Certámenes
Este venres, 23 de maio, ás 18:30 horas, o Salón de Plenos do Concello de Burela acollerá o acto de entrega dos premios do XI Concurso “21 de marzo: Día Internacional para a Eliminación da Discriminación Racial”. A convocatoria, impulsada pola área de Inmigración, Cooperación e Integración, mantense como un referente local no fomento da igualdade e da reflexión social a través da expresión artística.
O xurado, composto por representantes da área de Inmigración, Cultura, Igualdade e Atención a Inmigrantes, reuniuse o pasado 5 de maio para avaliar os traballos presentados nesta edición, que contou cun total de 25 participantes distribuídos en dúas categorías de idade: de 6 a 12 anos e de 18 anos en diante.
Nesta ocasión, os premios recoñeceron a calidade e a sensibilidade de catro traballos, destacando a...
leer más
O Concello de Cervo, a través da delegación de Medio Ambiente, convoca o XV concurso fotográfico de medio ambiente Cervo Respecta 2025.
Os participantes poderán presentar un máximo de dúas fotografías, baseadas na temática xenérica do medio ambiente, inéditas e orixinais, sacadas en calquera lugar da Comunidade Autónoma de Galicia. Terán que ser imaxes de natureza viva, que sirvan de exemplo de conservación do noso medio, anuncia o Concello de Cervo. Deberanse presentar en formato dixital (JPEG), en alta calidade, a unha resolución mínima de 2.048 pixeles, sen limitación de tamaño en MB; a través do correo medioambiente@concellodecervo.com. O prazo para presentar as imaxes remata o 23 de maio.
Hai tres premios establecidos: un primeiro, un segundo, e...
leer más
O Concello de Cervo convoca un certame de narración e debuxo infantil con motivo do Día das Letras Galegas. O prazo para presentar os traballos na Biblioteca Municipal está aberto ata o día 13 de maio.
O alumnado dos centros escolares do municipio -CEIP de Cervo, CEIP Península da Paz e IES Marqués de Sargadelos- recibiu un marcapáxinas que contén as bases do concurso.
O certame está aberto a todos os nenos e nenas, que deberán presentar unha narración en galego ou un debuxo baixo a temática Ler con Coñecemento. O fallo do xurado local farase público antes do 17 de maio, Día das Letras Galegas.
Os traballos premiados nesta primeira fase local participarán na fase provincial do certame, convocado pola Biblioteca Pública de Lugo, baixo o patrocinio da Consellería de Cultura, da...
leer más
Con motivo do Día Internacional do Medio Ambiente, o Concello de Xove convoca a cuarta edición do concurso fotográfico Cal é o teu lugar preferido de Xove? O obxectivo é “poñer en valor aqueles lugares do concello de Xove menos coñecidos”.
Hai tres categorías: ata 12 anos de idade; de 13 a 17 anos; e maiores de 18 anos. O prazo para a presentación das fotos está aberto ata o día 23 de maio ás 00:00 horas.
As bases poden consultarse na web www.xove.es.
O Concello de Viveiro convoca o VII Premio de Novela Vilar Ponte, coa finalidade de render homenaxe aos escritores Antón e Ramón Vilar Ponte e, ao mesmo tempo, apoiar e difundir a literatura en lingua galega.
A temática e extensión son libres e pódense presentar obras ata o 30 de xuño de 2025. Hai dous premios, de 4.000 e 1.000 euros.
As bases poden consultarse na web www.viveiro.es.
Con motivo da celebración do Día do Libro, o Concello de Cervo convoca un certame de creatividade dirixido ás crianzas e tamén ás persoas adultas. Os traballos poden presentarse ata o día 30 de abril.
“As crianzas de 3 a 6 anos poden facer o seu marcapáxinas orixinal; as crianzas de 7 a 11 anos deben continuar o relato que se inclúe no cartaz; e as persoas de 12 anos en diante poden escoller entre contar unha anécdota familiar ou seguir a historia que aparece no cartel. Animádevos! Tedes ata o 30 de abril para presentar os vosos traballos a través do correo prensa@concellodecervo.com ou por whatsapp ao 683.315.939”, anuncia o Concello de Cervo.
A Sociedade Cultural Ledicia convoca concurso de carteis co gallo da celebración da XXXIX Feira do Bonito, que terá lugar os días 2 e 3 de agosto na zona portuaria de Burela.
A presidenta de Ledicia, Rocío Rivera Seara, explica que o colectivo “prepara varias actuacións para esta primavera e abre tamén o capítulo do verán, convocando o concurso de carteis para a XXXIX Feira do Bonito. Nesta ocasión adiantamos un pouco a convocatoria, coa intención de poder mellorar os prazos de traballo”.
Nas bases explícase: “convócase o concurso en dúas categorías, concursantes até 14 anos (incluídos) e concursantes maiores de 14 anos; poden participar tódalas persoas que o desexen, con un ou varios traballos que se entregarán sen asinar e acompañados dun sobre pechado cos seus datos no interior indicando no exterior a categoría...
leer más
Desde a Área de Igualdade a súa responsable, Begoña Sanjurjo, explica que “desde o 19 de marzo ata o 4 de abril podedes participar neste concurso e compartir a vosa visión sobre a igualdade de xénero. Buscamos fotografías que reflictan a igualdade desde calquera perspectiva: corresponsabilidade no fogar, deporte en igualdade, conciliación laboral... A vosa creatividade será a protagonista”.
A edil ribadense indica que “participar é moi sinxelo. So tedes que enviar as vosas fotografías por email a cim@ribadeo.gal poñendo como asunto: Obxectivo Igualdade 2025: Qué para ti a Igualdade? Desde esta Concellería queremos animarvos a participar e a amosar a vosa visión sobre a igualdade”.
O concurso establece os seguintes premios:
- Categoría A (12-17 anos): 250 € + Diploma....
O Concello de Burela convoca a décima edición do Concurso contra a Discriminación Racial. “A partir do 21 de febreiro e ata o 21 de marzo, poderás presentar os teus traballos en diferentes formatos: debuxos, pinturas, vídeos, lemas ou textos, sempre transmitindo un mensaxe clara contra a discriminación racial. Hai tres categorías: nenos e nenas de 6 a 12 anos; adolescentes de 13 a 17 anos; e persoas de 18 anos en diante. Anímate a participar e a compartir o teu mensaxe por un mundo sen discriminación!”, anuncia o Concello.
Os traballos poden presentarse no Concello de Burela ou por correo electrónico, na dirección integracioninmigrantes@burela.org.
“Achégase unha efeméride moi importante no calendario galego: o Día de Rosalía de Castro, a escritora máis representativa das nosas letras. Para conmemorar ese día desde o Concello de Cervo queremos convidarvos a participar no concurso Versos de Rosalía. Envíanos os dous versos que máis che gusten da escritora no formato que desexes (fotografía, debuxo, vídeo, audio, texto,...). Valorarase a orixinalidade. Establécense dúas categorías: sénior e xuvenil, con tres premios en cada unha delas. Fainos chegar as túas creacións antes das 12:00 horas do 24 de febreiro ao correo prensa@concellodecervo.com ou por whatsapp ao 683.31.59. 39. Recorda incluír o teu nome e apelidos, idade, teléfono e lugar de procedencia”, anuncia o Concello de Cervo.
Os/as gañadores/as daranse a coñecer ás 20:00...
leer más