas desde diante da Casa do Concello.
“El próximo, domingo 13 de julio, tendremos un año más la Andaina Contra o Cancro; al terminar la ruta en el puerto habrá una mesa de la AECC para recaudar fondos. Participa, colabora se solidario”, anuncia Os Sendeiros.
O prazo para inscribirse está aberto ata este venres, 11 de xullo.
Este luns tivo lugar a presentación do cartel da décimo segunda edición da Festa do Percebe de Xove, que este ano se vai levar a cabo o sábado 19 de xullo na praza do Centro Cívico. No acto estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da primeira tenente de alcalde, María Dolores Meitín.
Ás 12 doce do mediodía dará comezo a festa co pregón a cargo de Basilio Otero (presidente da Federación Nacional de Cofradías de Pescadores) e a xornada gastronómica estará amenizada por Os Charangos de Neda e polos cantos de taberna do grupo Espera que vou mexar.
A Asociación de Sendeirismo Terras de Lourenzá organiza un percorrido pola Ruta Camiño dos Faros, pola Costa da Morte, para este sábado, día 12 de xullo. A distancia a percorrer son 12 quilómetros, desde Merendeiro de Soesto por Camelle ata Araou, e a dificultade é baixa. Ao rematar a camiñada os participantes xantarán nun restaurante en Vimianzo.
A saída será ás 07:00 horas desde o Cantón de Vilanova de Lourenzá e as inscricións deben facerse antes das 14:00 horas deste mércores, 9 de xullo. O prezo é de 50 euros para os socios do colectivo organizador e de 55 euros para os que non o son.
A asociación Equus Norte prepara a segunda edición da Rapa das Bestas de Neipín (A Pontenova) que se celebrará o vindeiro 19 de xullo coa colaboración da Vicepresidencia da Deputación de Lugo e do Concello da Pontenova.
A área de Rural da Deputación, que impulsou a posta en marcha da rapa o ano pasado co financiamento da instalación do curro no Alto de Neipín, mantén o apoio económico á organización desta celebración arredor do mundo do cabalo. Ademais de contribuír aos gastos derivados da propia xornada, a área dirixida por Daniel García impulsou este ano novas melloras co financiamento dun peche móbil para reter os animais nun lugar antes do inicio da actividade no curro e dun fito informativo, instalado xa a carón do propio curro. Alí presentouse o cartaz desta segunda edición da rapa que comeza na véspera , o 18 de xullo, con...
leer más
O Concello de Foz presentou a programación das festas do Carme, que se celebrarán na vila focega do 11 ao 17 de xullo.
A concelleira de Cultura, Inés López Couto, anuncia: “achéganse as datas máis emotivas no calendario do verán de Foz, as festas do Carme. A devoción á Virxe do Carme é un sentimento máis que palpable no pobo de Foz, que vivirá nos vindeiros días un non parar de actividades. A foto do cartaz da festa deste ano pertence ao arquivo do Concello e é do fondo de Antonio Ares”.
O venres 11 de xullo ás 21.00 horas na Praza do Concello segue o programa Sons na Rúa coa actuación da Coral Polifónica de Foz. O sábado 12 a partir das 19.00 horas no Paseo da Ribeira a Peña Ñasss e As Farangullas organizan a tradicional sardiñada. O domingo 13 é a quenda do festival Coa Nosa Fala, que emprazado no Campo da...
leer más
Carlos Núñez, o Mago Antón ou Pepo Suevos son algunhas das actuacións das que gozará Ribadeo no terceiro trimestre deste 2025. A axenda cultural inclúe ademais exposicións e actividades para o público infantil.
A concelleira de Cultura, Begoña Sanjurjo, dixo que “esta terceira axenda cultural do 2025 comeza coas vésperas do Ribadeo Indiano: o venres presentación do libro El Rey de los Jíbaros, o sábado concerto da Filarmónica de Lugo no auditorio e o domingo virán os Bolechas para estar cos máis pequenos e presentar o seu libro Ribadeo Indiano. Pero ademais teremos o XIII Curso de Jazz e Música Moderna, que rematará cun concerto na praza de Pancho Maseda o domingo ás 19:30 horas. Este mesmo día As Vacas Fracas terán no Cantón, desde as 11:30, o seu Mercado Xeitosiño, e convídannos a rematar no auditorio con teatro: La recepción”.
... leer más
O 6 de xullo segue o Domingueo en Ribadeo, que organizan o Concello e Acisa. Este vindeiro domingo a cantante asturiana Sara Cangas actuará na rúa Amando Pérez a partir das 13 horas para animar o mediodía nesa zona da vila.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que aquí van atopar os domingos, ou calquera outra xornada. Estamos xa metidos de cheo no verán con infinidade de actividades na rúa, os días son grandes e toca aproveitalos ao máximo”.
O Domingueo en Ribadeo, que arrincou o pasado mes de abril, tomará agora un descanso ata despois do período estival.
O sábado 12 de xullo celebrarase a II Carreira de Andadura na pista ecuestre construída na zona da Bidueira, no concello de Cervo.
A competición, que arrincará ás 10:30 horas pola mañá, e ás 16:00 horas pola tarde, foi presentada polo edil de Zona Rural, Adrián Arias; polo concelleiro Alfredo Fernández, e por unha representación da asociación Cabaleiros da Bidueira, que organiza esta cita cabalar coa colaboración do Concello de Cervo.
O prazo para anotarse remata o 9 de xullo e as persoas interesadas poden facelo a través dos teléfonos 657.256.408 ou 677.539.285.
O Concello de Cervo anima a todos os afeccionados do mundo ecuestre a participar desta experiencia que “encherá de vida Cervo, grazas ao traballo da asociación Cabaleiros da Bidueira, nunha carreira na que o público tamén será...
leer más
O Concello de Burela reforza a súa oferta turística para este verán cunha programación centrada na cultura mariñeira e nos recursos naturais do municipio. As rutas turísticas, xa activas, ofrecen diferentes opcións para coñecer o territorio desde perspectivas diversas, sempre co mar como fío condutor e sinal de identidade.
Entre as propostas destacan as rutas xa consolidadas, como a Xeolóxica, que permite descubrir a riqueza xeolóxica da contorna; a Mariñeira, centrada na historia e nas tradicións vencelladas ao mar; e a do Peixe, que inclúe a visita á lonxa e a posibilidade de presenciar en directo a poxa e venda do pescado, explica o concelleiro de Turismo, Ramiro Fernández, que a destaca como “un elemento diferencial con respecto ao resto de experiencias”.
O Concello de Burela engade que “como novidade este ano...
leer más
O Concello de Cervo anuncia que a parroquia de Santa Isabel de Lieiro “xa está preparada para vivir a fin de semana máis importante do ano, coa celebración das Festas na Honra de Santa Isabel, que se celebrarán esta fin de semana, desde este venres, 4 de xullo, ata o luns 7. A tradicional cita do verán cervense foi presentada pola rexedora, Dolores García Caramés: polo edil de Zona Rural, Adrián Arias; e por unha representación da Asociación Cultural Comisión de Festas de Lieiro, que se encarga da organización, coa colaboración do Concello”.
O programa arrincará este venres ás 23.00 horas, coa celebración da Festa da Xuventude, con Dj Alejandro Martínez e Conxuro discomóvil.
O sábado a xornada comezará ás 13:00 horas coa misa solemne na capela do Gioncho e ás 13.30 horas dará comezo a sesión vermú a cargo da...
leer más