Charlas
A Deputación de Lugo e o Colexio Profesional de Xornalistas de Galicia poñerán en marcha unha programación formativa de 20 obradoiros gratuítos dirixidos á cidadanía, co obxectivo de “ofrecer ferramentas para identificar e combater a desinformación, fomentar o pensamento crítico e promover un consumo responsable da información no actual contexto dixital”. Así o anunciou no Pazo de San Marcos a presidenta da Deputación de Lugo, Carmela López, xunto á decana do Colexio Profesional de Xornalistas de Galicia, Belén Regueira, durante a presentación desta iniciativa, que percorrerá 19 concellos da provincia ao longo de todo o ano, entre eles os municipios mariñáns de Barreiros, Burela, Foz, Trabada e Viveiro.
Carmela López agradeceu ao Colexio a implicación para promover esta proposta “útil, necesaria e moi conectada coa realidade que vivimos...
leer más
A Sociedade Cultural A Rula, de Foz, comeza este venres, día 29 de maio, ás 17:00 horas no Cenima a iniciativa titulada Parolas na Rula. Nesta ocasión o acto está dedicado ás mulleres do mar de Foz.
“Arrancamos coas Parolas na Rula. Comezamos coas mulleres do mar de Foz: redeiras, pescantinas, as que foron á fábrica. Queremos unha rúa para todas e máis aínda botar unha parolada con elas! Queremos que elas tomen a palabra e que nos conten. É a nosa homenaxe, que ben ganado o teñen! Estades todas convidadas e para as que xa non están, vide lembralas e falarnos delas. Seguro que tedes moitas historias que contarnos!”, anuncia a Sociedade Cultural A Rula.
Acisa Ribadeo organiza xunto co Polo de Emprendemento de Mondoñedo o vindeiro 27 de maio unha xornada centrada na transmisión de negocios e no relevo xeracional no comercio local. A actividade desenvolverase a partir das 20:15 horas na Casa da Cultura de Ribadeo e está dirixida tanto a empresarios e empresarias como a persoas emprendedoras interesadas en coñecer as oportunidades existentes neste ámbito.
A presidenta da Asociación de Comerciantes, Industriais, Servizos e Autónomos de Ribadeo, Carmen Cruzado, indica que “baixo o título de Transmisión de negocios no comercio de Ribadeo, a iniciativa pretende converterse nun espazo de encontro, comunicación e intercambio de experiencias entre os nosos asociados e asociadas e persoas que estean valorando emprender ou dar continuidade a negocios xa existentes. O relevo xeracional é algo que nos...
leer más
O Teleclube de Santalla, no municipio de Ribadeo, acollerá a charla titulada Envellecemento en clave humor: segredos para vivir máis e mellor a cargo do doutor José Antonio Flórez Lozano, que é catedrático da Facultade de Medicina e Ciencias da Universidad de Oviedo. Será o luns 18 de maio ás 19:00 horas.
É unha actividade organizada polo Concello de Ribadeo, a través da Delegación de Benestar Social, Saúde e Familia.
Este xoves, día 14 de maio, ás 18:00 horas celebrarase no salón de actos do IES de Ribadeo Dionisio Gamallo unha charla informativa sobre adolescencia e ocio nocturno. O relator é Martín Camba Conde, policía en Santiago de Compostela. A entrada será libre e gratuíta.
É unha actividade organizada pola Asociación de Familias Esteo, que anuncia: “o vindeiro xoves, 14 de maio, ás 18:00 horas teremos unha sesión informativa para familias e rapazada sobre o ocio nocturno. O policía local Martín Camba é o encargado de levar a cabo estas charlas e encontros divulgativos onde explica a normativa sobre ruídos e convivencia tanto a estudantes como a familias e profesorado da mocidade que comeza a saír de noite. Calquera persoa interesada está convidada a asistir”.
O Concello de Cervo anuncia que este sábado, día 16 de maio, ás 17:00 horas haberá un novo faladoiro de Arruguiñas Charlando. Será no local social da Asociación Terramar, na Casa do Mar.
Susana Vázquez Fernández (coach de saúde emocional e facilitadora en procesos de duelo e perda) ofrecerá o faladoiro titulado Xestión do ánimo, “centrado en aprender a relaxarnos, pensar en positivo e coidar a mente para mellorar o noso benestar emocional. Un encontro aberto á veciñanza para compartir, aprender e coidarnos entre todos e todas”.
É unha actividade organizada polo Concello de Cervo co apoio e colaboración da Asociación de Xubilados Terramar.
O Centro de Formación e Recursos de Lugo e o Concello de Viveiro anuncian unha nova sesión do ciclo de charlas pensado para o benestar das familias: “desta volta, trataremos un tema fundamental para a saúde e o futuro dos nosos fillos e fillas: a prevención de adiccións na mocidade. A relatora será María Teresa Lanza, da Unidade Asistencial de Drogodependencias de Burela”. Terá lugar este martes, día 12 de maio, ás 19:00 horas no Conservatorio de Música de Viveiro.
A entrada é gratuíta e o aforo limitado ata completar os sitios dispoñibles.
O día 15 de maio, venres, ás 19:00 horas na Praza de Abastos de Burela terá lugar unha conferencia-coloquio arredor das migracións, “un espazo para a reflexión e o diálogo sobre cuestións clave como os bulos, o activismo e a regularización”, anuncia o Concello de Burela.
O encontro contará coa participación de Luzía Oca González, antropóloga docente na USC; Gabriela L. Frías Goytia, psicóloga especializada en migracións; e Soledad Paola Lucero Toapanta, fundadora da ONG Mobilidad Humana.
Xosé Manuel Beiras ofrecerá unha conferencia sobre Francisco Fernández del Riego en Vilanova de Lourenzá este domingo, día 10 de maio, ás 12:30 horas.
A charla, titulada Paco del Riego e a cultura lúdica galega, terá lugar no salón de actos do Concello de Lourenzá e será presentada por Isabel Vilalba Seivane (labrega, sindicalista e veciña do val).
Esta conferencia está incluída no programa de actividades do VII Curso de Formación sobre o Patrimonio Lúdico - II Escola de Verán de Xogos Tradicionais Iberia Ludens, sobre Xogo, sustentabilidade e inclusión.
O Concello de Ribadeo organiza a segunda edición dos Encontros de Familias, que terán lugar os sábados 23 de maio, 6 e 13 de xuño.
A concelleira de Benestar Social, Saúde e Familia, Elena Sierra, explica que “os Encontros de Familia son un espazo para reflexionar e compartir experiencias. Nesta segunda edición contaremos coa colaboración da Asociación Guillem Veiga Iglesias”.
O programa deste 2026 inclúe tres encontros: 23 de maio, Comprender a conduta; 6 de xuño, Relacións e conflitos sociais; e 13 de xuño, Responsabilidade e autonomía.
Elena Sierra subliña que “nestes encontros reflexionaremos sobre a relevancia destes temas para mellorar a calidade de vida das nosas familias e velar tanto polo crecemento físico e cognitivo como polo benestar emocional e...
leer más