Burela

O Concello de Burela pecha o curso escolar cunha dobre proposta musical dirixida a todos os públicos. Esta fin de semana -o venres 20 e o sábado 21 de xuño- a Casa da Cultura e a Praza da Mariña serán o escenario de dúas actuacións gratuítas que combinan música clásica, pop e repertorio infantil, nunha programación que busca celebrar o final das clases e dar a benvida ao verán.

A primeira cita será o venres 20 de xuño ás 20:30 horas, coa actuación da Orquestra do Conservatorio de Viveiro, integrada por arredor de 35 instrumentistas. A agrupación, dirixida polos profesores Fernando Santiago e Juan Cabalar, está formada por alumnado actual e exalumnado do Conservatorio. O concerto incluirá pezas de música clásica, tangos, temas pop e música galega, con participación vocal de Carlota López, Bruno Pedre e Marga Gutiérrez.

O Concello de Burela celebrará do 16 ao 20 de xuño a I Semana da Infancia, unha iniciativa que busca poñer no centro da axenda local os dereitos, necesidades e intereses da infancia e a adolescencia. A programación combinará actividades e obradoiros dirixidos ao público infantil e xuvenil en horario de mañá, con propostas para todos os públicos polas tardes.

A actividade estenderase por diferentes espazos da vila, como a Praza do Concello, a Praza de Abastos, o Salón de Conferencias ou os centros educativos.

O Concello de Burela explica que a Semana da Infancia “abordará temas clave como os dereitos da infancia, o bo trato, a igualdade, a diversidade, a saúde física e emocional, e o lecer educativo. Todo iso a través dunha programación variada que inclúe xogos tradicionais interxeracionais, títeres, obradoiros de...

O Concello de Burela anuncia que o vindeiro martes, día 17 de xuño, as súas maxestades os Reis de España, Felipe e Letizia, visitarán Burela “nun acto vencellado á pesca, ao que o mar nos dá, ao que somos. Trátase dunha visita de especial simbolismo para a nosa vila, estreitamente ligada ao mar, á súa cultura, economía e identidade”.

“A presenza da Casa Real supón un recoñecemento a Burela como un dos centros pesqueiros máis importantes do país, cun porto que leva décadas apostando pola calidade, a modernización e a competitividade, e cunha lonxa que se ten consolidado como referente no sector. Burela medrou grazas ao sector do mar. Máis de cen anos de historia, traballo e sacrificio dan sentido a unha identidade que nos une. Porque Burela é mar. Sempre foi. Sempre será. O martes 17 será un día importante para Burela. Un día para dicir con...

O Concello de Burela lanza o programa de lecer Somos Verán, unha iniciativa dirixida a nenas e nenos empadroados en Burela e que cursaran Infantil ou Primaria durante o curso 2024-2025. Haberá catro quendas: do 1 ao 11 de xullo; do 14 ao 24 de xullo; do 28 de xullo ao 8 de agosto; e do 11 ao 22 de agosto. Dispoñen de 75 prazas para cada unha.

O Concello de Burela explica que “as inscricións faranse do 9 ao 11 de xuño, entregando a folla cuberta na oficina de Gaia (de xeito presencial) ou por correo electrónico a gaia@burela.org. A listaxe de admitidos publicarase o 17 de xuño. As bases completas poden consultarse na sede electrónica e na páxina web. Un verán cheo de xogos, amizade e diversión!”.