Festas
Cervo acollerá do 14 ao 16 de agosto as tradicionais festas na honra da Nosa Señora, Virxe do Carme e San Roque, que volverán converter o núcleo cervense “nun punto de encontro para veciños e visitantes cunha programación que combina actos relixiosos, música, gastronomía e actividades para todas as idades”, anuncia o Concello.
A presentación dos festexos contou coa participación da alcaldesa de Cervo, Dolores García Caramés; da concelleira Mali Méndez; e de representantes da Asociación Cultural Rego Cachón, entidade organizadora das festas do 15 e 16 de agosto.
A programación arrancará o venres 14 de agosto coa tradicional Festa do Ovo Frito, organizada por Airiños do Xunco e Cabaleiros da Bidueira, que contará coa animación da Charanga DGIT e da Discomóbil Conxuro.
O sábado 15 de agosto...
leer más
O Concello de Foz presenta o cartel e o programa das festas do San Lourenzo, que se celebrarán desde o día 7 ata o 11 de agosto.
“Chega agosto e con el o San Lourenzo a Foz. Un mes cheo de actividades, de cultura, deportes e actividades de ocio”, anuncia a concelleira de Cultura, Inés López Couto, que explica: “as actividades do San Lourenzo comezan o xoves 6, coa actuación do grupo Mar Aberto na praza Rosalía de Castro ás 21.00 horas; o venres 7 teremos o pregón que este ano será a cargo de José Manuel Romero Moreno (Conde de Fontao e veciño de Foz). O pregón será na Praza Rosalía de Castro (Campo da Cabana) ás 20.30 horas. A continuación terá lugar un concerto do grupo Pantera Rosa. O sábado 8 haberá sesión vermú a partir das 14.00 horas na explanada do peirao co grupo Eric Hidalgo Prime; e a partir das 23.00 horas será este mesmo grupo...
leer más
O Concello de Xove anuncia que a parroquia de Sumoas celebrará os vindeiros 31 de xullo, 1 e 2 de agosto as súas tradicionais festas na honra a San Antonio, “cun amplo programa de actividades relixiosas, gastronómicas e musicais pensado para reunir á veciñanza e aos numerosos visitantes que cada ano se achegan a esta cita festiva”.
As celebracións darán comezo este venres, día 31 de xullo, cunha “gran churrascada popular a partir das 20.30 horas no campo da festa, situado nas inmediacións da igrexa de Sumoas. A continuación celebrarase a verbena, amenizada polo dúo Belinda e o grupo Los Adrianos. O sábado 1 de agosto será a xornada central das festas. Ás 13.00 horas terá lugar a misa solemne e a tradicional procesión na honra ao santo patrón. Ao remate dos actos relixiosos celebrarase a sesión vermú co grupo Folixa, que tamén será o...
leer más
A parroquia de Galdo, no municipio de Viveiro, celebrará as festas de San Pantaleón e Santa María os días 27 e 28 de xullo, luns e martes.
A comisión organizadora dos festexos anuncia: “este ano, a través de Cultura da Deputación, acolléndonos ao programa Tradigalu, contamos coa axuda para poder traer ao grupo folk Fol do Raxal. Para poder chegar a este cartel das festas, as máis sinceras grazas para: familia Carneiro (donos do campo da festa); Alberto Frascuelo (dono dos campos anexos ao da festa); veciñas e veciños da parroquia de Galdo, que seguides sendo unha gran maioría as/os que continuades apoiándonos para poder chegar á vosa festa; amigos e coñecidos de fóra da parroquia; montes comunais de Galdo; institucións. Cada un de vós, na vosa medida, para nós un ano máis seguides sendo a nosa forza e a grandísima axuda e colaboración para...
leer más
Mondoñedo celebra as festas na honra de Santiago Apóstolo no barrio dos Muíños os días 25 e 26 de xullo, sábado e domingo desta semana.
As actividades comezarán o sábado ás 12:45 horas con misa e procesión co grupo de música tradicional Os Carricantos, de Mondoñedo. Desde as 14:00 horas haberá sesión vermú amenizada polo dúo Epo-K, que tamén actuará na verbena xunto ao grupo Pop Rock & Café con Leche.
E o domingo ás 14:00 horas comezará unha sesión vermú co dúo Principal.
Estes festexos están organizados pola asociación Barrio dos Muíños.
Celeiro, no municipio de Viveiro, celebra as Festas Patronais e do Mar desde este xoves, 23 de xullo, ata o domingo 26. Están organizado pola asociación Xuventudes Chilindrinas.
O Concello de Viveiro anuncia que “a parroquia de Celeiro celebra as súas Festas Patronais e do Mar, cun amplo programa para todas as idades: verbenas, pasarrúas, actos relixiosos, sesións vermú, fútbol, fogos artificiais e moita música. Unha cita imprescindible para veciños, veciñas e visitantes, na que tradición, cultura e diversión van da man”.
O Concello de Cervo anuncia que a parroquia de Sargadelos “volverá converterse nun punto de encontro para veciños e visitantes coa celebración das festas na honra a Santiago Apóstolo, que se desenvolverán do 24 ao 26 de xullo, cun amplo programa no que se mesturan tradición relixiosa, gastronomía, música e deporte”.
A programación arrancará o venres 24 de xullo, ás 20:00 horas, cunha espetada moura, seguida do Xunco Fest, dando comezo a unha fin de semana de celebracións.
O sábado 25 de xullo, día grande das festas, celebrarase ás 13:00 horas a misa solemne e procesión na honra a Santiago Apóstolo, acompañadas polo grupo Fol do Raxal. A continuación terá lugar a sesión vermú coa actuación de A Banda da Loba e a animación da Discomóbil Conxuro. Xa pola noite o protagonismo será para o concerto de Ruxe Ruxe, seguido...
leer más
Celeiro de Mariñaos, no municipio de Barreiros, celebrará as festas na honra a Santa Cristina os día 24 e 25 de xullo, venres e sábado.
As actividades comezarán o venres ás 13:00 horas cunha misa cantada pola Coral Polifónica de Burela. A continuación haberá procesión e sesión vermú co grupo Fénix, que tamén actuará na verbena xunto a Panamá Band
E o sábado celebrarase misa ás 13:00 horas, seguida de procesión e sesión vermú co dúo Eclipse, que tamén amenizará a verbena.
O Concello de Viveiro anuncia que a alcaldesa, Mariña Gueimunde, participou na presentación das Festas de San Roque 2026, que se celebrarán entre o venres 14 e o martes 18 de agosto. O acto serviu para dar a coñecer o cartel musical e as principais actividades previstas durante as cinco xornadas das que constarán os festexos.
A programación comezará o venres 14 de agosto coas actuacións da orquestra Suavecito, Alana e Lina e Lola. O sábado 15 subirán ao escenario o grupo Vivarium, Los Coleguitas e David Civera. As celebracións continuarán o domingo 16 de agosto coa orquestra Fuego e Niños Bravos. O luns 17 terá lugar a sardiñada popular, mentres que o martes 18 estará dedicado ao público infantil coa celebración do Día da Cativada.
A parroquia de Xudán, no municipio de A Pontenova, celebra as festas na honra a Santa María Magadelena esta fin de semana, do 17 ao 19 de xullo.
As actividades comezarán este venres, día 17 de xullo, ás 22:00 horas cunha churrascada popular e verbena co dúo VeneGuay e DJ Bombardero.
O sábado ás 13:30 horas celebrarase misa solemne e a continuación haberá procesión e sesión vermú. Na festa verbena actuarán o dúo Tropical e DJ Bombardero
E para o domingo ás 14:00 horas está programada misa solemne e despois haberá procesión e sesión vermú co grupo tradicional A Rebolaxe.