Eventos
O club de fútbol Sporting Pontenova celebrará a súa gala fin de tempada cunha cea baile que terá lugar no pavillón municipal Tito Margaride este venres, día 13 de xuño, ás 22:30 horas. Antes, a partir das 21:00 horas, haberá sesión vermú.
A música correrá a cargo da cantante María García Caamaño e do DJ JJ Compota. Tamén haberá inchables gratuítos.
Os tickets para participar na cea baile poden recollerse no restaurante O Lar de Balbina, da Pontenova, ata o mércores 11 de xuño.
A Asociación de Sendeirismo Terras de Lourenzá organiza unha fin de semana de rutas en Piornedo para esta fin de semana, desde o día 13 ata o 15 de xuño.
O colectivo explica: “imos a pola segunda fin de semana de rutas deste 2025; volvemos a Piornedo, ese pobo dos Ancares onde tan ben nos acollen sempre e no que nos sentimos coma na casa. No prezo entra: desprazamento ida e volta a Lourenzá; cea do venres; pernoita de venres a sábado; almorzo e cea do sábado; pernoita de sábado a domingo; e almorzo e xantar do mediodía do domingo. O xantar do mediodía do sábado será en ruta, cada un levará o seu”.
A saída será o venres 13 ás 18:00 horas desde o Cantón de Vilanova de Lourenzá e as inscricións deben facerse antes das 14:00 horas do 10 de xuño, chamando ao teléfono 647.06.70.54 (Javier). O prezo é de 120 euros para...
leer más
O concello de Cervo converterase nun punto de encontro dos amantes dos cans de raza boxer coa celebración este domingo, día 15 de xuño, da XVIII Monográfica Rexional de Galicia de Boxer.
A cita foi presentada pola alcaldesa, Dolores García Caramés; o edil de Deportes, David Rodríguez; e polo delegado de Boxer Club España en Galicia, Iván García, acompañado por un dos seus cans de raza boxer no Conxunto Histórico Artístico de Sargadelos, que será o escenario do evento, que “a día de hoxe xa conta con máis de trinta exemplares inscritos”, anuncia o Concello de Cervo, que explica: “a exposición morfolóxica concentrarase na xornada do domingo a partir das 10:00 horas e reunirá a criadores, afeccionados e exemplares destacados de toda a rexión e do resto do estado, converténdose nun escaparate do mellor da cría desta emblemática raza”.
... leer más
A décimo oitava edición do Mercado Renacentista de Viveiro celebrarase do 4 ao 6 de xullo.
O Concello de Viveiro anuncia que “a actividade converterá de novo o centro histórico da vila nun escenario de época. A iniciativa, xa consolidada como unha das citas culturais e turísticas do verán na Mariña lucense, contará con animación de rúa, artesanía, espectáculos itinerantes e o Gran Desembarco de Carlos V. Na súa decimo oitava edición o Mercado Renacentista recuperará a esencia das antigas feiras, cun mercado ambientado no século XVI que encherá as rúas de Viveiro de postos de produtos tradicionais, representacións teatrais e exhibicións de oficios da época. A programación incluirá pasarrúas, espectáculos nocturnos con lume, acrobacias e recreacións históricas. Ademais, ofrecerá un amplo abano de actividades para todos os públicos”.
... leer más
A romaría de San Antonio da Rigueira, no concello de Xove, celebrarase os días 13 e 14 de xuño, venres e sábado. Foi presentada polo alcalde, Demetrio Salgueiro; a concelleira de Turismo, Cecilia Duarte, e os directivos da comisión organizadora do evento José Antonio e Juan.
O Concello de Xove anuncia que para facer a romaría o venres 13 e recibir a ventura e o lirio branco ao chegar á igrexa as persoas interesadas poden inscribirse ata o mércores 11 ás 13:00 horas por teléfono a través do número 982.59.20.01 ou do e-mail lucia@xove.es. Para anotarse no xantar popular do venres pode facerse nos teléfonos 669.896.848 ou 669.302.211 ata o 10 de xuño.
As actividades comezarán o venres 13, día no que haberá misas ás 10:00, 11:30, 18:30 e 20.30 horas; ás 13:00 horas celebrarase misa...
leer más
Do 13 ao 15 de xuño terá lugar a quinta edición do Ribadeo Ilustrado, que organiza a Concellería de Cultura. Trátase dun evento que combina música, teatro, historia e visitas patrimoniais, cunha programación que ten como fío condutor a figura de Antonio Raimundo Ibáñez, o marqués de Sargadelos.
A concelleira de Cultura, Begoña Sanjurjo, indicou que “a cita cultural aposta, unha vez máis, pola divulgación do noso pasado ilustrado e a dinamización do presente local, poñendo en valor os espazos patrimoniais da vila e da contorna. O evento forma parte do proxecto global do Concello para consolidar Ribadeo como un referente cultural e turístico da Mariña Lucense, con actividades que convidan á participación activa e á recuperación da memoria colectiva”.
Antonio Raimundo Ibáñez: industria, ilustración e legado
...
O Concello de Cervo pon en marcha unha campaña intensiva en xuño baixo o lema “Coida Cervo” como motivo do Mes do Medio Ambiente, cun amplo programa de actividades centradas na sensibilización e na protección do entorno natural.
Entre as iniciativas destacan as xornadas de limpeza de praias e ríos en colaboración con diferentes asociacións e entidades do municipio. A primeira delas tivo lugar este xoves 5 de xuño, coincidindo co Día Mundial do Medio Ambiente, na Praia de Cubelas, coa participación da alcaldesa Dolores García Caramés, a edil de Medio Ambiente, Mali Méndez, e as asociacións Breoñáns, A Rebolaxe e Mistura, como entidades colaboradoras.
A próxima acción será o luns 9 de xuño ás 17:00 horas na Praia do Torno, coa colaboración das ANPAS do CEIP Península da Paz e do IES Marqués de Sargadelos.
... leer más
O luns 23 de xuño en Foz o San Xoán celebrase da man da asociación Pé do Molete, coa colaboración do Concello de Foz e da Vicepresidencia da Deputación de Lugo. O barrio das Corporacións, coma cada ano, terá a súa fogueira e haberá animación durante todo o día. O pregón darao Juan Prendes Menéndez, máis coñecido en Foz como Juanry, ás 13:30 horas. Logo haberá paella e á noite churrasco, chourizos e queimada coa tradicional fogueira. A xornada estará amenizada pola batukada Kombarullo, O Feitizo, Dj da casa e Festicultores.
“Dende o Concello de Foz queremos agradecer a boa disposición das asociacións coma Pé do Molete que continúan coas tradicións dos barrios do pobo”, explica a concelleira de Cultura, Inés López Couto.
O alcalde de Foz, Fran Cajoto, indica que “a de San Xoán é unha noite máxica que dá inicio ao...
leer más
No Concello está aberto ata o 16 de xuño o prazo para presentar solicitudes de participación no Mercadiño de Ultramar que se celebrará o 12 de xullo, no marco do X Ribadeo Indiano.
A concelleira de Promoción Económica e Turismo, Marta Saiz, explicou que “o Mercadiño de Ultramar terá lugar na Rúa San Roque durante o día 12 de xullo en horario continuo de 11:00 a mañá ata a finalización do Festival de Habaneras que será aproximadamente sobre as 22:00 horas. Poderán participar preferentemente as persoas físicas ou xurídicas que desenvolvan algunha actividade relacionada coa cultura indiana ou da época (finais do S.XIX e principios do S.XX)”.
A edil ribadense contou que “para a garantir a diversidade de produtos no mercado a organización asegurará a maior diversificación dentro de cada categoría de produtos...
leer más
San Miguel de Reinante, en Barreiros, acollerá o vindeiro 29 de xuño a xornada lúdica e deportiva DiversiPrix, organizada pola asociación Guillem Veiga Iglesias coa colaboración da Vicepresidencia da Deputación de Lugo e do Concello de Barreiros.
Baixo o lema Como enredarnos como iguais, a asociación programa unha xornada lúdica con diferentes actividades (probas de puntería, obstáculos, un futbolín humano, xogos coperativos, de habilidade e lóxica ou xogos de mesa xigantes) pensadas para a participación de rapazas e rapaces con diferentes capacidades, creando equipos diversos que favorezan a convivencia.
Os grupos, formados por persoas con e sen diversidade funcional, realizarán un percorrido de cinco probas, distribuíndo as tarefas e colaborando para desenvolvelas de forma colectiva.
... leer más