A Pontenova
A parroquia de Xudán, no municipio da Pontenova, acollerá unha charla sobre estas telefónicas este sábado, día 18 de abril. Será ás 17:00 horas na Escola de Xudán con entrada libre.
É unha actividade organizada pola asociación A Magdalena, de Xudán, que explica que a charla é para “aprender a detectar y evitar fraudes con la Guardia Civil”.
A asociación Nordés vén de anunciar a organización dunha saída cultural para o sábado 25 de abril, cunha proposta que combina patrimonio, tradición e gastronomía entre A Pontenova e Taramundi.
Nordés explica que “a xornada inclúe a visita ao obradoiro do artesán J. Rodil, onde as persoas participantes poderán coñecer de primeira man o proceso de elaboración de navallas artesás. Ademais realizarase unha visita guiada co técnico de turismo da Pontenova, que incluirá a exposición mineira Sociedad Minera de Villaodrid e o Museo da Pesca Fluvial. O programa complétase cun xantar na Casa Rural Casona de Labrada, con menú tradicional, e tempo libre en Taramundi, onde se poderá visitar opcionalmente o Museo dos Muiños de Mazonovo. A xornada rematará cunha visita a unha queixería tradicional, que incluirá explicación e degustación”.
A saída contará con...
leer más
A asociación Equus Norte organiza a décima Ruta Ecuestre na Pontenova, que se desenvolverá este sábado, día 10 de abril.
A saída está programada para as 10:30 horas desde á área recreativa do Pozo da Ola.
A organización anuncia que “aqueles que queiran asistir só á comida poderán adquirir os tickets no Hotel-Restaurante San Briz. Os participantes na ruta ecuestre deberán inscribirse antes do día 10 de abril para obter o ticket da comida”. Haberá música a cargo de DJ Bombardero.
Vilaouruz, no municipio da Pontenova, celebra as Festas da Pascua este sábado, día 4 de abril.
A partir das 14:00 horas haberá sesión vermú amenizada polo dúo Belinda, que tamén actuará na sesión de tarde noite que haberá desde as 20:00 horas.
Os actos principais da Semana Santa da Pontenova será este xoves, día 2 de abril, xornada na que haberá misa ás 18:30 horas e procesión ás 19:30.
No desfile participarán as confrarías do Cristo da Agonía e da Esperanza e a Banda de Cornetas e Tambores da Asociación de Mulleres e Homes do Rural, colectivo que organiza os actos coa colaboración do Concello de A Pontenova.
O Concello da Pontenova ofrece un campus de skate os días 31 de marzo e 1 de abril, martes e mércores desta semana.
Esta actividade desenvolverase no polideportivo municipal Tito Margaride de 10:30 a 13:30 horas.
Para máis información e inscricións as persoas interesadas poden chamar ao teléfono do Concello da Pontenova (982.34.22.77).
A Asociación A Magdalena, da parroquia de Xudán (A Pontenova) organiza unha xornada de sendeirismo pola Ruta das Minas, “para gozar da natureza e da historia mineira”. Será o sábado 4 de abril con saída desde a Praza dos Fornos as 10:30 horas para facer un percorrido de 5 quilómetros e unha comida campestre no Forno do Boulloso.
O prezo desta actividade é de 10 euros, as prazas son limitadas e os tickets para participar poden recollerse en Librería Eugenia ata este venres, 20 de marzo.
O Concello de A Pontenova organiza para os días 19 e 26 de marzo de 19:00 a 21:00 horas un curso online gratuíto sobre Intelixencia Artificial (IA) destinado a traballadores do sector do turismo ou do comercio.
“Impulsa o teu negocio coa Intelixencia Artificial! Traballas no sector do turismo ou o comercio? A IA xa non é o futuro, é a ferramenta clave para o presente. Únete a este curso online gratuíto e aprende a sacarlle partido de xeito práctico”, anuncia o Concello de A Pontenova.
A Asociación de Veciños San Pedro da Ribeira, de Saldoira (A Pontenova), organiza unha comida veciñal de cocido para o día 7 de marzo, sábado, ás 14:00 horas.
Os prezos son de 25 euros para as persoas asociadas ao colectivo organizador, 30 euros para as que non pertencen á asociación e 12 euros para os nenos e nenas de 3 a 9 anos de idade.
Para participar neste evento hai que anotarse previamente e o prazo está aberto ata o mércores 4 de marzo.
A asociación veciñal A Magdalena, da parroquia de Xudán (A Pontenova), organiza unha comida de cocido paro día 7 de marzo, sábado, ás 15:00 horas. Haberá música a cargo de DJ Bombardero.
Para participar neste evento hai que anotarse previamente e prazo está aberto ata o martes 3 de marzo.