Teatro
O Concello de Burela anuncia que a Casa da Cultura converterase o día 24 de outubro ás 21:00 horas nun “punto de encontro entre a arte, a educación e a reflexión coa representación da obra En Carne Viva, da compañía Bengala Teatro Físico, dirixida e escrita por An González”.
“Este proxecto é un exemplo de como o teatro pode ir máis alá do escenario”, explica a concelleira de Cultura, Lina Gómez, quen destaca “a capacidade da arte escénica para provocar emoción e pensamento. En colaboración co IES Monte Castelo, o proxecto inclúe un plan formativo integral dirixido ao alumnado de Secundaria que combina obradoiros de creación escénica, a asistencia á obra e un espazo posterior de reflexión colectiva. Dita colaboración permítenos achegar á mocidade unha experiencia cultural completa, que mestura arte, emoción e pensamento crítico...
leer más
Magín Blanco presenta en Viveiro o musical infantil titulado A nena e o grilo camiño das cores. Será no Teatro Pastor Díaz este sábado, 18 de outubro, ás 18:00 horas.
Este espectáculo ten unha duración de 60 minutos e está dirixido ao público infantil, a partir de 4 anos.
O elenco artístico está formado por Montse Piñón López, Pedro Pablo Patiño Peña, Jorge Casas Caneiro, Magín Blanco García e Pablo Vidal Mendoza.
E a sinopse é “A nena e o grilo camiño das cores é unha montaxe teatral de Magín Blanco e Teatro Ghazafelhos xunto á Banda das Apertas en directo. É a última e cuarta entrega de A nena e o grilo, o musical infantil máis aclamado do panorama galego que conta con tres espectáculos previos: O País das Apertas, A Nena e o Grilo nun Barquiño e A Nena e o...
leer más
A monologuista Leti da Taberna presentará o seu espectáculo titulado Enredada na Casa da Cultura de Alfoz este sábado, día 11 de outubro, ás 20:30 horas.
“O vindeiro sábado 11 de outubro temos unha cita coa risa da man de Leti da Taberna e o seu monólogo Enredada, un espectáculo cheo de retranca e moi bo rolo. Entrada de balde!”, anuncia o Concello de Alfoz.
O grupo teatral O Centiño, de San Martiño (Foz), representará a obra titulada Trepa, Tripa e Tropa na Casa da Cultura de San Ciprián, no municipio de Cervo. Será este venres, día 10 de outubro, ás 20:00 horas.
O Concello de Cervo anuncia: “este venres temos representación teatral para todos os públicos. O Grupo de Teatro O Centiño achéganos a súa obra Trepa, Tripa e Tropa, unha divertida proposta para todas as idades que encherá a tarde de humor e entretemento”.
A entrada é libre ata completar a capacidade do auditorio.
O Concello de Barreiros programa sete representacións teatrais desde este mes de outubro ata decembro, “unha nova programación teatral chea de boas historias e moita vida sobre o escenario”. Todas as funcións serán ás 19:00 horas con entrada libre.
O domingo 19 de outubro Alentía Teatro ofrecerá a obra Maleta aberta no Centro Social de San Cosme; o sábado 25 de outubro, Os Quinquilláns con Cousas nos Colexios Vellos de San Miguel; o domingo 2 de novembro, Avelaiña Teatro con A Lola no Centro Social de San Cosme; o sábado 8 de novembro, Bátega Teatro con O pano nos Colexios Vellos de San Miguel; o sábado 22 de novembro, Tarabela Creativa con Vaites rapariga! no Centro Social de San Cosme; o domingo 14 de decembro, Lume Escénico con Activ@s no Centro Social de San Cosme; e o sábado 20 de...
leer más
Pakolas ofrecerá en Burela o espectáculo para público infantil e familiar titulado Ecoralia, a lambona ecolóxica este sábado 11 de outubro. Será ás 18:00 horas na Casa da Cultura con entrada de balde.
O Concello anuncia que “Ecoralia, a lambona ecolóxica chega a Burela. Este sábado, 11 de outubro, a Casa da Cultura convértese nun espazo de música e maxia da man de Pakolas. Contaremos e cantaremos a historia de Ecoralia, unha meiga ecolóxica que nos ensinará, a través das cancións, a importancia de consumir alimentos ecolóxicos, coidar o medio ambiente, combater o cambio climático e garantir o benestar animal”.
A compañía Teatro Noroeste representará a obra titulada Guerra en Viveiro este sábado, día 11 de outubro. Será en el Teatro Pastor Díaz a las 20:30 horas.
Esta obra, que é un drama para público adulto, ten unha duración de 100 minutos.
O autor e director e Eduardo Alonso e o elenco artístico está formado por Miguel Pernas, Luma Gómez, Manuela Varela, Maxo Barjas, Sabela Hermida e Xavier Estéve.
A sinopse é a seguinte: “a guerra é a expresión cruel do fracaso total, por iso nunca é unha solución senón o máis grande dos erros. Nun edificio teatral totalmente destruído por un bombardeo nunha guerra desatada no mesmo corazón de Europa comezan a aparecer os personaxes do Teatro Universal que nel foran representados ao longo do tempo e encarnados en dous actores e catro actrices. As...
leer más
A obra teatral titulada Apaga o candil, en lembranza do artista galego Carlos O Xestal, representarase en Ribadeo este domingo, día 5 de outubro. Será no auditorio municipal Hernán Naval ás 20:00 horas.
A concelleira de Cultura ribadense, Begoña Sanjurjo, anunciou que “o domingo estará dedicado ao teatro. Ás oito da tarde no auditorio Hernán Naval Avelino González porá en escena Apaga o Candil. Como sempre, esperámosvos a todos nos espazos culturais”.
A Sociedade Cultural Ledicia, de Burela, anuncia que “está dando inicio a un novo curso na escola de baile e música tradicional. Nesta ocasión, e dentro da programación do 50 aniversario da asociación, queremos comezar esta etapa cun espectáculo moi especial, Cóntoche un traxe, no que a través do relato de Montse Rivera disfrutaremos do traxe tradicional nun formato pouco habitual. Convidámosvos ao auditorio municipal de Burela este sábado, 4 de outubro, ás 6 da tarde para pasar unha entretida tarde en familia”.
É unha actividade aberta ao público e con entrada de balde e Ledicia agradece “a colaboración do Concello de Burela coa cesión do auditorio”.
O Concello de Cervo anuncia que este venres, día 3 de outubro “temos representación teatral para toda a familia”. Será ás 19:00 horas na Casa da Cultura de San Ciprián.
A compañía Trécola Producións “achéganos a súa divertidísima obra Tolitates, un espectáculo cheo de humor, creatividade e fantasía que fará gozar a pequenos e maiores”, explica o Concello de Cervo.
A entrada é libre ata completar a capacidade.