Teatro
O Concello de Cervo anuncia que este venres, día 24 de xullo, ás 20:00 horas o Conxunto Histórico-Artístico de Sargadelos “converterase tamén nun gran escenario ao aire libre para acoller Ñiqui Ñaque, unha coprodución de Espectáculos Valente e o Centro Dramático Galego. Un espectáculo cheo de humor, clown, máscara e acrobacia que segue a historia de Cosme e Damián, dous cómicos ambulantes que, cando están a piques de disolver a súa compañía, reciben unha inesperada proposta: representar unha peculiar versión de Romeo e Xulieta mentres continúan a súa viaxe nun motocarro avariado”.
É unha obra con texto de Cándido Pazó, dirección de Roberto Vázquez e interpretación a cargo dos actores Con Dani Lago e Ángel Blanco.
A entrada é libre.
O Concello de Bareiros anuncia que a programación cultural A Voltas cos Contos regresa un ano máis “para encher de historias, risas e momentos de xuntanza e diversión espazos das parroquias do interior” do municipio.
Nesta ocasión o Concello de Barreiros convida a desfrutar dos espectáculos de Iventi Teatro (local social de Cabarcos), Lilá Teatro (local social de San Xusto) , Xarope Tulú (escola de Vilamartín Pequeno), Cris de Caldas (Teleclub de Vilamartín Grande), Tarabela Creativa (teleclub da Rilleira) e Hermanager Producións (escola de Celeiro de Mariñaos). A programación desenvolverase durante os meses de xullo e agosto.
Desde a área de Dinamización valoran positivamente “a acollida que tivo esta programación os anteriores veráns e animan a toda a veciñanza a gozar das distintas e variadas propostas...
leer más
A Escola Municipal de Teatro de A Pontenova presenta a obra titulada Inquisítame Outra Vez. Será este domingo, día 14 de xuño, ás 19:30 horas na Casa da Cultura de A Pontenova.
O Concello da Pontenova anuncia que é “unha nova proposta teatral que non vos deixará indiferentes. Unha cita imprescindible para gozar do talento local e dunha tarde de teatro en compañía. Agardámosvos para compartir unha xornada chea de emoción, interpretación e cultura”.
Este venres, 5 de xuño, dá comezo o V Certame de Teatro Afeccionado José Luis López Lorenzo O Poto, que organiza o Concello de Foz e busca “reivindicar a figura dos creadores, actores e actrices do teatro afeccionado, que en Foz tiveron un nome referente como foi O Poto”, explica a concelleira de Cultura, Inés López Couto. Continuará os días 6, 7 , 12, 13 e 14 deste mes.
Inés López anuncia que “haberá obras de teatro gratuítas durante os venres, sábados e domingos desta fin de semana e a próxima. Os venres as obras serán na Sala Bahía e os sábados e domingos, na Casa da Cultura. Estamos encantados da alta participación que tivemos no certame, agradecemos enormemente a todas as compañías que se anotaron e esperamos que aqueles que non foran elixidos se volvan anotar, xa que o nivel era moi alto e foi difícil a escolla.”...
leer más
A obra titulada Un deus salvaxe, de Talía Teatro, chega a Ribadeo, este domingo, día 31 de maio. A representación será no auditorio municipal Hernán Naval ás 20:30 horas.
O Concello de Ribadeo anuncia que é “unha comedia afiada, intelixente e chea de tensións cotiás da recoñecida autora Yasmina Reza. Un encontro aparentemente normal, que acaba sacando o lado máis salvaxe de cada personaxe. Non perdas unha noite de teatro intenso, ácido e moi humano da man de Talía Teatro”. Con María Ordóñez, Dani Trillo, Marta Lado e Toño Casais. E dirixida por Artur Trillo.
O grupo teatral da asociación ASPANANE volve subir ao escenario para presentar “unha obra que fala dunha realidade que moitas persoas sentiron algunha vez: a soidade”. Será no Teatro Pastor Díaz, de Viveiro, este sábado, día 30 de maio, ás 20:00 horas.
ASPANANE explica o argumento da obra: “Ricardo busca amizades, comprensión e o seu lugar no mundo, pero no camiño descubrirá algo moi importante: non necesitamos seguir á masa para ser felices, nin cambiar quen somos para sentirnos aceptados. Unha historia emotiva, profunda e chea de momentos que nos farán reflexionar sobre a amizade, o respecto e a importancia de ser un mesmo”.
E destaca que “o teatro en ASPANANE é moito máis ca unha representación. É ilusión, esforzo, aprendizaxe, compañeirismo e unha maneira de demostrar todo o talento, a creatividade e a...
leer más
A Casa da Cultura de Burela acollerá este sábado, día 23 de maio, a obra Territorio Regueifa, un espectáculo recomendado para maiores de 14 anos, de teatro, humor, música e improvisación que achega ao público a arte da regueifa a través das actuacións de dous regueifeiros e unha regueifeira.
A función chega a Burela a través da AGADIC, cunha proposta dirixida por José L. Prieto e coa coprodución do Centro Dramático Galego con Ainé e o Festival Internacional Outono de Teatro (FIOT) de Carballo. O elenco conta ademais coa participación do burelao Manolo Maseda, xunto con Lupe Blanco e Josinho da Teixeira.
A obra comezará ás 20:00 horas con entradas a 5 euros e estarán á venda no despacho de billetes unha hora antes do comezo da función.
A Aula de Teatro Municipal de Ribadeo fará o seu debut o vindeiro 24 de maio na Festa das Cruces na Ponte de Arante.
A concelleira de Cultura, Begoña Sanjurjo, contou que “desde o pasado mes de marzo está a funcionar a Aula de Teatro en Ribadeo. Foi unha iniciativa que xurdiu desde a Área de Cultura do noso Concello”. E subliñou que “é a primeira vez que existe un Aula de Teatro Municipal en Ribadeo”.
A edil ribadense declarou: “estamos moi contentos de que esta iniciativa tivera una boa acollida. Trátase dun grupo de persoas de diferentes idades, que axudados por Rubén Pérez e Daniel Vázquez, traballan a expresión corporal, a vocalización e todo aquilo que é necesario para poñer en escena unha obra”.
Sanjurjo explicou que “despois de meses traballando parte destes actores e actrices van...
leer más
Raquel Queizás ofrecerá en Alfoz o espectáculo de contos titulado Begoña ao teléfono. A voz das heroínas. Será este mércores, día 13 de maio, ás 15:00 horas na Casa da Cultura.
É unha actividade organizada pola Asociación Cultural Xuvenil O Castelo, que anuncia: “a contadora de contos Raquel Queizás visitará o noso concello. A través das súas historias coñeceremos a vida e a obra de Begoña Caamaño, autora homenaxeada no Día das Letras Galegas 2026”.
O Concello de Foz, dende a Delegación de Muller e Igualdade coa colaboración da Deputación de Lugo, achega a Foz o espectáculo titulado Risas con Perspectiva Feminista. A actuación terá lugar na Casa da Cultura Manuel María este venres, día 15 de maio, ás 19:00 horas, con entrada de balde.
A concelleira Ana Rojo anuncia que “dentro da programación feminista que ven de lanzar a Deputación de Lugo, a Delegación de Muller de Foz acolle esta iniciativa, baixo un formato diferente de monólogos, cun humor comprometido, próximo é accesible, abordando cuestións e reflexións complexas, con outra perspectiva feminista. Historias reais e experiencias persoais contadas con humor e moita sátira; un espectáculo irreverente con enfoque crítico, unha proposta que vai máis alá do monólogo tradicional, combinando a través da comedia, o teatro e a...
leer más