Festas
O cartel das festas de San Roque, en Viveiro, foi presentado este luns e inclúe actividades do 14 ao 17 de agosto. Entre elas está un concerto do popular dúo formado polas irmáns Encarna e Toñi Salazar, actuación programada para o venres 15 de agosto.
A comisión Viveiro en Festas anuncia: “teremos o pracer de contar con De Ninghures, Azúcar Moreno e Dasoul na Praza Maior os días 14, 15 e 16 de agosto. Ademais nos Xardíns Noriega Varela contaremos co Dúo Vivarium, Suavecito, Súper Top e Escaparate. E, para rematar, a Sardiñada Popular nas Nogueiras”.
O Concello de Foz presentou a programación das festas do Carme, que se celebrarán na vila focega do 11 ao 17 de xullo.
A concelleira de Cultura, Inés López Couto, anuncia: “achéganse as datas máis emotivas no calendario do verán de Foz, as festas do Carme. A devoción á Virxe do Carme é un sentimento máis que palpable no pobo de Foz, que vivirá nos vindeiros días un non parar de actividades. A foto do cartaz da festa deste ano pertence ao arquivo do Concello e é do fondo de Antonio Ares”.
O venres 11 de xullo ás 21.00 horas na Praza do Concello segue o programa Sons na Rúa coa actuación da Coral Polifónica de Foz. O sábado 12 a partir das 19.00 horas no Paseo da Ribeira a Peña Ñasss e As Farangullas organizan a tradicional sardiñada. O domingo 13 é a quenda do festival Coa Nosa Fala, que emprazado no Campo da...
leer más
Riotorto celebrará as festas na honra a San Cristóbal esta fin de semana, o venres día 4 e o sábado 5 de xullo.
As actividades comezarán o venres a partir das 22:00 horas, cunha cea popular e deseguido verbena coa orquestra Gran Parada.
E o sábado celebrarase misa ás 12:30 horas, procesión e bendición de vehículos. A continuación haberá sesión vermú co grupo Fénix, que tamén actuará na verbena xunto ao solista José Manuel de Abanico.
A parroquia de San Xorxe, no concello de Lourenzá, celebrará as festas na honra a Santa Isabel esta semana, desde o venres 4 ata o domingo 6 de xullo.
As actividades comezarán o venres cunha verbena amenizada polo dúo Belinda e o grupo Fénix.
O sábado ás 13:30 horas haberá misa e procesión; despois sesión vermú a cargo do grupo Montreal, que tamén actuará na verbena xunto a Disco Móbil The Sound Proyect.
E o domingo ás 13:30 horas celebrarase misa e procesión. A continuación empezará unha sesión vermú larga a cargo do dúo Belinda e Disco Móbil The Sound Proyect.
A parroquia ribadense de Rinlo celebrará as festas na honra a San Pedro e á Virxe do Carme os días 4 e 5 de xullo, venres e sábado.
As actividades comezarán o venres ás 21:00 horas cunha churrascada que terá lugar nunha carpa cuberta. A continuación haberá festa verbena coa orquestra Salsarena.
E o sábado ás 13:00 horas celebrarase misa solemne e despois procesión. Ás 14:00 horas empezará a sesión vermú coa orquestra Salsarena e con degustación gratuíta de xamón cocido. Desde as 17:30 horas haberá actos para os nenos con festa da espuma, inchables e outras actividades. E a partir das 22:00 horas a verbena estará amenizada pola orquestra Salsarena e o dúo La Hora Bruja.
A parroquia ribadense de Arante celebra as festas na honra a San Pedro esta fin de semana, venres 27 e sábado 28 de xuño.
As actividades comezarán o venres con churrascada gratis e verbena amenizada polo grupo América SL.
E o sábado ás 13:00 horas celebrarase misa solemne, seguida de sesión vermú con Miguel La Clave, que tamén actuará na festa e verbena.
A parroquia mindoniense de Argomoso celebrará as festas do seu patrón, San Pedro, esta fin de semana, o sábado 28 e o domingo 29 de xuño.
As actividades comezarán o sábado ás 13:00 horas con misa solemne e procesión. Tamén haberá sesión vermú e verbena coa orquestra Tokio e o dúo Stylo.
E o domingo celebrarase misa ás 13:30 horas; e despois haberá procesión e sesión vermú co grupo Lume.
Viveiro celebrará as festas na honra a San Pedro os días 27 e 28 de xuño, venres e sábado desta semana.
As actividades comezarán o venres ás 20:30 horas cunha churrascada e despois haberá verbena co grupo Fénix e o dúo Dilema.
E o sábado ás 13:00 horas celebrarase misa solemne e procesión. Despois haberá sesión vermú co grupo M3 e o dúo D'Caché Music. Ademais terá lugar un xantar popular e haberá lanchiñas e inchables gratis. Despois da comida o baile estará amenizado polo dúo D'Caché Music. E pola noite na verbena actuarán os grupos M3 Show e Arizona.
Saldoira, no concello da Pontenova, celebra as festas na honra a San Pedro da Ribeira esta fin de semana, venres 27 e sábado 28 de xuño.
As actividades comezarán o venres ás 22:00 horas cunha churrascada, na que para participar hai que reservar e o prazo remata este mércores, 25 de xuño. A continuación haberá festa e verbena co grupo Montreal.
E o sábado celebrarase misa solemne ás 14:00 horas, seguida de procesión e sesión vermú co dúo Colimbo. Haberá merendas no campo da festa, que estará acondicionado con merendeiros. E pola noite a festa e verbena estará amenizada polo grupo La Rosa e o dúo Colimbo.
O lugar da Senra, no concello de Cervo, celebrará as súas festas na honra á Virxe do Carme e San Pedro este sábado, día 28 de xuño.
A cita foi presentada pola rexedora municipal, Dolores García Caramés; polo edil de Zona Rural, Adrián Arias; e por membros da Asociación Cultural e Recreativa O Raxal, como entidade organizadora.
A programación para o sábado 28 de xuño será a seguinte: haberá misa na honra de San Pedro e a Virxe do Carme ás 13:00 horas, cantada polo Coro Parroquial de Cervo, seguida de procesión con Fol do Raxal. A continuación o grupo Mar de Arousa amenizará a sesión vermú. Á noite haberá verbena co grupo Mar de Arousa e a Disco Móbil Conxuro a partir das 22:30 horas.
O Concello de Cervo anima a veciños e visitantes a participar activamente nesta festa, que “ademais marca o...
leer más