Deportes

O Concello de Cervo vén de presentar a segunda edición de Actívate en Xuño, “unha iniciativa de portas abertas coa que se pretende promover o exercicio físico e os hábitos de vida saudable entre a veciñanza”.

A alcaldesa, Dolores García Caramés, anunciou a programación acompañada das monitoras Belinda Canoura e Nuria Torrado, destacando “o gran resultado acadado polas escolas deportivas municipais de adultos neste curso, que estiveron preto dos 200 inscritos nas diferentes disciplinas ofertadas”.

“O éxito das escolas deportivas municipais demostra que cada vez hai máis veciños e veciñas comprometidos cun estilo de vida activo e saudable. Dende o Concello queremos seguir reforzando esa dinámica, ofrecendo alternativas accesibles, gratuítas e abertas a todo o mundo”, sinalou a rexedora.

As Escolas Deportivas Burela FS abren o prazo de inscrición para as Xornadas de Portas Abertas deste verán, na que nenas e nenos de entre 5 e 17 anos (dende a categoría biberón a xuvenil, feminino e masculino) poderán probar de forma totalmente gratuíta “un dos deportes máis practicados e seguidos na comarca e, sobre todo, na vila de Burela”.  

“A histórica entidade, que este ano cumpre os 25 anos, está conformada por 20 equipos e forman parte dela 210 deportistas, sendo recoñecida a nivel nacional e mundial polos seus dous equipos sénior que compiten nas máximas categorías. Como non podía ser menos, contará cos mellores técnicos profesionais, xogadores/as dos equipos sénior para dirixir as diferentes categorías deste evento ao que cada edición asisten numerosos nenos e nenas que, ademais de aprender conceptos básicos da disciplina, asimilan valores deportivos e prácticas...

A sexta edición do Trail do Vicedo celebrarase este domingo, día 17 de maio. A presentación correu a cargo do alcalde do Vicedo, Jesús Novo Martínez, e de representantes do club Graficas Lar, habitual colaborador na organización deste evento.

O Concello do Vicedo explica que durante a presentación sinalouse que están anotadas cerca de 400 persoas e isto supón que “é un evento que está medrando en participación e que contará cunha importante presenza de atletas e camiñantes locais así como de toda a comarca e do resto de Galicia”. Tamén se indicou que “como novidade, este ano cambiou o percorrido do trail longo, que pasa a ter a saída tamén no entorno da praia da Abrela e adapta a distancia a uns 21 quilómetros. Tamén se cambia o emprazamento da saída, que será nunha zona máis próxima á praia da Abrela, cunhas espectaculares vistas ó mar....

Ana Ermida e Dani García, en representación do Concello de Barreiros, e Marcos Rodríguez e José Luís Ríos, en representación de Iberia CF e Celta Barreiros FC respectivamente, asistiron este martes ao estadio de Balaidos á presentación do Campus RC Celta. O Real Club Celta de Vigo e o Concello de Barreiros organizan por sexto ano consecutivo este campus na localidade e contan coa colaboración dos clubs de fútbol locais, Iberia CF e Celta Barreiros FC. É un campus destinado a nenos/as de 5 a 16 anos que se realizará dende o luns 27  ao venres 31 de xullo.

Para a alcaldesa de Barreiros, Ana Ermida “este campus supón achegar a estrutura dun club de primeiro nivel, como é o Celta de Vigo, a rapaces e rapazas de Barreiros e da contorna que descobren de primeira man a metodoloxía e os adestramentos que eles levan a cabo”.