Presentación
A asociación Abrindo Camiño convida a todas as persoas interesadas a asistir ao acto de presentación do libro de actas das ‘Extra XVI Xornadas do Peregrino Abrindo Camiño. Homenaxe a Andrea López Chao’, que tiveron lugar o pasado verán en Mondoñedo e Vilalba. Será este domingo, 22 de outubro de 2023, a partir das 11:00 horas no auditorio Pascual Veiga, de Mondoñedo.
Abrindo Camiño anuncia que ás 11:00 horas terá lugar o acto de presentación das actas que, ademais de ser impresas en papel, terán unha versión dixital para facilitar a súa difusión a calquera parte de mundo. Contan co patrocinio da área de Cultura, Patrimonio Histórico Artístico e Normalización Lingüística, da Vicepresidencia da Deputación de Lugo. Ademais haberá concerto didáctico homenaxe a Andrea López Chao, de Troupelear, con Branca Villares e Pablo Pintor; proxección do...
leer más
O libro dedicado ao fotógrafo e músico Edelmiro Méndez presentarase o 27 de outubro, venres, ás 20:30 horas no auditorio da Casa da Cultura da Pontenova.
A Editorial Canela explica que Edelmiro Méndez foi “fotógrafo e músico, que desenvolveu o seu oficio no concello da Pontenova durante a segunda metade do século pasado. Agradecemos as facilidades da familia, que puxo á nosa disposición os negativos cos máis de 3.000 fotogramas sobre os que traballamos para facer a selección das 219 imaxes en branco e negro, dun período comprendido entre os anos 1957 e 1964, que aparecen no libro, aos autores dos textos, revisores lingüísticos e as moitas persoas que axudaron a identificar os protagonistas e os lugares.
O libro, de gran valor antropolóxico, etnográfico, histórico e estético para toda Galicia, está publicado en...
leer más
A asociación Mariña Patrimonio organiza a presentación dun libro do xeólogo e ensaísta asturiano Jaime Izquierdo Vallina que ten como título ‘De función pública. ¿Cómo va el mundo?’, ilustrado polo artista mariñán Xosé Blanco e editado por Krk Ediciones. O acto terá lugar no Pazo de Santomé (Mondoñedo) ás 19:30 horas do día 6 de outubro, venres, e nel intervirán o autor Jaime Izquierdo mailo ilustrador Xosé Blanco.
Mariña Patrimonio explica que “nesta obra, unha recompilación de artigos publicados polo autor en distintos medios de prensa ao longo dos últimos anos, abórdase a situación de abandono que sofre o medio rural, patrimonio natural e cultural imprescindible para garantir o futuro da nosa sociedade. Desde unha perspectiva, tanto científica coma humanista, o autor ofrece as claves que permiten comprender este fenómeno e as posibles...
leer más
A novela titulada ‘A montaña do poeta’, escrita por Lionel Rexes, presentarase en Ferreira do Valadouro este venres, 22 de setembro, ás 20:00 horas. O acto, incluído na programación cultural do Concello do Valadouro, será no local social do parque Concepción Arenal e intervirá Lionel Rexes, gañador do premio Lueiro Rey 2021.
A sinopse da novela é a seguinte: “É pouco coñecido o vínculo do escritor Antonio Noriega Varela, alcumado «O poeta da montaña», cunha vetusta construción situada no Alfoz do Castrodouro. Deste feito real parte unha ficción absolutamente contemporánea, unha trama que recrea o ocaso dun rural onde a mocidade loita por atopar oco e onde os anciáns, acompañados dos seus cans, matan o tempo morto legando a bagaxe da vida. No medio desta existencia rutineira, un suceso con esencia ideolóxica sacode a dinámica do municipio...
leer más
O Concello de Barreiros organiza para este sábado, 16 de setembro, ás 20 horas na biblioteca pública municipal a presentación do libro ‘En Brandán’ da escritora barreirense Lucía Ferro.
Segundo conta a autora, “a obra é unha novela negra no que é a estrutura e o seu desenvolvemento argumental. Pero despois, a maiores, ten bastante humor, os personaxes son moi normais, son xente que atopas nun pobo, nunha vila. Entón tamén atopas unhas conversas máis naturais, cun algún tabú que outro que ou ben se fala directamente ou ben se deixa entender. E logo ten tamén de parte curiosa que dá un aire a obra de teatro, porque cando comecei a escribilo fun poñéndome a min mesma o reto de mellorar as conversas. Así que empecei centrándome máis aí e digamos que iso acabou por facer que sexan o que ten máis peso no libro”.
Na biblioteca...
A Asociación de Familiares de Enfermos de Alzhéimer e outras demencias (AFAN), de Burela, abre a súa axenda de actividades do mes do Alzheimer coa presentación en Burela da novela ‘Morir dos veces’, de Alejandro Seral. Será este mércores, 13 de setembro, ás 17:00 horas no auditorio da Casa da Cultura de Burela.
AFAN Burela explica que é “un libro emotivo cun enfoque valente e esperanzador sobre como o autor afrontou o Alzhéimer do seu pai. O acto constará de 2 partes: proxección e comentario dunha reportaxe feita ao autor no Programa ‘Crónica’ de TVE; e presentación da novela con rolda de preguntas”.
Organizan AFAN Burela e Alejandro Seral, coa colaboración das Concellarías de Servizos Sociais e de Cultura do Concello de Burela.
O Seminario de Estudos do Valadouro, SEVA, presentará o vindeiro venres, 25 de agosto, ás 20:00 horas no Castelo de Castrodouro un novo caderno, "Ditos e refráns do Valadouro", ilustrados por Xosé Blanco.
Ademais a exposición da súa obra permanecerá na Sala 2 do Castelo ata finais de outubro. Lionel Rexes, autor da recompilación desta mostra da tradición oral da zona do Val do Ouro será o encargado de abrir o acto no que intervirán tamén Xosé Blanco, pintor e deseñador e membros da directiva do SEVA, entidade que desde 2012 traballa para a dinamización cultural de Alfoz e O Valadouro.
O Concello de Alfoz, a través da Delegación de Cultura, colabora nesta proposta cultural, agradecendo a implicación do Seminario de Estudos do Valadouro na súa labor de por en valor e dar a coñecer a gran riqueza cultural,...
leer más
A Libraría Bahía acollerá o xoves, 20 de xullo, ás 21 horas a presentación do libro Consciencia: a ciencia que nos rescatou da pandemia, de Sonia Villapol. A autora é neurocientífica, procedente de A Pastoriza mais afincada en Houston, onde investiga e dirixe o Centro Médico de Texas.
No seu libro, conta as consecuencias e incluso beneficios da reacción mundial fronte á COVID a hora de idear coas vacinas en tempo récord para que cesasen as mortes e que a vida puidera volver ao seu cauce habitual o antes posible.
A Libraría Bahía, situada na Avenida da Mariña, 42, de Foz, ofrece a posibilidade de adquirir o libro tanto alí como na súa páxina web.
O mércores, 5 de xuño, ás 20:30 horas Lionel Rexes presenta a súa novela A Montaña do Poeta na Librería Bahía de Foz.
O escritor de Alfoz Lionel Rexes, ven de gañar o premio Lueiro Rey por esta novela na que partindo da relación histórica máis pouco coñecidado poeta da montaña Antón Noriega Varela cunha vella construción do Alfoz de Castrodouro, recrea un rural que declina e que se ve sacudido por un acontecemento extraordinario.
Os festivais musicais son unha aposta clara que o goberno local apoia. Así o subliñou esta mañá o alcalde, Dani Vega, na presentación do Pancha Fest, que terá lugar o 30 de xuño.
O rexedor manifestou que “para o Concello os festivais musicais son unha aposta clara que queremos apoiar. E o que queremos facer en primeiro lugar desde o goberno local é darlles as grazas a este grupo de rapaces, que están a traballar desinteresadamente para levar a cabo o Pancha Fest, pero tamén para organizar as festas patronais. Por iso o noso agradecemento de corazón por este traballo tan importante e desinteresado”.
Para Dani Vega os festivais de Ribadeo deben convertese nun referente en Galicia e na comarca: “e claro que os festivais musicais atraen turismo, tamén supoñen un atractivo cultural para Ribadeo e creo que nos temos...
leer más