Obradoiro
Con motivo da celebración do Día das Bibliotecas, este venres, día 24 de outubro, ás 17:30 horas a Biblioteca Municipal de Ribadeo acollerá o Obradoiro de reciclaxe con Mini, baixo o lema Contra a desinformación: bibliotecas.
Esta actividade está dirixida a nenas e nenos de entre 4 e 12 anos. Hai 15 prazas dispoñibles e as inscricións poden realizarse por WhatsApp no número 604.084.201 (Biblioteca).
O Concello de Ribadeo explica que é unha actividade “lúdica e educativa que promove a creatividade, o reciclaxe e o amor polas bibliotecas”.
O Concello de Ourol organiza un obradoiro de manualidades para deseñar broches, chapas ou mochilas. Será na biblioteca municipal o día 22 de outubro, mércores, ás 17:00 horas.
Está destinado a persoas adultas e as prazas son limitadas. A inscrición pode facerse a través dos teléfonos 982.55.90.19 ou 608.69.40.51.
O Concello de Viveiro organizará o luns 27 de outubro o obradoiro titulado Como se fai unha película?, unha charla práctica pensada especialmente para persoas maiores de 55 anos. Terá lugar ás 18.30 horas na Sala Multiusos. A actividade será impartida por Manolo Gómez, gañador de dous premios Goya á Mellor Película de Animación, por O bosque animado (2002) e O soño dunha noite de San Xoán (2006).
A alcaldesa, Mariña Gueimunde, explica que “esta proposta busca achegar o mundo do cine dun xeito ameno e participativo, ofrecendo unha experiencia cultural distinta e adaptada a un público que merece novas oportunidades para aprender, compartir e gozar da creatividade”.
Durante a sesión as persoas participantes poderán descubrir como se crea unha película desde dentro, coñecer técnicas básicas...
leer más
O Concello de Burela impulsa unha nova proposta cultural pensada para os máis pequenos e as súas familias. O sábado 18 de outubro a Biblioteca Pública Municipal acollerá un obradoiro de construción e animación de monicreques de calcetín, que se celebrará de 11:30 a 12:30 horas.
A actividade está dirixida a nenas e nenos a partir de 3 anos, que poderán participar acompañados dos seus proxenitores. O taller permitirá que cada participante cree o seu propio monicreque e aprenda a darlle vida a través da animación, combinando creatividade e diversión.
As inscricións xa están abertas na Biblioteca Pública Municipal e permanecerán dispoñibles ata o xoves 16 de outubro, en horario de mañá e tarde. O número de prazas é limitado a 40 nenos e nenas, que se cubrirán por orde de inscrición.
O...
leer más
O Concello do Valadouro organiza un obradoiro creativo de manualidades, que se desenvolverá na Sala Anexa da Casa da Cultura os mércores a partir das 16:30 horas. A duración desta actividade está prevista dende o día 08 outubro de 2025 ata o 17 de xuño de 2026.
O prazo de solicitude para participar está aberto ata o martes 30 de setembro. As solicitudes realizaranse nas Oficinas Municipais en horario de atención ao público (de 09:00 a 14:30 horas) ou na Casa da Cultura do Concello de o Valadouro.
O Concello de Barreiros organiza unha nova actividade para a cativada, nesta ocasión propón un obradoiro de monicreques de papel e arte natural, no que a imaxinación e a creatividade serán protagonistas.
A actividade terá lugar na Biblioteca Pública Municipal de Barreiros o 23 de setembro, martes, de 16:00 a 17:30 horas.
“Para participar será preciso facer inscrición previa xa que as prazas para este obradoiro son limitadas. Para anotar ás vosas crianzas debedes facelo antes do 17 de setembro na propia biblioteca. Con este tipo de talleres trátase de reforzar o desenrolo da motricidade fina así como de axudarlles a ser máis creativos/as. Tamén se fomentará o contacto e o respecto pola natureza ao empregar recursos que ela mesma nos brinda”, explica o Concello de Barreiros.
A xornada está...
leer más
O Concello de Barreiros, a través da súa aula CeMIT e, en colaboración co Colexio Profesional de Enxeñería en Informática de Galicia, acolle o programa Tech Kids: Argallando entre xeracións, un obradoiro creativo de 3 días de duración para espertar o talento dixital e a capacidade de innovación entre a mocidade. A formación terá lugar os días 11, 12 e 13 de agosto, en horario de 9:30 a 12:00 horas na aula CeMIT de Barreiros.
“Esta iniciativa, dirixida a mozos e mozas con idades comprendidas preferentemente entre os 12 e os 18 anos, ten dous obxectivos claros: por unha banda, familiarizar á rapazada coas tecnoloxías disruptivas que definen o presente e o futuro; e por outra, desenvolver competencias transversais como a resolución de problemas, o pensamento crítico e o traballo en equipo nunha contorna colaborativa. Durante o...
leer más
O Colectivo Cultural Ollomao, de Barreiros, organiza un obradoiro de teatro este sábado, día 31 de maio. Será no Centro Social Manuel Díaz Sampedro, en San Cosme, de 17:00 a 20:00 horas.
“Nesta ocasión trasladámolo ao Centro Social Manuel Díaz Sampedro debido ás Xornadas Etnográficas da Mariña que se celebran nas Escolas Vellas durante todo o fin de semana. Recordámosvos que podedes asistir sen ningún tipo de compromiso, probar e pasar unha tarde diferente. O teatro comunitario é moito máis ca unha obra sobre un escenario: é encontro, é memoria compartida, é a voz dun pobo que se conta a si mesmo. A través del veciños e veciñas convértense en protagonistas da súa propia historia, fortalecendo os lazos que nos unen”, explica o Colectivo Cultural Ollomao.
O Colectivo Pensamento e Sementeira, de Viveiro, organiza un obradoiro infantil de debuxo que se desenvolverá o día 30 de maio, venres, ás 18:00 horas na Sala Multiusos do Concello de Viveiro. Será impartido polo debuxante Cristian F. Caruncho.
“Teremos a Cristian F. Caruncho connosco para desenvolver un obradoiro de debuxo o venres 30 de maio na Sala Multiusos do Concello de Viveiro. Para as que non o coñecedes Cristian é o ilustrador do xa famosísimo libro Saínza, a punkiereteira. Botádelle un ollo, deixádevos sorprender e animádevos a achegarvos a esta actividade coas vosas fillas, fillos, netas, netos ou aquelas crianzas achegadas que queiran aprender e gozar do debuxo”, explica Pensamento e Sementeira.
Esta actividade, para nenas e nenos de 7 anos ou máis, é de balde pero é necesario inscribirse...
leer más
O mércores 21 de maio, de 19:00 a 21:00 horas, celebrarase na Sala Multiusos do Concello de Viveiro un obradoiro sobre novos modelos de innovación nos sectores do turismo e o comercio, no marco do programa Conecta Lugo, organizado pola CEL e financiado polo IGAPE.
O Concello de Viveiro anuncia: “durante a xornada, abordárase como innovar nestes sectores e presentaranse diferentes liñas de axuda e apoios públicos dispoñibles. Contaremos coa participación da Oficina Económica de Galicia, o IGAPE e a Axencia Galega de Turismo, da man de Paloma Vázquez, ademais de representantes de negocios punteiros que compartirán os seus casos de éxito. Peche con espazo de networking e picoteo”.
A asistencia é gratuíta, pero as prazas son limitadas.