Ourol
A parroquia de Ambosores, no municipio de Ourol, celebra as festas na honra a Santa Lucía os días 13 e 14 de decembro, sábado e domingo.
As actividades comezarán o sábado ás 13:00 horas con misa solemne e procesión. Despois haberá sesión vermú con dúo Caramelo e ás 15:00 horas empezará un xantar popular. Tamén está programado un baile de tarde noite cos dúos Caramelo e La Hora Bruja. E ás 23:00 horas repartirase chocolate con roscón gratis.
O domingo ás 13:00 horas celebrarase misa solemne e procesión. A continuación haberá sesión vermú prolongada con dúo Caramelo e ás 15:00 horas empezará un xantar popular.
Chega o II Ciclo de Teatro a Bravos, no municipio de Ourol, organizado pola Asociación Cultural Recreativa Deportiva Aturuxeiros, que anuncia: “unha nova edición chea de humor, emoción e boas historias para gozar en comunidade durante o Nadal e o mes de xaneiro. Funcións os días 27 de decembro, 17, 24 e 31 de xaneiro. Ao longo destas datas pasarán polo noso escenario: Grupo de Teatro Sr. López, coa obra A viaxe do Sr. López; Grupo de Teatro Ardora, de Cervo, coa obra Aire fresco; Grupo de Teatro Antas de Ulla, coa obra Catro cortos nun banco; e Grupo de Teatro Aturuxeiros, de Bravos, coa obra Vaia co pronóstico”.
As representacións serán no Local Social de Bravos e todas comezarán ás 18:00 horas.
O Concello de Ourol está a organizar un Encontro de Maiores, para persoas de máis de 55 anos empadroadas no municipio. Terá lugar este domingo, día 30 de novembro, no Restaurante Louzao (Viveiro) ás 14:00 horas.
“Este encontro consistirá nunha comida amenizada con música en directo e sorteo sorpresa. Poderán acudir as/os cónxuxes que non estean empadroadas/os aboando o importe da entrada. Tamén poderán acudir as/os cónxuxes empadroadas/os que non reúnan o requisito de idade aboando o prezo da entrada. As persoas dependentes poderán acudir cun acompañante. Todas as persoas asistentes deberán recoller a súa entrada nas dependencias municipais”, anuncia o Concello de Ourol.
A participación é gratuíta para as persoas empadroadas e a data límite para anotarse é este xoves, 27 de novembro. O lugar para a recollida de...
leer más
O Concello de Ourol súmase un ano máis á conmemoración do 25 de novembro, Día Internacional da Eliminación da Violencia contra a Muller, cunha programación que “combina a expresión musical e a participación cidadá como vías de sensibilización e compromiso social, baixo o lema Ourol di non á violencia contra a muller”. Os actos arrancarán o domingo 23 de novembro ás 17:00 horas no Centro Social de Merille, cun espectáculo musical da cantautora galega Su Garrido Pombo, titulado Patios de luz, “unha proposta que convida á reflexión a través da música e da palabra”. O martes 25 de novembro ás 12:30 horas celebrarase a VII Andaina da Eliminación da Violencia contra a Muller, cun percorrido simbólico polo Paseo da Rega de Ourol, no que se realizará a lectura institucional dun manifesto de rexeitamento á violencia machista. A actividade está aberta a...
leer más
O día 18 de novembro, martes, ás 18:00 horas no Centro Social de Merille (Ourol) terá lugar a representación da obra titulada Cores do Camiño, da compañía de teatro Satori. É para nenos/as a partir de 4 anos e familias.
“Anímate a vir, seguro que pasamos un momento moi divertido e agradable. Inscricións ata o 14 de novembro na páxina www.concellodeourol.es, no apartado de novas ou no de biblioteca, no formulario habilitado”, anuncia o Concello de Ourol.
O Concello de Ourol organiza un obradoiro de manualidades para deseñar broches, chapas ou mochilas. Será na biblioteca municipal o día 22 de outubro, mércores, ás 17:00 horas.
Está destinado a persoas adultas e as prazas son limitadas. A inscrición pode facerse a través dos teléfonos 982.55.90.19 ou 608.69.40.51.
O Concello de Ourol, no marco do acordo de colaboración da Consellería de Política Social e Igualdade coa Federación Galega de Municipios e Provincias, organiza un curso de defensa persoal feminina dirixido a mulleres e mozas. Levarase a cabo o día 25 de outubro (sábado) ás 10:00 horas no Centro Social de Merille.
“A este curso poden asistir todas as mulleres maiores de 18 anos independentemente da súa condición física. Trataranse contidos tanto teóricos como prácticos que axuden non só a defenderse senón a identificar sinais de perigo e actuar de xeito preventivo para lograr anticiparse e evitar unha situación de risco. O curso impartirase por monitores e monitoras especialistas en defensa persoal e integrantes da Federación Galega de Loita. Para anotarte podes chamar ó Departamento de Servizos Sociais (Teléfonos 982.55.91.09 e 677.48.94....
leer más
Ourol acollerá un curso sobre cultivos de outono inverno os días 1 e 2 de outubro, mércores e xoves. Será de 16:00 a 20:00 horas no Centro Social de Merille. A inscrición está aberta ata o 30 de setembro nos teléfonos 982.55.90.19 ou 608.69.40.51.
Os temas que se abordarán son: “o horto no inverno, coidados e principais cultivos; preparación do terreo e retirada dos restos de colleitas anteriores; preparación da sementeira e rotación de cultivos; cobertura da terra (acolchado); e materiais imprescindibles para a horta no inverno”.
O día 27 de setembro, sábado, ás 18:00 horas no Centro Social de Merille (Ourol) representarase a obra de teatro O Randiña vai ó médico, da compañía de teatro O Torques, de Burela.
“Unha comedia divertida que nos fará pasar un momento agradable e disfrutar do teatro no noso concello. A entrada é libre e gratuíta”, anuncia o Concello de Ourol.
Ourol celebrará as festas na honra á Nosa Señora os días 9, 10 e 15 de agosto.
As actividades comezarán este sábado, día 9 de agosto. De 14:00 a 20:00 horas no Edificio Multiusos poderá visitarse a exposición de cadros titulada Serie casas indianas, de José Manuel Hermida Blanco (Senel), con entrada gratuíta. Ás 14:00 horas haberá sesión vermú con orquestra Supertop e ás 15:00 empezará un xantar popular na carpa situada na Praza do Concello (para participar hai que inscribirse previamente e o prazo para anotarse está aberto ata este mércores, día 6 de agosto, ás 13:00 horas no teléfono 982.55.91.09 ou nas dependencias municipais). A continuación haberá baile de tarde con José Manuel, ex cantante da orquestra Abanico. E ás 22:30 horas comezará a verbena coas orquestras Supertop e Tοkio.
O domingo 10 desde...
leer más