Curso
Acisa e a Escola Oficial de Idiomas de Ribadeo uníronse de novo para levar a cabo un novo proxecto de formación en inglés destinado ao persoal de comercio e hostalaría.
A presidenta de Acisa, Carmen Cruzado, contou que “hoxe vimos de presentar un novo proxecto que nos parece moi interesante, facémolo da man da Escola Oficial de Idiomas de Ribadeo coa finalidade de ofrecer a todos os traballadores e traballadoras do comercio e da hostalaría a realización dun curso de inglés específico para todos eles. O que pretendemos é seguir a traballar no servizo de formación que ofrece a nosa entidade. Trátase de facilitar formación en idiomas dun xeito práctico e adaptado ao vocabulario mais necesario para os profesionais destes dous grandes sectores económicos, cubrindo así unha demanda que vimos observando dende hai anos”.
... leer más
O Concello de Ourol, en colaboración coa Escola Galega de Saúde para Cidadáns, vai a levar a cabo un curso de solo pélvico. Esta actividade terá lugar no Edificio Multiusos do Concello este mércores, día 11 de xuño, ás 17:00 horas.
Os obxectivos desta actividade son: mellorar a información e comprensión dos cambios evolutivos na muller; e previr enfermidades propias do colectivo feminino.
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982.55.91.09 ou 677.48.94.57.
O gran mestre Liming Yue impartirá un curso de Tai Chi en Ribadeo os días 14 e 15 de xuño. Está organizado por Chen Style Tai Chi Center, de Gijón, coa colaboración do Concello.
Liming Yue comenzou a estudar artes marciais en China aos 11 anos. Despois de aprender dos mestres de Tai Chi máis hábiles e experimentados de China e estudar extensamente Qigong Interno con mestres do mosteiro da montaña Nanyue e do parque forestal de Zhangjiajie, o gran mestre Yue trasladouse da China continental ao Reino Unido, onde fundou o Centro de Tai Chi Estilo Chen en 1995. Agora dedica o seu tempo a impartir seminarios e a formar instrutores por toda Europa, ademáis de producir libros, dvds e vídeos instrutivos. Tamén ensina técnicas de Tai Chi na Facultade de Medicina da Universidade de Leeds e é profesor a tempo parcial na Universidade de Salford.
O Concello de Alfoz amplía a súa programación deportiva cunha nova actividade: un curso de pádel que se desenvolverá entre o 7 de xuño e o 5 de xullo, e que está dirixido a nenos e nenas desde os 6 anos, mocidade e persoas adultas. As inscricións están abertas ata o día 30 de maio.
Esta proposta, que se ofrece por primeira vez no municipio, terá lugar os luns e sábados pola tarde, cunha distribución de horarios por tramos de idade: de 6 a 12 anos, sábado de 16:00 a 17:00 horas (gratuíto); de 13 a 17 anos, luns de 19:00 a 20:00 horas e/ou sábado de 17:00 a 18:00 horas (gratuíto); e maiores de 18 anos: luns de 20:00 a 21:00 horas, sábado de 18:00 a 19:00 ou de 19:00 a 20:00 horas, que deberán pagar 10 euros ao mes por unha sesión semanal ou 15 euros ao mes por dúas sesións semanais. As inscricións poderán formalizarse no Rexistro do Concello...
leer más
O Concello de Cervo anuncia que está aberta a convocatoria para un novo curso de iniciación á forxa, enmarcado no programa formativo Aprender da tradición. Oficios e técnicas. “Unha oportunidade única de aprender o oficio da forxa da man do noso veciño Telmo Cao no seu obradoiro no Conxunto Histórico Artístico de Sargadelos, situado na antiga nave de fundición”. Celebrarase do 1 ao 4 e do 7 ao 10 de xullo, en horario de 09:30 a 14:00 e de 16:00 a 19:00 horas.
Está dirixido a profesionais da artesanía, estudantes de Artes e Oficios, Belas Artes ou de Formación Profesional relacionada co metal.
A Xunta formará a 23 socorristas en Ribadeo de abril a xuño. Este é o único Concello da provincia que acollerá este curso.
A concelleira de Seguridade, Montse Seijo, explicou que “a Xunta de Galicia formará a 23 socorristas en Ribadeo. O curso consta de 120 horas, das que 60 son de teoría e 60 de práctica. A formación será impartida as fines de semana de abril, maio e o primeiro de xuño”.
A edil ribadense subliñou que “o obxectivo é proporcionar a formación mínima que deben reunir os socorristas acuáticos para o seu exercicio profesional na comunidade. Ademais dunha proba específica de natación o programa inclúe contidos sobre prevención de situacións de risco e vixilancia en instalacións acuáticas e en espazos acuáticos naturais, intervención e rescate, primeiros auxilios e actuación inicial en emerxencias”....
leer más
O Concello de Ourol, en colaboración coa Escola Galega de Saúde para Cidadáns, organiza un curso de prevención de infeccións e uso dos antibióticos. Esta actividade vaise a realizar no Edificio Multiusos do Concello o día 3 de abril, xoves, ás 17:00 horas.
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982.55.91.09 ou 677.489.457 ou a través do seguinte enlace da Escola Galega de Saúde: https://extranet.sergas.es/.../ListadoActividadesCidadans...
A Asociación de Veciños San Julián de Sante continúa co seu ciclo de formación centrado no desenvolvemento e aproveitamento da froita. Dentro deste programa, o vindeiro 8 de marzo celebrarase un curso de enxerto no Teleclub de Sante en horario de 10:00 a 19:30 horas.
Esta xornada está deseñada para ensinar técnicas de enxerto que permitan mellorar o desenvolvemento e a produtividade das árbores froiteiras. A formación será impartida por expertos na materia e combinará explicacións teóricas con demostracións prácticas para que os participantes poidan aprender de forma aplicada.
O curso enmárcase dentro do ciclo formativo que xa contou cun de poda e que continuará con formacións en apicultura e elaboración de marmeladas, completando así unha proposta integral para fomentar o coñecemento e aproveitamento dos recursos...
leer más
O Concello de Ourol, en colaboración coa Escola Galega de Saúde para Cidadáns, organiza un curso de primeiros auxilios. Esta actividade vaise realizar no Edificio Multiusos do Concello o día 6 de marzo, xoves, ás 17:00 horas.
Todas aquelas persoas interesadas en participar poden realizar a súa inscrición no Departamento de Servizos Sociais do Concello de Ourol , chamando ós teléfonos 982.55.91.09 ou 677.48.94.57.
O Centro Sociocomunitario de Mondoñedo ofrece un curso de iniciación sobre informática e redes sociais a partir do día 10 de febreiro, luns.
Está destinado a persoas maiores de 60 anos de idade e desenvolverase os luns e mércores de 16:00 a 18:00 horas.
A inscrición é gratuíta ata cubrir prazas e as persoas interesadas poden apuntarse no Centro Sociocomunitario de Mondoñedo ou chamando aos teléfonos 982.82.83.91 ou 982.82.83.89.