Presentación

A Mancomunidade de Concellos da Mariña Lucense presentará o vindeiro 22 de xaneiro en FITUR A Mariña, unha viaxe á identidade, unha proposta que pon en valor o poder sanador do mar, do goce do tempo e do turismo de benestar e consciente, tendo como protagonistas ás Carolas ou Canouras, consideradas as primeiras turistas da Mariña. A finais do século XIX e sobre todo no século XX, estas mulleres procedentes dos municipios do interior da provincia chegaban ata a costa da Mariña para tomar os “baños de mar”, unha tradición que se afianzou, xa fose por prescrición médica ou por recomendación de persoas coñecidas.

A presidenta da Mancomunidade, Rocío López, explicou que “esta homenaxe á figura das Carolas forma parte das propostas turísticas que vén desenvolvendo a Mancomunidade ao abeiro do PST e que afonda na identidade do territorio a través...

Organizada pola Concellaría de Cultura do Concello de Alfoz, o venres 19 de decembro ás 20:00 horas, na Casa da Cultura, terá lugar a presentación da novela As donas da noite, galardoada no X Concurso de Relatos Balbino e publicada por Edicións Fervenza, entidade que convoca o certame. Esta novela supón a cuarta obra narrativa longa do autor Lionel Rexes, tras A raíña das velutinas, A montaña do poeta e Nove lúas.

No evento estarán presentes os responsables da editorial, membros do xurado do certame, e representantes da Xunta e da Fundación Neira Vilas, entidades colaboradoras no concurso literario. O propio autor asinará exemplares ao final do acto.

Lionel Rexes explica que “As donas da noite é unha obra pensada para o público xuvenil, aínda que apta para calquera tipo de...

Pomba, a que non era, o novo libro de Lucía Ferro, ilustrado por Andrea Lombardía, será presentado en Foz o día 20 de decembro, sábado. Será ás 18:00 horas na Casa da Cultura.

O novo libro de Lucía Ferro, ilustrado por Andrea Lombardía, estase a levar a cabo a través dunha rolda de financiamento colectivo que rematará o 26 de decembro. “A 22 días da finalización xa acadou o 40% do seu obxectivo. Para celebrar esta meta, as autoras anuncian a dispoñibilidade dunha nova versión do conto ilustrado na variante dialectal Fala Eonaviega. Do mesmo xeito que as linguas xa existentes, as persoas interesadas poden achegarse a goteo.org/project/pomba-a-que-non-era para participar na campaña e recibir o libro unha vez a campaña remate con éxito”, explica Lucía Ferro, que tamén anuncia: “para continuar coa promoción do proxecto, o vindeiro 20...

O xornalista e escritor Martín Fernández Vizoso presentará en Lourenzá o seu último libro publicado, que se titula Memoria de mariñáns, tomo 3. Será este venres, día 31 de outubro, ás 20:00 horas no salón de actos municipal.

É unha actividade organizada pola asociación Patrimonio Laurentino coa colaboración do Concello de Lourenzá.