Teatro
Este venres, día 7 de novembro, ás 19:00 horas no salón de actos do Concello de Cervo representarase a obra infantil e familiar Divers@s, da compañía Bátega Teatro. Con entrada libre ata completar aforo
O Concello de Cervo explica que é “unha proposta de narración oral teatralizada que combina maxia, música e emoción para transmitir valores de diversidade e convivencia. Dirixida a nenas e nenos a partir de 4 anos, cunha duración aproximada de 55 minutos. Un espectáculo cheo de personaxes que nos convidan a reflexionar sobre a aceptación, a felicidade e o respecto polas diferenzas”.
A Casa da Cultura do Vicedo acollerá dúas representacións teatrais esta fin de semana, o sábado 1 o domingo 2 de novembro.
O Concello do Vicedo anuncia: “o sábado ás 20 horas teremos unha obra de teatro do grupo Avelaíña, de Pontevedra, titulada Almas na Gloria: D. Paco, coa seguinte sinopse: cumpridos trece anos do seu pasamento, a Real Academia Galega acordou dedicarlle o día das Letras Galegas do ano 2023 a quen foi o creador desa efeméride, Don Francisco Fernández del Riego. Os amigos de Don Paco (Ramón Otero Pedrayo, Álvaro Cunqueiro, Ricardo Carballo Calero, Ramón Piñeiro, Enrique Peinador, Fermín Penzol e Manuel Gómez Román) acompañan a Del Riego na súa apoteose de elevación ao retablo dos Galegos Ilustres. No encontro rememoran a súa mocidade universitaria no Seminario de Estudos Galegos, nas Irmandades da Fala e no...
leer más
A compañía Nova Escena Teatro representará a obra titulada Expectativa Loxana na Casa da Cultura de Trabada este sábado, día 1, de novembro ás 21:00 horas.
O Concello de Trabada anuncia que é “unha historia chea de emoción, talento e maxia sobre o escenario. Dirixida por María Márquez e escrita por Xoan C. Laxe. Unha oportunidade perfecta para gozar da cultura en directo no noso concello”.
Avelaíña Teatro representará na Casa da Cultura de Burela este venres, día 31 de outubro, a súa obra A Lola, ambientada no franquismo de mediados dos anos 60.
A representación está recomendada para un público maior de 14 anos. Será ás 21:00 horas na Casa da Cultura, con entrada de balde e libre ata completar aforo.
O Concello de Burela explica que “o texto de Manuel Ayán reivindica as historias das mulleres que sobreviviron aos seus maridos asasinados polo terror franquista, e trata tamén os feitos da II República, a guerra civil e a posguerra. Na obra recréanse o ambiente, os ideais e a confrontacións entre dúas formas de entender a sociedade, a dos valores da tradición patriarcal e escolástica dos golpistas e a do proxecto constitucional-republicano de progreso e liberdade”.
O...
leer más
O Concello de Lourenzá deu a coñecer as oito obras seleccionadas para participar no VII Certame de Teatro Concello de Lourenzá, que comezará este domingo, día 2 de novembro.
As obras e compañías son as seguintes: Sen frores nin coroas, da Asociación 57 Palabras, de Viveiro; Sursum Corda, de O Catre Teatro, de As Pontes; Deus non quere calderilla, de The-sastre Teatro, de Barbadás (Ourense); Dona Clara, de Ollomao, de Barreiros; Campanas de Bastabales, de Imaxina-T Asociación Cultural Celeuma, de Narón; Os vellos deberían namorarse e non morrer, de Teatro Coles, de Coles (Ourense); A xuntanza, da Compañía de Teatro El Ruiseñor, de Culleredo; e O caso do cadáver asasinado, de Teatro do Asteleiro da ACRD Grupo Bazán, de Ferrol.
O...
leer más
Este sábado, día 25 de outubro, ás 19:00 horas os colexios vellos de San Miguel, no municipio de Barreiros, acollerán a representación da obra Cousas, a cargo da compañía Os Quinquilláns. Con entrada de balde ata completar aforo.
O Concello de Barreiros explica que se trata “dunha adaptación da coñecida obra de Castelao, chea de retranca, humor e costumbrismo galego, que mestura traxedia, farsa e comedia”.
Ademais no mesmo espazo continúa aberta a exposición titulada Sempre Galiza, que pode visitarse ata o 31 de outubro nos seguintes horarios: luns, martes e mércores, de 10:30 a 11:30 horas; e os xoves de 12:00 a 13:00 horas.
Este venres, día 24 de outubro, ás 18:00 horas a Biblioteca Municipal de Viveiro acollerá unha sesión de contos narrada por Fran Ameixeiras, pensada para nenas e nenos de entre 5 e 11 anos, co título Historias dun mundo grande.
O Concello de Viveiro anuncia que é “unha actividade chea de imaxinación, aventuras e emocións para descubrir o mundo a través das historias. Esta proposta celébrase con motivo do Día das Bibliotecas, unha data que pon en valor estes espazos cheos de cultura, encontro e aprendizaxe”.
A entrada é de balde ata completar aforo e poden reservarse a través do teléfono 982.57.06.06.
Coincidindo co Día das Bibliotecas, este venres, día 24 de outubro Alfoz acollerá a actuación de Pablísimo coa súa nova proposta: Cabicivai, “un espectáculo sobre rodas cheo de maxia, contos e imaxinación”, anuncia o Concello de Alfoz. Será ás 15:00 horas na Casa da Cultura.
“Unha bicicleta, un kamishibai e tres caixóns dos que pode saír calquera cousa … Unha historia para deixar voar a imaxinación de pequenos e maiores!”, explica o Concello de Alfoz.
Este venres, día 24 de outubro, ás 19:00 horas no Salón de Actos do Concello de Cervo o grupo de teatro A Mariña, da asociación Saúde Mental A Mariña, presenta a súa obra titulada A historia dun fidalgo para sempre lembrar. A entrada é libre ata completar capacidade.
“Unha proposta chea de ilusión, creatividade e moita entrega que promete emocionar a todos e todas”, anuncia o Concello de Cervo.
Continúa o outono teatral na Casa da Cultura do Vicedo cun grupo de Viveiro, Mecanismo Teatro, que presenta a obra titulada Parad@s, que conta no seu elenco cunha actriz do Vicedo, Loli. Será este sábado, día 25 de outubro, ás 20 horas.
A entrada é libre para asistir a esta representación da obra Parad@s, de Fedra Marcus Broncano.