Mondoñedo
A parroquia de Argomoso, no municipio de Mondoñedo, celebra as festas de San Pedro e San Pablo esta fin de semana, sábado 27 e domingo 28 de xuño.
As actividades comezarán o sábado con misa ás 13.00 horas e despois haberá sesión vermú co grupo Greasse, que tamén actuará na verbena xunto ao trío Merengue.
E o domingo tamén haberá misa ás 13.00 horas e despois sesión vermú larga co grupo Montreal.
A organización dos festexos destaca que haberá colchonetas gratis para os nenos.
A rapa das bestas do Campo do Oso, en Mondoñedo, abre este domingo, día 28 de xuño, a temporada na Mariña destas celebracións populares, que contan un ano máis co apio da área de Rural da Vicepresidencia da Deputación de Lugo, que tamén anuncia que “a rapa de Candaoso, en Boimente (Viveiro) o 5 de xullo, e a de Neipín (Pontenova) o 18 de xullo, continuarán unha axenda que dá testemuño dunha forma de vida e unha relación cos animais e co territorio que configurou e mantén as paisaxes do interior da comarca”.
O deputado provincial de Rural, Daniel García, reuniuse cos gandeiros e gandeiras que impulsan esta tradición na comarca, ás que trasladou “o compromiso coa organización das rapas e, particularmente, coa gandería extensiva que é a que sostén esta tradición ligada ao coidado e ao saneamento dos animais que se crían no monte”,
... leer más
A Xunta de Galicia anuncia que colabora coa tradicional Rapa das Bestas do Campo do Oso, en Mondoñedo, que se celebrará este domingo, día 28 de xuño: “a asociación cultural homónima responsable da organización presentou a 47 edición da cita”, nun acto que contou coa participación do director territorial de Cultura, Lingua e Xuventude da Xunta en Lugo, Manuel Antonio Fernández.
A Xunta anuncia que a xornada comezará ás 10:00 horas coa saída dos xinetes para baixar os animais ao curro e ás 12:00 celebrarase a rapa e o marcado dos cabalos. A continuación haberá sesión vermú, un xantar popular e baile pola tarde.
O barrio dos Muiños, en Mondoñedo, celebrará o Foleón de San Xoán, o día 23 de xuño, martes.
As actividades comezarán ás 21:00 horas cunha actuación do grupo Toxo Guayaba; ás 22:00 horas empezará unha degustación de torreznos, chourizos, bebida e pan. E ás 00:00 horas levarase a cabo o acendido do foleón. Tamén haberá música, a cargo de Puzzle Animación.
A Universidade de Santiago de Compostela (USC) vén de anunciar a apertura do prazo de matrícula para o IV Encontro Álvaro Cunqueiro, unha das propostas incluídas no programa da Universidade de Verán 2026. O encontro desenvolverase os días 27 e 28 de xuño no Pazo de Santomé, en Mondoñedo, e contará cun total de 16 horas lectivas.
As persoas interesadas en participar poderán formalizar a súa matrícula ata o vindeiro 12 de xuño. O proceso pode realizarse no Colexio de San Xerome (Compostela) ou no Edificio Intercentros (Campus de Lugo), así como a través da sede electrónica da USC na ligazón https://www.usc.gal/gl/servizos/area/cultura/extension/universidade-veran/encontro-alvaro-cunqueiro...
leer más
Este sábado, día 23 de maio, terá lugar a entrega do II Premio Álvaro Cunqueiro de Novela a Luís Rei Núñez por Elas dúas. Será en Mondoñedo, no Salón de Plenos do Concello, nun acto que presidirá o alcalde, Manuel Ángel Otero Legide, onde tamén estarán presentes outras autoridades, membros da corporación, compoñentes do xurado e representantes de Galaxia, editora da novela gañadora.
Luís Rei Núñez recibirá de mans do alcalde o diploma e placa acreditativos da obtención do premio, así como tamén o primeiro exemplar publicado da obra.
O Concello de Mondoñedo lembra que este galardón lle foi outorgado por unanimidade a Luís Rei Núñez o pasado mes de decembro por un xurado composto por Ánxela Gracián, Rosalía Morlán, Marta Neira, Marcos Calveiro e Armando Requeixo, aos que se sumou como secretario con voz e...
leer más
Este sábado, día 9 de maio, o Auditorio Municipal Pascual Veiga, de Mondoñedo, acollerá unha nova edición das Xornadas de Atención Temperá, “un espazo de encontro e aprendizaxe arredor do desenvolvemento infantil”, anuncia a organización, que explica: “durante a mañá contaremos con profesionais de referencia que abordarán cuestións clave como os sinais de alerta no desenvolvemento motor, o neurodesenvolvemento a través de casos clínicos, a prevención desde a odontoloxía en idades temperás e o desenvolvemento comunicativo e as rutinas de crianza. Unha oportunidade única para profesionais e familias interesadas no benestar e desenvolvemento da infancia”.
Esta actividade desenvolverase de 9:00 a 14:30 horas e entregarase certificado de asistencia.
A Asociación de Clásicos Mindoniense Mira e Anda organiza a décimo segunda edición da Xuntanza de Clásicos Cidade de Mondoñedo, que se celebrará o día 20 de xuño, sábado. O prazo de inscrición de vehículos para participar no evento remata dous días antes, o xoves 18 dese mes.
As actividades comezarán ás 10:00 horas coa recepción dos vehículos, entrega de tickets para a comida e sorteo de agasallos. Desde as 12:00 horas farán unha ruta e a comida será ás 15:00 horas.
Este martes, 14 de abril, tivo lugar en Mondoñedo a presentación oficial das festas de As Quendas 2026, nun acto no que estiveron presentes Manuel Otero Legide, alcalde de Mondoñedo; Iria Castro Fernández, deputada provincial de Cultura; e Manuel Antonio Fernández, director territorial de Cultura, acompañados tamén por concelleiros de Mondoñedo e membros da organización. Os festexos celebraranse desde o 30 de abril ata o 3 de maio.
A asociación organizadora fai público un “agradecemento sincero ao Concello de Mondoñedo, á Deputación de Lugo e á Xunta de Galicia polo seu apoio e compromiso, fundamentais para seguir facendo medrar unhas festas que son orgullo de todos”.
A Vicepresidencia da Deputación de Lugo anunciou que “a deputada de Cultura, Iria Castro, participou na presentación das Quendas. O acto celebrouse...
leer más
Alumnado do Conservatorio Superior de Música da Coruña ofrecerá concertos nos que interpretarán o Réquiem de Fauré en Burela e Mondoñedo o día 16 de abril, xoves. O primeiro será ás 18:00 horas e o segundo ás 20:30. Como solistas actuarán a soprano Ana Manteiga e o barítono Antonio Facal e o director será Fernando L. Briones
O Concello de Burela anunciou que o xoves 16 ás 18:00 horas a igrexa parroquial de Santa María será o escenario da actuación da orquestra e coro do Conservatorio Superior de Música da Coruña, nunha colaboración coa Escola Municipal de Música de Burela. A entrada é libre ata completar capacidade.
E a Escola Municipal de Música O Pallarego, de Mondoñedo, explicou: “o vindeiro xoves, 16 de abril, ás 20:30 horas na catedral de Mondoñedo, teremos o gusto de asistir ao concerto que ofrecerá alumnado...
leer más