Festas
Este martes, 14 de abril, tivo lugar en Mondoñedo a presentación oficial das festas de As Quendas 2026, nun acto no que estiveron presentes Manuel Otero Legide, alcalde de Mondoñedo; Iria Castro Fernández, deputada provincial de Cultura; e Manuel Antonio Fernández, director territorial de Cultura, acompañados tamén por concelleiros de Mondoñedo e membros da organización. Os festexos celebraranse desde o 30 de abril ata o 3 de maio.
A asociación organizadora fai público un “agradecemento sincero ao Concello de Mondoñedo, á Deputación de Lugo e á Xunta de Galicia polo seu apoio e compromiso, fundamentais para seguir facendo medrar unhas festas que son orgullo de todos”.
A Vicepresidencia da Deputación de Lugo anunciou que “a deputada de Cultura, Iria Castro, participou na presentación das Quendas. O acto celebrouse...
leer más
O Concello de Xove anuncia que “continúa a amosar o seu compromiso co tecido asociativo local colaborando coas distintas comisións de festas do municipio. Un ano máis, e con moita ilusión, a Asociación Cruz de Loureiro organiza a tradicional Festa de San Isidoro de Monte 2026, que terá lugar en Penas Agudas os vindeiros días 11 e 12 de abril”.
O sábado 11 celebrarase unha misa solemne, seguida dun xantar popular que estará amenizado polo dúo Belinda e o grupo Fénix. Ao longo da tarde desenvolverase un concurso de pasodobre e bachata. Para anotarse a este xantar está aberto o prazo de inscrición ata o día 8 de abril.
O domingo 12 a xornada comezará ás 10:00 horas cunha ruta de sendeirismo aberta a todas as persoas participantes, que poderá realizarse a pé, a cabalo ou en bicicleta, tal e como sinala a organización...
leer más
Esta fin de semana, sábado 4 e domingo 5 de abril, celébranse as festas de San Xosé en Trabadela, no municipio de Trabada. Contarán coa actuación da orquestra Acordes, de Lugo.
O Concello de Trabada anuncia que “Trabadela énchese de música, tradición e bo ambiente cun programa para gozar en compañía”.
O sábado desde as 13:00 horas haberá sesión vermú co grupo La Tremenda, que tamén actuará na verbena xunto á orquestra Acordes. E o domingo celebrarase misa solemne ás 13:00 horas e a continuación terá lugar unha sesión vermú prolongada co grupo Lume.
O recinto da festa estará cuberto con carpa.
O Concello de Trabada anuncia que segue colaborando coas comisións de festas e asociacións “para facer posibles este tipo de celebracións, que manteñen viva a nosa tradición...
leer más
A Asociación de Veciños do Burgo de Trasbar, no municipio de Cervo, celebrará neste mes de abril a Festa da Pascua, que será o domingo 5, e o 15º aniversario do colectivo, que está programado para o día 11, sábado.
As actividades da Festa da Pascua comezarán ás 13:30 horas cunha misa na capela e a partir das 14:30 haberá un xantar, no que para participar as inscricións están abertas ata este domingo, 29 de marzo.
E para celebrar o 15º aniversario da asociación o día 11 de abril desde as 13:00 horas terá lugar unha sesión vermú a cargo do dúo Caramelo e ás 14:00 horas comezará un xantar, no que para participar hai que inscribirse previamente e o prazo remata o 5 de abril. Despois haberá tardeo. O campo no que será o evento estará cuberto con carpa. “Este ano celebramos un aniversario moi especial, nin máis ni menos...
leer más
Vilaseca, no municipio de Riotorto celebrará as festas na honra a San Xosé e Nosa señora os días 21, 22 e 28 de marzo.
As actividades comezarán este sábado, día 21 de marzo, ás 13:00 horas con misa solemne e procesión a continuación. Seguidamente haberá sesión vermo co grupo Los Adrianos, que tamén actuará na verbena xunto á orquestra Triunfo.
O domingo 22 ás 13:45 horas celebrarase misa solemne e procesión a continuación. Despois haberá sesión vermú prolongada co grupo D’Cano.
E o día 28, sábado, ás 28 ás 13:45 horas celebrarase misa solemne e procesión a continuación. Seguidamente terá lugar una sesión vermú co dúo Belinda, que tamén actuará na sesión tarde-noite, despois dun xantar popular.
A organización destaca que o campo da festa estará cuberto con carpa...
leer más
Carballido, no municipio de Alfoz, celebrará a festa na honra de San Sebastián os días 17 e 18 de xaneiro, sábado e domingo.
A comisión organizadora dos festexos anuncia: “variamos a ubicación un pouquiño, será na explanada asfaltada do antigo serradoiro de Xaque, co que poderemos montar unha carpa de maiores dimensións, climatizada e sen risco de lama en caso de choiva”.
En canto á programación explica que o sábado 17 de xaneiro haberá sesión vermú “e moito baile co dúo da casa ao que tanto cariño lle temos, dúo Belinda, Haberá tapas de callos para acompañalas consumicións. E festa verbena co grupo Assia; teredes ocasión de disfrutar de verdadeira música en directo cun dos grandes grupos da verbena asturiana. A calidade musical deste grupo, con escasas visitas á nosa zona, estamos seguros que vos vai a sorprender...
leer más
A parroquia de Ambosores, no municipio de Ourol, celebra as festas na honra a Santa Lucía os días 13 e 14 de decembro, sábado e domingo.
As actividades comezarán o sábado ás 13:00 horas con misa solemne e procesión. Despois haberá sesión vermú con dúo Caramelo e ás 15:00 horas empezará un xantar popular. Tamén está programado un baile de tarde noite cos dúos Caramelo e La Hora Bruja. E ás 23:00 horas repartirase chocolate con roscón gratis.
O domingo ás 13:00 horas celebrarase misa solemne e procesión. A continuación haberá sesión vermú prolongada con dúo Caramelo e ás 15:00 horas empezará un xantar popular.
As festas de Santa Bárbara, na parroquia de Vieiro (Viveiro), celebraranse o día 6 de decembro, sábado.
O Concello de Viveiro anuncia: “volve unha das celebracións máis queridas da nosa parroquia. O sábado 6 de decembro Vieiro encherase de música, tradición, boa comida e moito ambiente. Procesión, sesión vermú, xantar popular, baile de tarde e un fin de festa por todo o alto! Un día completo para gozar en comunidade, pensado para todas as idades e organizado coa ilusión de sempre pola Comunidade de Montes de Vieiro”.
A parroquia de Santa Cilla, no concello de Foz, celebrará as súas festas na honra á súa patroa esta fin de semana, o sábado 22 e o domingo 23 de novembro.
As actividades comezarán o sábado ás 13:00 horas con misa solemne e despois haberá procesión e sesión vermú coa orquestra Compostela. A partir das 15:00 horas celebrarase unha comida popular e desde as 18:30 horas haberá baile amenizado pola orquestra Compostela e DJ Cosme.
E o domingo ás 13:00 horas comezará unha sesión vermú a cargo do grupo Lume.
O recinto das festas estará cuberto con carpa e haberá calefacción.
A parroquia ribadense de Piñeira celebra as festas do Santo Cristo esta fin de semana, sábado 11 e domingo 12 de outubro.
As actividades comezarán o sábado ás 22:00 horas coa verbena, na que actuarán as orquestras Capitol e Compostela. E haberá espectáculo de fogos artificiais ás 00:00 horas.
E o domingo celebrarase misa solemne ás 13:00 horas cantada polo Coro Parroquial de Ribadeo; despois haberá procesión co cuarteto Illa Pancha e sesión vermú a cargo de Los Adrianos, con xamón cocido e empanadas de balde.
Os organizadores destacan: “dispoñerase de carpa, amplo aparcamento e colchonetas de balde para os máis pequenos”.