A Pontenova
A asociación Carro Tarabelo, de A Pontenova, organiza unha visita á bodega Don Pedro Leivas, de Riotorto, para este domingo, día 8 de novembro.
“Acompáñanos a descubrir todo o proceso de elaboración da sidra, dende os maceiros ata o lagar por gravidade e a destilación en alambique. Unha experiencia para conectar coa terra e coñecer como se combinan tradición e modernidade”, explica a asociación Carro Tarabelo, que anuncia o programa da visita: ás 10:15 horas, Concentración na Praza dos Fornos (A Pontenova); ás 10:30, saída cara a Riotorto (Espasande de Arriba): e ás 11:00 horas, visita guiada e cata maridada con pinchos de produtos locais.
As prazas están limitadas a un máximo de 30, o prezo é de 15 euros e a data límite para inscribirse é este venres, 6 de novembro, enviando un WhatsApp ao 607.42.94.54 (Carlos...
leer más
A asociación Carro Tarabelo anuncia que este domingo, día 25 de outubro, “esperamos por ti na Praza dos Fornos para gozar dunha boa andaina e, ao rematar, o clásico xantar con empanada e castañas asadas”.
As actividades comezarán as 10:30 horas coa concentración dos participantes na Praza dos Fornos, onde será tamén o xantar, que está previsto para as 14:00 horas.
A data límite para inscribirse é este xoves, 22 de outubro.
O Sindicato Labrego Galego (SLG) organiza un curso gratuíto de transformación e conservación de excedentes da horta con enfoque agroecolóxico. Será os días 16, 17 e 31 de outubro no Centro Social Blanca Muruais, que está na área recreativa de Saldoira (A Pontenova).
Será impartido por Luz de Ribeiregas nestes horarios: o venres 16, de 16 a 20 horas; e os sábados 17 e 31, de 15 a 21 horas. Para participar hai que inscribirse previamente.
É unha actividade financiada polo Ministerio de Agricultura, Pesca e Alimentación (MAPA).
O Concello de A Pontenova anuncia que o domingo 18 de outubro o Colectivo Cultural Ollomao, de Barreiros, presentará a obra teatral titulada Dona Clara, unha creación inspirada na obra A visita da vella dama, de Friedrich Dürrenmatt. Será ás 19:00 horas na Casa da Cultura da Pontenova.
“Unha oportunidade estupenda para gozar do teatro e apoiar a cultura e o talento da nosa contorna”, destaca o Concello de A Pontenova.
O Concello de A Pontenova ofrece clases de ximnasia de mantemento para adultos que se desenvolverán os venres desde o día 2 de outubro ata o mes de xuño.
“Este venres, 2 de outubro, comezan as clases de ximnasia de mantemento nas distintas parroquias. Unha actividade pensada para manterse activos, mellorar a mobilidade e coidar a saúde dun xeito sinxelo e divertido”, anuncia o Concello de A Pontenova, que engade: “non é necesario anotarse. Só tes que acudir directamente no horario indicado no cartel”.
Serán todos os venres nestes horarios: en Xudán, de 16:30 a 17:30 horas; na Pontenova, de 17:40 a 18:40; en Villameá, de 18:50 a 19:50; en Rececende, de 20:00 a 21:00; e en Acebro, de 21:15 a 22:15.
El escritor lucense Francisco Narla presenta dos de sus libros, titulados Ultreia y Suseia, en A Pontenova este jueves, día 17 de septiembre.
El acto está previsto para las 20:00 horas en la Casa de Cultura.
O Concello da Pontenova organiza un taller de conservas para este sábado, 5 de setembro, de 10:00 a 14:00 horas no local do CIT. As prazas son limitadas a 15 persoas e para participar hai que inscribirse a través do teléfono 982.34.22.77.
“Queres aprender a conservar os alimentos de forma segura, práctica e sinxela? O vindeiro 5 de setembro celebramos un taller no que aprenderemos diferentes técnicas de conservación, tanto prácticas como teóricas: conservas con azucre, agridoce, verduras ao natural... e moito máis! Unha oportunidade estupenda para aprender, compartir e aproveitar ao máximo os produtos da nosa terra”, explica o Concello da Pontenova.
Este sábado, día 22 de agosto, celebrarase na Pontenova o tradicional evento Baixeo e Faragulleo.
As actividades comezarán ás 9:30 horas coa concentración dos participantes na Chousa (entorno do Pozo da Ola); ás 10:00 será a saída para Piegaponte e ás 11:00 horas para Salmeán. Para as 14:00 está prevista a chegada á Chousa de Abaixo de a celebración do XXIV Faragulleo. E ás 16:00 horas haberá xogos familiares de integración.
É un evento organizado polo CIT de A Pontenova coa colaboración do Concello.
A parroquia de Xudán, no municipio de A Pontenova, celebra as festas na honra a Santa María Magadelena esta fin de semana, do 17 ao 19 de xullo.
As actividades comezarán este venres, día 17 de xullo, ás 22:00 horas cunha churrascada popular e verbena co dúo VeneGuay e DJ Bombardero.
O sábado ás 13:30 horas celebrarase misa solemne e a continuación haberá procesión e sesión vermú. Na festa verbena actuarán o dúo Tropical e DJ Bombardero
E para o domingo ás 14:00 horas está programada misa solemne e despois haberá procesión e sesión vermú co grupo tradicional A Rebolaxe.
Este sábado, día 18 de xullo, ás 20:00 horas o salón de actos da Casa da Cultura da Pontenova acollerá a presentación do novo libro de José Antonio Gómez Martínez, titulado El ferrocarril de Villaodrid a Ribadeo, “unha obra imprescindible para coñecer a historia do noso ferrocarril e o seu papel no desenvolvemento da comarca”, anuncia o Concello da Pontenova, que explica: “un volume de 416 páxinas, con 334 ilustracións e un plano despregable do ferrocarril de 80x27 centímetros, que recompila anos de investigación e documentación”.
A presentación contará coa participación de: José Antonio Gómez Martínez, autor do libro; Gabriel Ramallal Fernández, prologuista; e Darío Campos Conde, alcalde da Pontenova.
“Convidamos a toda a veciñanza e ás persoas apaixonadas pola historia e o patrimonio ferroviario a...
leer más