Mondoñedo
O mércores 5 de xuño, a partir das 11 horas, terá lugar o encontro Novas Ruralidades. Empezará na Biblioteca Maravilhas, que está na parroquia de Arroxo (Lourenzá), no marco das xornadas de accións para promover a incorporación das mulleres aos dereitos económicos do sector agrario. Participarán Carmen Molejón Quintana, activista e dinamizadora social; Fátima Mayorga Olmos, logopeda; e Rosa Espiñeira Pan.
O xantar será na Casa da Penela, de Vilamor (Mondoñedo), onde acontecerá o resto da xornada. Pola tarde contarán coa participación de Thais Rivera López (Casa Niño Ourol) e María Ferreiro Santos (responsable da Secretaría das Mulleres do Sindicato Labrego Galego).
As persoas interesadas en participar deben inscribirse a través do teléfono 606.398.305.
Mondoñedo acollerá desde o xoves 30 de maio ata o sábado 1 de xuño unhas xornadas tituladas “Os Camiños de Santiago en Galicia. O seu coñecemento e divulgación”. Están organizadas pola Federación Galega de Asociacións de Amigos do Camiño de Santiago (FEGAC).
As actividades comezarán o xoves 30 ás 20:00 horas no auditorio municipal Pascual Veiga cun saúda institucional. A continuación terá lugar a proxección do documental “Elías Valiña, o inventor das frechas amarelas”, de Aser Álvarez, e despois haberá un coloquio. E para as 21:00 horas está programado un concerto da Banda de Música Pascual Veiga, de Mondoñedo.
O venres 31 haberá un roteiro pola variante marítima do Camiño Norte de Santiago, que sairá da Alameda dos Remedios, de Mondoñedo, ás 09:30 horas.
E o sábado 1 de xuño as...
leer más
O curso de verán da Universidade de Santiago de Compostela titulado “III Encontro Álvaro Cunqueiro: Cunqueiro aquí e acolá”, que se celebrará en Mondoñedo os día 6 e 7 de xullo, xa ten aberto o prazo de matrícula, que rematará o 21 de xuño. Neste evento colabora o Concello mindoniense e a Casa Museo Álvaro Cunqueiro.
O Concello de Mondoñedo destaca que “a nova edición do curso, baixo a dirección de Armando Requeixo e que se celebrará en Mondoñedo o 6 e 7 de xullo do 2024, contará coa presenza de grandes estudosos do mundo de Cunqueiro que nos achegarán diversos aspectos da súa obra continuando a liña xa amosada nas dúas edicións previas. Neste momento está aberto o prazo de matrícula, que se pode realizar tanto no Campus de Santiago como no de Lugo. O prazo estenderase ata o 21 de xuño”.
As persoas interesadas...
leer más
A parroquia de Oirán, no concello de Mondoñedo, celebrará as súas festas na honra da Virxe dos Milagros esta fin de semana, o venres 24 e o sábado 25 de maio.
O venres haberá misa solemne ás 13:00 horas e despois procesión e sesión vermú, amenizada polo grupo Montreal, que tamén actuará na verbena, nese caso con Sandra.
E o sábado ás 13:00 horas celebrarase misa solemne e a continuación procesión e sesión vermú, amenizada pola orquestra D´Noche e o dúo Estrellas.
O Concello de Mondoñedo presentou os tradicionais certames de poesía que levan os nomes de dous grandes creadores da cidade episcopal: o XXV premio Díaz Jácome e o XIII premio Leiras Pulpeiro.
Trátase, en primeiro lugar, do Premio de Poesía Leiras Pulpeiro, que acada a súa edición décimo terceira, e ao que pode concorrer calquera persoa que presente a súa obra en lingua galega. Os poemas a presentar terán que ser orixinais e inéditos tanto en soporte impreso coma dixital e non poderán ter sido premiados noutros concursos en data anterior á deliberación do Xurado. As composicións serán dunha extensión máxima de 150 versos de temática libre e poderán achegarse ao Concello de Mondoñedo, ata o día 18 de outubro deste ano. Este certame está dotado con tres premios: 1º, de 1.500 euros; 2º, de 600 euros; e 3º, de 300 euros, placa e diploma.
... leer más
Guía tu Día organiza unhas visitas especiais que terán lugar o 17 e o 19 de maio.
A primeira delas e coincidindo co venres festivo, será en Mondoñedo o 17. Consistirá nun roteiro guiado polas rúas desta antiga capital de provincia ateigadas de historia, tradicións, lendas e persoeiros ilustres, como Álvaro Cunqueiro ou Leiras Pulpeiro.
O domingo 19 será polo pobo mariñeiro de Rinlo, en Ribadeo. Un paseo guiado polo litoral destacando o bo aproveitamento das bondades da súa costa a través das emblemáticas cetarias.
Ambas rutas darán comezo ás 11 da mañá e terán unha duración de entre 2 e 3 horas. Están pensadas para tódolos públicos, incluíndo as mascotas.
Para máis información e reservas as persoas interesadas poden contactar no 654 99 68 57 ou a través das...
leer másCáritas organiza unha charla sobre diabetes e hipertensión para este xoves, 16 de maio, en Mondoñedo
O Seminario de Santa Catalina, en Mondoñedo, acollerá este xoves, 16 de maio, ás 17:00 horas unha actividade organizada por Cáritas Diocesana de Mondoñedo-Ferrol: a charla titulada “Falemos de diabetes e hipertensión”.
Na conferencia, a cargo da enfermeira Paloma Rodríguez Oviedo, falarase de prevención, estilo de vida e manexo destas enfermidades.
No Centro Sociocomunitario de Mondoñedo desenvolverase un curso sobre o uso de caixeiros automáticos de forma fácil e segura. Será o día 16 de maio, xoves, de 11:00 a 12:30 horas.
O departamento de Servizos Sociais do Concello de Mondoñedo explica que é unha actividade “enmarcada no Programa de Educación Financeira. Ten como obxectivo aprender a usar os caixeiros de ABANCA para facer as operacións máis habituais en calquera momento”.
O día 10 de maio, venres, ás 19:30 horas presentarase no xardín da Casa Museo de Álvaro Cunqueiro o libro de Alfonso Armada titulado “Cuaderno de viaje al País Natal”.
O Concello de Mondoñedo explica que “é un libro froito dunha proposta do seu primeiro xornal, Faro de Vigo, que levou de volta, ao autor, ao seu país natal e á súa infancia, pasando por Mondoñedo, polo Mondoñedo de Cunqueiro. Nun entorno cunqueiriano o autor falará desta obra de viaxes moi ao estilo do mindoniense universal. A presentación contará con presenza institucional por parte do Concello de Mondoñedo”.
A asociación Barrio dos Muíños, de Mondoñedo, organiza unha comida popular para o día 26 de maio, domingo. Haberá carpa e sesión vermú, amenizada por Eventec Discomovil.
A organización explica que será “un convivio das xentes do barrio dos Muíños. Queremos principalmente contribuír a un reencontro de toda esta veciñanza. Animádevos todos: os socios e socias, veciños, veciñas e persoas que nos apoiades para facer mellor este barrio, que é de todos, das xentes de aquí e de acolá”.
A venda de tickets para participar farase ata o día 20 de maio.