A Mariña

O Pazo de San Marcos, en Lugo, acolleu este martes a presentación da XIII edición do torneo de fútbol sala base Heroes do Orzán, que reunirá na Mariña equipos de base en memoria de Rodrigo Maseda Lozano, policía burelés que perdeu a vida ao intentar rescatar a un mozo na praia coruñesa do Orzán en 2012 xunto a outros dous compañeiros -José Antonio Villamor e Javier López-

O torneo, organizado pola Fundación Imdecum co apoio da Vicepresidencia da Deputación de Lugo, celebrarase do 25 ao 29 de xuño en pavillóns de Burela (Vista Alegre e Monte Castelo), San Cibrao (A Veiga), Xove, Viveiro e Foz (Marzán), “unha sede compartida que estende pola comarca o seu impacto social e económico, ademais de reforzar a proxección do Burela FS como referente deportivo”, explica a Vicepresidencia da Deputación, que anuncia: “o torneo reunirá máis de 1.100 xogadoras e xogadores de 97...

O Foro Social da Mariña organiza unha conferencia coloquio titulada Transporte, Mobilidade e Accesibilidade na Mariña: Situación e alternativas. Celebrarase este venres, día 19 de xuño, ás 20 horas no salón de actos do CENIMA de Foz e terá como ponente a Miguel Pazos Otón, profesor titular de xeografía humana da Universidade de Santiago de Compostela, integrante do grupo de investigación ANTE (análise territorial) e do IDEGA.

O Foro Social da Mariña anuncia que a conferencia versará sobre  cuestións como “A Mariña funciona como unha cidade lineal de 70.000 habitantes repartidos pola costa, con ramificacións cara o interior; na actualidade existen importantes carencias no eido do transporte, mobilidade e accesibilidade; estas eivas afectan á mobilidade tanto cara e desde o resto do territorio galego como á propia vertebración...

A Mancomunidade de Concellos da Mariña Lucense xunto a SEGITTUR presentaron hoxe en Barreiros o Plan de Impulso para a Creación e Consolidación de Experiencias Agroturísticas. Este proxecto desenvólvese ao abeiro do programa MISEA, impulsado pola Secretaría de Estado de Turismo a través de SEGITTUR, e ten como obxectivo mellorar a competitividade dos destinos turísticos mediante a innovación e a sostibilidade. Así, apoia especialmente aos destinos rurais, promovendo experiencias agroturísticas que diversifiquen a oferta turística, atraian novos visitantes e contribúan á desestacionalización. Ademais, este tipo de iniciativas xeran novas oportunidades de negocio, emprego e ingresos complementarios para as explotacións agropecuarias, favorecendo tamén a colaboración entre o sector turístico e o sector primario.

A Mariña foi o único destino...

A Mancomunidade de Concellos da Mariña Lucense e a Universidade da Coruña (UDC) organizan para o vindeiro mes de xullo un curso de verán baixo o título Emprender no sector turístico na Mariña Lucense, que se desenvolverá do 6 ao 9 de xullo en horario de 16 a 21 horas na antiga escola de San Cosme de Barreiros. Esta acción formativa, dirixida tanto ao alumnado universitario, como ao público en xeral e profesional, ten como obxectivo achegar coñecemento, habilidades e competencias profesionais interesantes de cara ao emprendemento. 

A presidenta da Mancomunidade, Rocío López, explica que “a través de obradoiros e diferentes dinámicas con profesionais do sector, traballarase en temas tan interesantes como a análise de competencia, o modelo de negocio, o descubrimento de clientes, a avaliación financeira, a estratexia e o posicionamento...