O Vicedo
O grupo musical Escolma de Meus, de Viveiro, ofrecerá un concerto no Vicedo este sábado, día 3 de xaneiro. Será ás 19:30 horas na Casa da Cultura.
O Concello do Vicedo anuncia: “comezaremos o ano cultural 2026 cun concerto a cargo do grupo de Viveiro Escolma de Meus. Un día para lembrar grandes cancións da historia da música”.
Este mércores, día 31 de decembro, celebrarase a primeira edición da carreira San Silvestre en O Vicedo.
A saída das probas será desde a rúa Francisco Vilasuso: a infantil ás 16:30 horas, a andaina ás 16:50 horas e a carreira de adultos ás 17:00 horas.
Este evento deportivo está organizado pola Comisión de Festas de Santo Estevo e Santa Lucía, que agradece “a gran acollida e participación que tivo esta actividade por parte do pobo, ademais da colaboración por parte dos locais da zona, sodes os mellores”.
A Banda da Agrupación Cultura e Musical Dambara, de Burela, actuará no Vicedo este sábado, día 27 de decembro. Será ás 19:30 horas na Casa da Cultura.
“No concerto da Banda da ACM Dambara de Burela máis de 30 integrantes subirán ao escenario da Casa da Cultura para ofrecernos un concerto de Nadal”, anuncia o Concello do Vicedo.
A Casa da Cultura do Vicedo acollerá este xoves, día 11 de decembro, a presentación do cómic titulado O Día de San Martiño.
“Unha nova actividade na Casa da Cultura! Cristian F. Caruncho, que ben coñecemos porque foi o encargado estes últimos anos da creación dos carteis da Romaxe Viquinga, acaba de presentar un novo cómic chamado O Día de San Martiño. Un divertidísimo western rural”, cheo de acción e humor”, explica o Casa da Cultura, que ademais anuncia: “dividiremos a presentación en dúas partes, unha máis infantil ás 17:30 horas, xa que os nenos e nenas de Primaria xa o coñecen ben e seguro que lles encantará; e a presentación máis oficial para todos os públicos ás 19 horas. O lugar elixido será a biblioteca da Casa da Cultura”.
O Teatro das Cortes, que está no lugar de Xestoso, en Cabanas (O Vicedo), organiza a Tarde do Porco de Pedra este sábado, 29 de novembro, que será o último día da programación desde ano 2025.
As actividades comezarán ás 18:00 horas con Ofrendas teatreiras e diálogos co Porco de Pedra dos Andrade. Ás 19:00 horas actuarán os artistas convidados: X.H. Rivadulla Corcón, con O porco Vladimir e outras historias e Anxo Moure, con Pés de lobo. E ás 20:30 horas haberá un concerto de Erikas e Peluxías, con Ugía Pedreira
A entrada é de balde.
O Teatro das Cortes, que está no lugar de Xestoso, en Cabanas (O Vicedo), organiza unha tarde de maxia e teatro este sábado, día 8 de novembro. As actividades comezarán ás 18:30 horas cunha actuación do Mago Antón. E ás 20:00 horas a actriz Isabel Risco presentará o espectáculo titulado Nabiza girl: o estraño caso da cultura minguante.
A entrada é de balde.
O recentemente creado Club de Lectura O Vicedo terá a súa primeira reunión o día 5 de novembro, mércores, ás 19:00 horas.
A Casa da Cultura anuncia a creación dese club de lectura e explica que “os participantes reuniranse unha vez ao mes para comentar un libro que lles será prestado polo Club de Lectura e comentarán as súas sensacións sobre a obra, se gustou ou non, a temática, a forma en que foi escrito, etcétera. Unha ocasión para aprender uns de outros e ver as distintas formas de interpretar un libro. En principio vai haber unha reunión inicial informativa a posibles interesados para explicar as características do club de lectura, decidir día e hora de celebración das reunións, etcétera; non implica que vaia quedar ese día da semana nin esa hora. Animámosvos a participar, probar e seguro que vos gusta”.
A Casa da Cultura do Vicedo acollerá dúas representacións teatrais esta fin de semana, o sábado 1 o domingo 2 de novembro.
O Concello do Vicedo anuncia: “o sábado ás 20 horas teremos unha obra de teatro do grupo Avelaíña, de Pontevedra, titulada Almas na Gloria: D. Paco, coa seguinte sinopse: cumpridos trece anos do seu pasamento, a Real Academia Galega acordou dedicarlle o día das Letras Galegas do ano 2023 a quen foi o creador desa efeméride, Don Francisco Fernández del Riego. Os amigos de Don Paco (Ramón Otero Pedrayo, Álvaro Cunqueiro, Ricardo Carballo Calero, Ramón Piñeiro, Enrique Peinador, Fermín Penzol e Manuel Gómez Román) acompañan a Del Riego na súa apoteose de elevación ao retablo dos Galegos Ilustres. No encontro rememoran a súa mocidade universitaria no Seminario de Estudos Galegos, nas Irmandades da Fala e no...
leer más
O Vicedo celebrará a vixésima edición do seu desfile de Samaín, que sairá desde a Casa de Cultura, este venres, día 31 de outubro.
“Celebramos a 20ª edición co tradicional desfile de Samaín polas rúas do Vicedo. Ide preparando a saba e as pinturas para desfilar e asustar a todos os veciños. Despois chocolate con churros cortesía da APA. É unha edición especial e gustaríanos que tanto nenos como adultos (que varios algún día desfilaron) vos animásedes a vestirvos e desfilar por unha celebración humilde pero que foi capaz de conseguir celebrarse en 20 ocasións. Será a partir das 19:30 horas, pero desde unha hora antes podedes pasar a maquillarvos e pasar unha tarde noite de medo!”, anuncia o Concello de O Vicedo.
Continúa o outono teatral na Casa da Cultura do Vicedo cun grupo de Viveiro, Mecanismo Teatro, que presenta a obra titulada Parad@s, que conta no seu elenco cunha actriz do Vicedo, Loli. Será este sábado, día 25 de outubro, ás 20 horas.
A entrada é libre para asistir a esta representación da obra Parad@s, de Fedra Marcus Broncano.