Teatro
“Chega ao Teatro Pastor Díaz, de Viveiro, unha obra chea de humor negro e situacións inesperadas. Este sábado 27 de setembro ás 20:30 horas non te perdas Nin frores nin coroas, unha comedia ideal para todos os públicos. A obra da compañía 57 Palabras Teatro, que forma parte do Circuíto de Teatro Afeccionado da Vicepresidencia da Deputación de Lugo, lévanos ao funeral de Jesús. Pouca xente se achega a despedilo porque non deixou moi bo recordo, pero a pregunta é: e se este funeral resulta ser a súa mellor comedia?”, anuncia o Concello de Viveiro.
O día 27 de setembro, sábado, ás 18:00 horas no Centro Social de Merille (Ourol) representarase a obra de teatro O Randiña vai ó médico, da compañía de teatro O Torques, de Burela.
“Unha comedia divertida que nos fará pasar un momento agradable e disfrutar do teatro no noso concello. A entrada é libre e gratuíta”, anuncia o Concello de Ourol.
O Festival de Narración Oral De Cobo a Xunco continúa na noite deste venres, día 19 de setembro, coa sesión para público adulto a cargo de Soledad Felloza. Será na sala de exposicións das Carboeiras, en Sargadelos (Cervo) ás 22:00 horas.
“Unha noite chea de historias e humor para desfrutar. Con entrada libre ata completar aforo”, anuncia o Concello de Cervo, que para esta actividade conta aoa colaboración de Tarabela Creativa e da Asociación de Veciños de San Román de Vilaestrofe.
Regresan os Seráns de Teatro organizados polo Concello de Ribadeo. Este sábado, día 20 de setembro, ás 19:00 horas na Escola de Cedofeita o grupo de teatro A Adala, de Fazouro (Foz) presenta a obra titulada Unha morta moi viva.
Para esta actividade o Concello de Ribadeo conta coa colaboración da Xunta de Galicia e da asociación veciñal de Cedofeita.
Este venres, día 19 de setembro, segue o Festival de Narración Oral De Cobo a Xunco no municipio de Cervo. Haberá sesión regato (para público infantil) contada por Marta Ortiz no Local Social da Senra ás 17:00 horas.
Para esta actividade o Concello de Cervo conta coa colaboración de Tarabela Creativa e a asociación Cultural e Recreativa O Raxal.
O venres 19 de setembro ás 21:00 horas hai unha cita co teatro en Burela. A Casa da Cultura acolle a representación da obra titulada Profetas, “a nova creación de Ítaca Teatro, unha peza meta-teatral que nos fará viaxar entre realidade e ficción. Un reencontro, tres cidades (Compostela, Mosul e Venecia) e moitas preguntas sobre o amor, a arte e o compromiso co mundo que habitamos”, anuncia o concello de Burela.
A entrada é de balde.
O Festival de Narración Oral De Cobo a Xunco continúa na noitiña do venres, día 12 de setembro, cunha sesión para público adulto. Será no Local Social de Lieiro ás 20:00 horas da man de Paula Carballeira.
O Concello de Cervo anuncia que será “unha noite chea de historias e humor para desfrutar. Con entrada libre ata completar aforo”.
Para esta actividade o Concello de Cervo conta coa colaboración de Tarabela Creativa e a asociación de veciños Nosa Señora de Lieiro.
O Concello de Mondoñedo continúa coa programación infantil do verán co espectáculo de Cristina Collazo, que presenta Costureiriña Bonita este domingo, día 7 de setembro.
Será ás 12:30 horas na Praza do Concello mindoniense.
O Colectivo Cultural Ollomao, de Barreiros, estreará unha nova obra de teatro, titulada Dona Clara; con representacións nos Colexios Vellos de San Miguel de Reinante os días 19, 21 e 28 de setembro.
Ollomao anuncia: “prepárate para coñecer a Dona Clara, unha historia chea de ironía, segredos e contas pendentes … Corenta anos despois de marchar Clara regresa á súa vila convertida nunha das mulleres máis ricas do mundo. Chega disposta a “axudar”, pero a súa proposta porá a proba a moralidade de todo o pobo. O que parece xenerosidade agocha un prezo difícil de asumir …”.
As funcións serán nos Colexios Vellos de San Miguel o venres 19 de setembro ás 22:00 horas, o domingo 21 ás 20:00 e o domingo 28 ás 20:00 horas. O prezo da entrada é de 5 euros e poden reservarse previamente no teléfono 678.546.526 (Marisa,...
leer más
A XXXIX edición da semana do teatro afeccionado do Valadouro celébrase desde este luns, día 1 de setembro, ata o venres 5. Todas as representacións serán no salón de actos da Casa da Cultura do Concello do Valadouro ás 22:00 horas con entrada de balde.
O Concello do Valadouro anuncia: “nesta edición contamos con cinco grupos da bisbarra da Mariña. Dous dos grupos é a primeira vez que se achegan ó escenario do Valadouro e o resto xa estiveron en varias ocasións polo escenario de Ferreira. A programación son 5 días ininterrumpidos desde o luns 1 ata o venres 5 de setembro de 2025. O luns 1 setembro o grupo Mecanismo Teatro, de Viveiro, representará a obra titulada Parad@s; o martes 2 o grupo de teatro da Asociación Cultural Recreativo Deportiva Aturuxeiros, de Bravos, representará a súa adaptación da obra Vaia co pronóstico...
leer más