Semana Santa
O Concello de Cervo anuncia que programa para esta Semana Santa actividades para todos os gustos e para todas as franxas de idade.
Este sábado, 12 de abril, a programación arrinca coa IX Foliada Nordestía organizada por A Rebolaxe, coa colaboración do Concello de Cervo. Con cantos de taberna desde o mediodía, un xantar popular, diferentes actividades durante todo o día, e concertos á noitiña de Xisco Feijóo, Tumba e Dálle e A Requinta da Laxeira.
Este domingo, día 13 de abril, terá lugar a II Ruta Cabalar organizada pola asociación Cabaleiros da Bidueira, coa colaboración do Concello de Cervo. A saída está prevista para as 10:00 horas do pavillón de San Román; haberá aperitivo para os participantes á metade da ruta que será duns 15 quilómetros aproximadamente, e sesión vermú e baile no polideportivo da man de...
leer más
O Concello de Burela presenta a súa programación especial para a Semana Santa, unha oferta variada de actividades culturais e turísticas que se desenvolverán entre o 15 e o 19 de abril. As propostas están abertas tanto á veciñanza como ás persoas visitantes, cun enfoque de posta en valor do patrimonio local.
Unha das principais atraccións será o Barco Museo Boniteiro, que permanecerá aberto do 15 ao 19 de abril. As visitas realizaranse en cinco quendas diarias: ás 11:00 h, 12:00 h, 13:00 h, 17:00 h e 18:00 h. Esta actividade permite coñecer de preto a tradición pesqueira local e o importante papel do norte na historia da vila. As prazas poden reservarse a través da páxina web: reservasbarcoboniteiro.burela.org
No ámbito natural programáronse as XeoRutas, que permitirán explorar a costa burelá desde unha...
leer más
Lourenzá acollerá esta vindeira Semana Santa diversas actividades: visitas guiadas ao mosteiro de San Salvador, a décimo sexta edición do torneo de baloncesto feminino Lourenzá en Xogo, e o festival musical Vilou Spring Fest coa actuación da orquestra Panorama.
As visitas guiadas ao mosteiro de San Salvador serán desde o luns 14 ata o sábado 19 ás 12:00 horas e o prezo é de 3 euros por persoa. Para participar hai que reservar previamente a través dos teléfonos 982.121.006, 982.147.156 ou 646.384.124 ou do correo electrónico lourenzaturismo@outlook.es. As entradas venderanse na Oficina de Turismo, que está no Centro de Interpretación da Faba.
O Vilou Spring Fest será o Xoves Santo, día 17 de abril no Campo dos Bolos, onde se instalará unha...
leer más
Despois duns meses de baixa, o director da Banda Municipal de Música de Ribadeo, David Ballester, volverá levar a batuta da formación no concerto de Semana Santa, que será o día 16 deste mes, mércores, ás 20:45 horas na igrexa parroquial de Santa María do Campo.
David Ballester anuncia esta actuación: “chega a Semana Santa e con ela o concerto da Banda Municipal de Música de Ribadeo, retomando as actuacións neste 2025. Farémolo na igrexa parroquial de Santa María do Campo ás nove menos cuarto da tarde. Invitamos a toda a xente a que se achegue a este concerto na igrexa parroquial, que é un marco incomparable para este tipo de actuacións. A gran maioría das pezas serán marchas procesionais, das cales catro serán interpretadas por primeira vez pola Banda de Música de Ribadeo”.
Ademais Ballester engade: “xa que...
leer más
Rinlo acollerá a segunda mexillonada o vindeiro 18 de abril, Venres Santo.
Dará comezo ás 12:30 horas na carpa instalada na praza de San Pedro. Haberá servizo de bar con ReyMa, de Riotorto. A amenización musical correrá a cargo de Festicultores e Alejandro Martínez.
A II Mexillonada está organizada pola asociación de veciños O Cantal coa colaboración do Concello de Ribadeo e da Xunta de Galicia.
O alcalde, Dani Vega, anima a participar nesta cita: “é unha alternativa gastronómica para a Semana Santa, que se irá consolidando pouco a pouco. O ano pasado resultou moi ben e agardamos repetir éxito neste 2025. Convidamos a veciños da contorna e a visitantes a achegarse a Rinlo o vindeiro 18 de abril”.
No acto de presentación participaron o rexedor, o conselleiro do...
leer más
O Salón dos Alcaldes acolleu a presentación da Semana Santa de Ribadeo. A programación desenvolverase do 11 ao 20 de abril.
O alcalde, Dani Vega, sinalou que “a Semana de Santa de Ribadeo é moi de fe, moi espiritual e moi nosa”. Agradeceu “todo o traballo que se fai desde a parroquia” , tivo palabras de recoñecemento para a labor realizada por Salvador Fernández e subliñou que “esta é a primeira vez que a Semana Santa de Ribadeo se presenta no Concello”.
O párroco de Ribadeo, Gonzalo Varela, aludiu “ao trasfondo franciscano das Semanas Santas” e lembrou que “Ribadeo é unha vila esencialmente franciscana”. O pregón terá lugar o 12 de abril e será pronunciado polo profesor ribadense xubilado Roberto Rodríguez. O Bispo de Mondoñedo-Ferrol, Fernando García Cadiñanos, presidirá o Vía Crucis o Luns Santo.
O...
leer más
O Concello de Mondoñedo anuncia que “ven de presentarse o programa e cartel da Semana Santa de Mondoñedo. As celebracións comezarán o sábado día 12 de abril co pregón e rematarán o domingo día 20 coa Misa de Resurrección”.
Tamén explica que “durante toda a semana haberá procesións e celebracións relixiosas, sendo o Venres Santo, día 18 de abril, onde se concentra o groso das celebracións”.
O Concello de Barreiros, desde a Área de Igualdade, organiza un novo campamento infantil baixo o programa +Concilia Abril como medida de conciliación familiar durante o período non lectivo de Semana Santa. Trátase dunha actividade na que se ofertan 50 prazas e que se vai desenvolver no CEIP de San Cosme de Barreiros os días laborais comprendidos entre o 14 e o 21 de abril en horario de 9:30 a 13:30 horas. Poderán participar todas aquelas crianzas nadas do 01/01/2013 ao 31/12/2021.
As inscricións deberán presentarse no rexistro do Concello de Barreiros en horario de 9:30 a 14:30 horas ou a través da súa sede electrónica antes de que finalice o prazo, o 2 de abril.
Participar neste programa terá un custo de 5 euros para crianzas empadroadas no concello de Barreiros e de 20 euros para as non empadroadas.
... leer más
Ata o día 3 de abril está aberto o prazo de inscrición nas actividades lúdico deportivas que organizan as Concellerías de Deportes e Mocidade e Benestar Social e Familia na Semana Santa co obxectivo de facilitar a conciliación laboral e familiar. Na presentación participaron os edís Elena Sierra e Francisco José Silvent.
O concelleiro de Deportes explicou que “os días 14, 15 e 16 de abril haberá un mini campamento para nenas e nenos de 4 a 8 anos no Ceip Gregorio Sanz en horario de 10:30 a 14:00 horas. E outro mini campamento para rapazas e rapaces de 9 a 12 anos, que tamén se desenvolverá no Gregorio Sanz de 10:30 a 14:00 horas e de 16:00 a 19:00 horas. Ambos contarán con servizo de programa madrugador. O martes, día 15, pola tarde de 16:30 a 19:30 terá lugar unha festa lúdica con inchables, tocador de pintacaras, glitter bar, photocall,...
leer más
Esta Semana Santa queremos tamén colaborar coas familias para favorecer a conciliación nestas datas de lecer. Así este martes, día 25 de marzo, abre o prazo para participar nunha nova edición de Cervo Concilia en Semana Santa, un programa pensado para contribuír á conciliación durante as vacacións escolares. As inscricións poden formalizarse na Casa da Cultura ou no Concello de Cervo ata o 8 de abril.
Cervo Concilia é un programa de actividades de Semana Santa dedicado a nenos/as de entre 3 e 12 anos que permite que os pais e as nais poidan conciliar a súa vida laboral co coidado dos seus pequenos e pequenas. (Os/as nenos/a de 3 anos son aqueles/as que estudan cuarto de infantil no curso 2024/2025 e os de 12 anos son os que cursan sexto de primaria neste período). O curso levarase a cabo o 14, 15, 16 e o 21 de Abril, en horario de 8:30h a...
leer más