Obradoiro
O 29 de xuño terá lugar un obradoiro destinado aos nenxs que leva por título "O pequeno comercio para os mais pequenos". Vaise desenvolver no centro de ocio infantil Con Sentidiño, que é un establecemento asociado a Acisa. A actividade, que é gratuíta, dará comezo ás 19 horas.
Segundo explica o xerente de Acisa, Jesús Pérez, “trátase dun taller de consumo no comercio local destinado aos máis pequenos e pequenas da casa”.
Pérez sinala que “o obradoiro dará comezo cun contacontos orientado aos nenos e nenas que lles pretende ensinar que coa compra local gañamos todos e conseguiremos un futuro mellor”.
Desde a xerencia da Asociación de Comerciantes, Industriais, Servizos e Autónomos indican que “esta actividade estase a desenvolver en diferentes lugares de España. Desde Con Sentidiño...
leer más
A actividade está dirixida a persoas maiores e desenvolverase os días 13, 14 e 15 deste mes de maio. Terá lugar na Aula CeMIT en horario de 16:00 a 17:30 horas
Este curso, realizado en colaboración con Vodafone España, introducirá aos participantes no uso básico destes dispositivos e demostraralles tamén as múltiples vantaxes e posibilidades que se lles abren aproveitando estas tecnoloxías que combinan unha gran portabilidade e accesibilidade desde calquera sitio e lugar.
A Fundación Vodafone España poñerá a disposición dos asistentes 10 tabletas para que, os que non dispoñan destes dispositivos, poidan practicar durante as clases. O obradoiro será exclusivamente para tabletas co Sistema Operativo Android, non se traballará con IPads.
O número de prazas é limitado e será necesario facer...
leer más
O vindeiro 15 de febreiro terá lugar en Foz un obradoiro de escrita e narrativas. A actividade será impartida por Lidia Luna, psicóloga de profesión e, como ela mesma di, escoitadora e contadora de historias.
Neste obradoiro os participantes explorarán a creación de historias a partir da súa experiencia cotiá, das súas lembranzas e da memoria dos lugares que habitan.
O taller terá lugar na Librería Bahía, de Foz, a partir das 20:30 horas.
O número de prazas é un máximo de 12 asistentes e as persoas interesadas poden anotarse en contacto@narrativasyotraslunas.com, no número de teléfono 633 218 124 ou en Librería Bahía, na Avenida da Mariña, 40 ou no teléfono: 982 140 434.
Lidia Luna explica que "todas as persoas temos historias...
leer más
Está aberto o prazo de inscrición para participar no obradoiro de arrolos que se celebrará o vindeiro 27 de xaneiro.
Esta actividade, que está incluída no proxecto Apego que desenvolve o Concello ribadense, será dirixida por Ugía Pedreira e está destinada a nen@s de 0 a 3 anos.
O obradoiro terá lugar o 27 de xaneiro ás 17:30 horas no Teatro. A duración será de dúas horas.
O número de prazas é limitado para 20 bebés e con cada un deles poderá asistir unha persoa adulta. Como noutras ocasións, o grupo estará no escenario e poderá haber persoas no patio de butacas.
O prezo por participante é 3 euros e @s interesad@s poden inscribirse na dirección de enderezo electrónico cultura@ribadeo.org.
O Centro Comercial Aberto de Foz organiza unha charla-obradoiro para a dinamización dos negocios locais que terá lugar o vindeiro martes, 9 de outubro.
A conferencia leva por título Reaviva a chama do teu negocio e será impartida pola psicóloga coach Ángeles Amor, que falará “da forza de emprender, das novas ilusións, dos novos retos, etc…”.
Esta charla-obradoiro celebrarase o 9 de outubro ás 20:30 horas no salón de actos da Casa da Cultura de Foz. A entrada é gratuíta e poderá facerse reserva de prazas no número de teléfono 982 132 751. Desde a directiva do Centro Comercial Aberto de Foz subliñan que “está aberta ao público en xeral, sexan asociados ou non á ACIA/CCA”. Os inscritos recibirán un diploma de asistencia.
Coa organización deste evento colabora o Concello de Foz, Radio Foz...
leer más
A Concellería de Cultura organiza un obradoiro de teatro, que comezará o vindeiro 20 de setembro.
Estará dirixido por Juan Villarino, director do grupo de teatro O Torques formado en Burela en 2016 e poderán participar persoas maiores de 8 anos.
A actividade, para un máximo de 12 asistentes, terá unha duración total de 16 horas e os horarios serán a convir unha vez pechada a inscrición.
Os/as interesados/as poden anotarse na Casa da Xuventude a partir de hoxe, venres, no número de teléfono 982 581 141.
O concelleiro de Cultura, José Díaz, anima á xente a que “pierda la vergüenza y el miedo, y se anime a participar. Con este obradoiro pueden salir nuevos actores y actrices para el grupo de teatro local que tenemos que apoyar todos. Además Juan Villarino tiene una...
leer más
O Concello de Cervo, a través da delegación de Cultura que dirixe Dolores García Caramés, promove para este sábado, 8 de setembro, ás 12:00 horas, na biblioteca da Casa da Cultura unha actividade dirixida para os pequenos da casa.
Trátase dun obradoiro que ten como obxectivo que os nenos e nenas experimenten como é o proceso de creación dun libro ilustrado, a través de diversas técnicas grafo-plásticas desde un enfoque lúdico.
O taller, incluído no programa Ler Conta Moito, está dirixido a pequenos e pequenas a partir dos 6 anos de idade e ten unha duración de 120 minutos.
As inscricións deben formalizarse na Casa da Cultura (982.59.51.57).
A Concellería de Medio Ambiente organiza un obradoiro de conservas avanzado que terá lugar o 20 de setembro na praza de abastos de Burela. Esta actividade forma parte da programación da Semana da Mobilidade 2018.
Segundo explica Noelia Mª Ben “o obradoiro terá unha duración de 3 horas lectivas nas que se elaborarán as seguinte receitas: xalea de froitas, crema de froitas de tempada, froita confitada e pementos caramelizados”.
A edil burelesa engadiu que “impartirá o obradoiro Luísa Mª Granja Domínguez, máis coñecida como Yuma, que xa deu o curso de iniciación ás conservas hai uns meses no noso concello e tivo unha gran demanda. Degustaranse produtos elaborados no obradoiro e cada participante levará varias mostras dos produtos e un pequeno manual con recomendacións e receitas”.
Para...
leer más
O vindeiro martes, 4 de setembro, terá lugar na Casa da Cultura do Concello de O Vicedo un obradoiro titulado Monta e pilota un dron Tech Kids.
A actividade, de carácter gratuíto, enmárcase no programa Tech Kids en colaboración co Colexio Profesional de Enxeñaría Informática de Galicia. Está dirixida a nenos e nenas con idades entre 8 e 12 anos, e desenvolverase en horario de 9:00 a 14:00 horas.
As prazas son limitadas e as inscricións deben facerse na aula CeMIT de O Vicedo ou nos teléfonos 982 59 01 95, en horario de 10:00 a 14:00 horas, e 687 28 80 08.
Organizan: Xunta de Galicia, Axencia para a Modernización Tecnolóxica, Centros para a Modernización e Inclusión Tecnolóxica e Colexio Profesional de Enxeñaría en Informática de Galicia.
A asociación sociocultural Mariña Patrimonio, en colaboración co Concello de Alfoz, organiza un obradoiro de bateo de ouro os días 6 e 14 de agosto.
Esta actividade estará dirixida polo xeólogo Francisco Canosa, recoñecido divulgador da xeoloxía galega, e desenvolverase no río Ouro ao seu paso polo concello de Alfoz.
As inscricións poden facerse no correo electrónico mr.patrimonio@gmail.com.
Mariña Patrimonio pretende divulgar a existencia dunha importante minería e industria aurífera nos tempos antigos, da que dan mostra os restos de ourivería castrexa e as minas romanas descubertas e recoñecidas, particularmente na Mariña Central e Oriental.