Xove
O Departamento de Servizos Sociais do Concello de Xove anuncia: “Queres que os teus peques se divirtan e relaxen ao mesmo tempo? Apúntaos ao obradoiro gratuíto de ioga o sábado 26 de abril de 2025 ás 17:00 horas na Casa do Director, de Xove. Unha actividade saudable, divertida e pensada especialmente para nenos e nenas”.
É imprescindible inscrición previa, para a que hai que contactar con Olalla no teléfono 691.235.185.
Este luns tivo lugar a presentación do cartel da Festa do Polbo de Xove 2025 a cargo do grupo de hostaleiras e hostaleiros organizadores, do alcalde de Xove, Demetrio Salgueiro, e da concelleira de Cultura, Dolores Meitín. A vixésimo primeira edición deste evento gastronómico será este Xoves Santo, 17 de abril, a partir das 19:00 horas nos locais organizadores: O Refugio, Bar Pepe, Cafetería A Roda, A Fuga, La Cívica, Os Faroles, O Cabaliño, Antoxo e Pulpería-Bar Cociña.
O Concello de Xove anima á veciñanza e aos visitantes de toda A Mariña a participar nesta festa gastronómica e explica que “a partir de 15 euros poderase degustar unha rica ración de polbo, un dos produtos máis populares da nosa gastronomía. A cea estará animada pola percusión da comparsa Habelas Hainas, de Barreiros, por tódolos locais participantes”.
O Concello de Xove anuncia o XIV Festival Infantil que organiza a Asociación Cultural Saíñas e que se vai levar a cabo este sábado, día 12 de abril, ás 18 horas no Salón de Actos do Centro Cívico de Xove. Na presentación do evento estivo Pepe Casariego, secretario da asociación Saíñas, acompañado polo alcalde de Xove, Demetrio Salgueiro, e a concelleira de Cultura, Dolores Meitín.
Actuarán os grupos infantís da asociación Saíñas -as Xoaniñas e os Candís- acompañados por Cántigas e Frores, de Lugo, e Buxainas, de Cedeira.
O Concello de Xove invita a asistir a este evento, que “en cada edición reúne máis público asistente”.
A asociación cultural Saíñas, de Xove, organiza a décimo cuarta edición do seu festival folclórico infantil. Será este sábado, día 12 de abril, ás 18:00 horas no Salón de actos do Concello de Xove.
Saíñas anuncia: “o sábado 12 de abril temos unha cita especial, o XIV Festival Infantil, ás 18:00 h no salón de actos do Concello de Xove. Os nosos grupos infantís, as Xoaniñas e os Candís, estarán acompañados por Cántigas e Frores (Lugo) e Buxainas (Cedeira). Será unha tarde chea de diversión e alegría para todos”.
Penasagudas, no municipio de Xove, celebrará a festa de San Isidoro de Monte esta fin de semana, sábado 5 e domingo 6 de abril
As actividades comezarán o sábado as 13:00 horas con misa solemne e procesión, ás 14:00 horas haberá sesión vermú co dúo Belinda, ás 15:00 horas terá lugar un xantar e desde as 17:00 horas, baile co dúo Belinda e o grupo Fénix, no que haberá trofeos ás 3 mellores parellas de pasodobre e un trofeo á mellor parella de bachata.
E para o domingo a partir das 10:00 horas está programada unha ruta de sendeirismo (a pé, a cabalo ou en bicicleta); ás 14:00 horas haberá sesión vermú; ás 15:00 empezará o xantar e a partir das 17:00 horas comezará o baile cunha actuación estelar, anuncia a organización, que corre a cargo da asociación Cruz de Loureiro, de San Isidoro de Monte. Tamén destaca que...
leer más
A Área de Servizos Sociais do Concello de Xove organiza un obradoiro de ioga en familia para este sábado, día 5 de abril, de 17:00 a 18:30 horas.
É unha actividade de balde, pero é imprescindible inscrición previa, contactando con Olalla no teléfono 691.235.185.
O Concello de Xove anuncia que é “unha oportunidade perfecta para compartir un momento de conexión e benestar cos teus seres queridos”.
A vixésimo primeira edición da Festa do Polbo en Xove celebrarase o día 17 de abril, Xoves Santo, a partir das 19 horas.
As racións de polbo venderanse a 15 euros e haberá animación musical polos locais participantes a cargo da percusión da Comparsa Habelas hainas, de Barreiros.
No evento participan estes establecementos hostaleiros: Bar Pepe, Cafetería A Roda, A Fuga, O Refugio, La Cívica, Os Faroles, O Cabaliño, Antoxo e Pulpería-Bar Cociña. Colabora e patrocina o Concello de Xove.
A trixésimo cuarta edición do Curso de Formación Orquestral de Semana Santa celebrarase en Xove do 12 ao 16 de abril. Está organizado pola asociación Prestoxove co patrocinio do Concello.
Este evento foi presentado por Demetrio Salgueiro (alcalde de Xove), María Dolores Meitín (concelleira de Cultura), Xan Carballal (presidente da asociación Prestoxove) e Xulia Nogueira (tesoureira do colectivo organizador).
Desenvolverase no salón de actos do Centro Cívico de Xove. O martes 15 de abril ás 18:00 horas haberá un concerto de cámara e o mércores 16 de abril ás 19:00 horas un concerto de clausura.
Dirixe o curso Xan Carballal e os profesores invitados son Nazaret Canosa, Mila García e Sofía Canoura.
O Concello de Xove, a través da Área de Muller e Igualdade, organiza actividades de conciliación familiar, para nenas e nenos de 3 a 10 anos de idade, durante a Semana Santa, concretamente os días 14, 15, 16 e 21 de abril de 8:45 a 14:15 horas.
Para participar hai que inscribirse na Oficina Municipal de Información Xuvenil (OMIX) ou na sede electrónica do Concello de Xove. O prazo remata o día 31 de marzo, luns.
O Concello de Xove organiza un curso de iniciación ao mundo dixital para persoas maiores de 60 anos. Desenvolverase desde o luns 7 ata o venres 11 de abril de 16:30 a 18:30 horas na sala de informática da Oficina Municipal de Información Xuvenil.
Este curso está adaptado a todos os niveis que permitirán ás persoas participantes aprender a navegar de forma segura por Internet, utilizar as redes sociais e a banca dixital, etcétera.
O prazo de inscrición está aberto ata o venres 21 de marzo na OMIX ou chamando ao teléfono 982.57.18.16.