Verán
O Concello de Foz anuncia que o verán no municipio “concentra actividades de todo tipo e este ano as noites tamén terán contido para que rapaces e rapazas teñan alternativas para desfrutar. Estas actividades do programa Noites Alternativas desenvólvense a partir das dez da noite para mozos de 10 anos en diante”.
As Noites comezarán a vindeira semana, co fútbol sala 3x3 no Campo da Cabana, os días 7, 9 e 10 de xullo. O 28 e 29 será a quenda do lasertag. O wipeout será o 4, 6 e 7 de agosto. As seguintes actividades trasladaranse á praia da Rapadoira: os días 11, 12 e 13 de agosto haberá volei praia e o 18, 20 e 21 de agosto, fútbol praia; para rematar o 25, 27 e 28 co baloncesto 3x3 de novo no polideportivo do Campo da Cabana.
“Son deportes moi demandados e este ano incluímos como novidade o lasertag, un xogo moi...
leer más
O Concello de Burela reforza a súa oferta turística para este verán cunha programación centrada na cultura mariñeira e nos recursos naturais do municipio. As rutas turísticas, xa activas, ofrecen diferentes opcións para coñecer o territorio desde perspectivas diversas, sempre co mar como fío condutor e sinal de identidade.
Entre as propostas destacan as rutas xa consolidadas, como a Xeolóxica, que permite descubrir a riqueza xeolóxica da contorna; a Mariñeira, centrada na historia e nas tradicións vencelladas ao mar; e a do Peixe, que inclúe a visita á lonxa e a posibilidade de presenciar en directo a poxa e venda do pescado, explica o concelleiro de Turismo, Ramiro Fernández, que a destaca como “un elemento diferencial con respecto ao resto de experiencias”.
O Concello de Burela engade que “como novidade este ano...
leer más
O departamento de Cultura do Concello de Foz está organizando un verán cheo de actividades. Este mércores inaugurouse a primeira exposición do verán nas salas do CENIMA: unha colección de obras pictóricas e escultóricas de Vicente Barreira e Esperanza Fontecha, que estará aberta de martes a sábado en horario de 11.00 a 13.00 e de 17.00 a 19.00 horas e domingos e festivos de 11.00 a 13.30 horas ata o 27 de xullo. “As exposicións Paisaxes e Obra Última, de Vicente Barreira e Esperanza Fontecha, son de visita obrigada para quen lle guste a arte”, destaca a concelleira de Cultura, Inés López Couto.
A edil de Cultura anuncia tamén que “o ciclo Sons na Rúa cumpre dezaoito edicións enchendo de música local Foz todos os venres do verán en diferentes prazas do concello. Este venres comeza da man da Rondalla Latexos, a partir das...
leer más
O Concello de Barreiros organiza un ano máis un programa de roteiros para os meses de xullo e agosto, cos que pretende dar a coñecer ás persoas visitantes perspectivas diferentes do municipio, “amosando a grande diversidade que conflúe no seu territorio”.
A alcaldesa, Ana Ermida, explica que “estas rutas están deseñadas para promocionar as partes menos coñecidas do municipio, poñendo en valor paisaxes e actividades propias do territorio e fundamentais no desenvolvemento de Barreiros. O que se pretende é que quen nos visite poida coñecer realmente a onde está vindo e a vida ambiental, social e económica que hai en Barreiros, lonxe de promocionar unha imaxe asociada puramente ao turismo tradicional de sol e praia. Así, estas andainas lévannos á costa, quizais unha parte moi coñecida, pero poñendo o foco no inmenso valor ambiental que se...
leer más
O Concello da Pontenova organiza un campamento de verán, que se desenvolverá desde o día 14 de xullo ata o 14 de agosto de luns a venres de 10:00 a 14:00 horas.
E para nenas e nenos de 3 a 14 anos de idade. Hai límite de prazas (50 por orde de inscrición) e o prazo para apuntarse -na Casa do Concello ou a través do teléfono 982.34.22.77- está aberto ata o 10 de xullo.
O alcalde de Xove, Demetrio Salgueiro; e a concelleira de Medio Ambiente e Turismo, Cecilia Duarte, presentaron o novo programa de rutas guiadas da empresa Rutas Galicia Norte, unha iniciativa turística e educativa que invita a veciños e visitantes a coñecer a riqueza natural, cultural e histórica do municipio. Serán os seguintes días: venres 18 de xullo, Ruta dos Muíños da Rigueira, xoves 24 de xullo, Acantilados de papel; xoves 7 de agosto, San Tirso de Portocelo; e xoves 21, Esteiro de Xove.
O proxecto impulsado pola área de Turismo e Medio Ambiente, inclúe unha serie de percorridos a pé por paraxes naturais, sendeiros tradicionais e puntos de interese turístico. Estas rutas estarán acompañadas por un guía especializado, Boris Vilar Vidal, que ofrecerá explicación sobre a flora, fauna, xeoloxía e patrimonio local, promovendo o respecto...
leer más
O Concello de Cervo pon en marcha unha nova edición do programa Enredando no verán, unha proposta educativa e lúdica que se desenvolverá ao longo dos meses de xullo e agosto, con actividades pensadas para as crianzas e a mocidade.
A iniciativa terá lugar en diferentes ubicacións, e inclúe clases, obradoiros e dinámicas que combinan aprendizaxe, emocións, expresión artística e benestar.
As actividades estarán repartidas por franxas de idade e ofreceranse de luns a venres, incluíndo: clases de debuxo e teatro os xoves pola mañá, para crianzas de entre 3 e 12 anos (comeza o 17 de xullo); talleres de emocións con Tila e Vilma, os martes (adaptados a distintos grupos de idade); sesións de lingua de signos, tamén con Tila e Vilma, os venres; clases de ioga, todos os martes e mércores, enfocadas ao benestar...
leer más
O Concello de Alfoz arrinca un verán cargado de propostas lúdicas, culturais e turísticas pensadas para o goce de veciños e visitantes de todas as idades. As actividades, totalmente gratuítas, estanse a desenvolver xa dende o mes de xuño e continuarán ao longo de todo o verán.
O luns 30 de xuño dará comezo unha nova edición do Ludiverán, o programa de conciliación e lecer infantil que se desenvolverá durante os meses de xullo e agosto, con xogos, obradoiros e actividades ao aire libre para os máis pequenos.
O 1 de xullo abrirá as súas portas a Piscina Municipal de Alfoz, “un espazo moi agardado cada tempada estival, perfecto para refrescarse e compartir tempo en familia ou entre amigos”.
Dentro da oferta turística, continúa o programa Polos camiños do Mariscal, cun novo roteiro o...
leer más
O Concello de Ourol organiza un ano máis a Ludoteca de Verán dirixida a rapaces e rapazas de 4 a 12 anos de idade. Levarase a cabo durante os meses de xullo e agosto en horario de 10:30 a 13:30.
Contará cun servizo de conciliación dende as 8:30 e ata as 14:00 para aquelas familias que o necesiten (para máis información deben contactar coa Casa da Cultura ou no teléfono 982.55.90.19).
O prazo de inscrición permanecerá aberto ata o día 16 de xuño de 2025.
Para máis información e inscricións poden dirixirse ó departamento de Servizos Sociais do Concello de Ourol (982.55.90.19/677.48.94.57).
O campamento de verán do Concello de Viveiro, enmarcado no Programa Corresponsables, desenvolverase en catro quendas entre o 30 de xuño e o 29 de agosto. O prazo de inscrición permanecerá aberto entre os días 30 de maio e o 6 de xuño e os interesados poderán apuntarse tanto a través da sede electrónica como, de xeito presencial, no Rexistro do Concello.
A iniciativa está dirixida a nenos e nenas nacidos entre 2009 e 2021. Terá lugar no pavillón do CEIP Lois Tobío, en horario de 8.30 a 14.30 horas, con entrada flexible ata as dez da mañá. Ofertaranse cen prazas e haberá catro quendas quincenais: do 30 de xuño ao 15 de xullo; do 16 de xullo ao 1 de agosto; do 4 ao 14 de agosto; e do 18 ao 29 de agosto.
Os interesados poderán participar tanto durante os dous meses como nas quendas quincenais que estimen oportunas. As...
leer más