Certame
O Concello de Barreiros convoca o Certame de Narración e Debuxo Letras Galegas 2026, ao que se poden presentar traballos ata o día 15 de maio, venres.
“O 17 de maio celebraremos un día moi importante para as nosas letras e a nosa lingua, que é unha das riquezas máis importantes que posuímos, homenaxeando a Begoña Caamaño, unha muller que coa súa escrita e o seu compromiso feminista deunos unha nova forma de ollar a cultura. Begoña ensinounos que ler é tamén unha forma de entender quen somos e de imaxinar un mundo máis libre e xusto. Baixo o lema Medrar lendo a Biblioteca Municipal de Barreiros abre o certame local para que as nenas e nenos do concello sexan os protagonistas. Queremos que nos contedes, con palabras ou debuxos, eses momentos especiais nos que un libro foi o voso compañeiro de viaxe e vos axudou a imaxinar novos...
leer más
O Concello de Cervo anuncia que o día 23 de abril “celebramos a maxia das historias, da imaxinación e das palabras que nos fan viaxar sen movernos do sitio. Dende o Concello de Cervo animámosvos a participar no noso Certame do Día do Libro, unha oportunidade perfecta para deixar voar a creatividade”. Os traballos poden presentarse ata o día 30 de abril.
Hai 3 categorías: infantil (de 3 a 6 anos): facer un marcapáxinas orixinal; primaria (de 7 a 11 anos), facer un relato continuando a historia; e adultos (de 12 ou máis anos): relato dunha anécdota familiar ou seguir unha historia. Os traballos poden enviarse por correo electrónico, á dirección prensa@concellodecervo.com ou por WhatsApp ao número 683.315.939.
O Concello de Foz vén de publicar as bases para inscribirse no V Certame de Teatro Afeccionado José Luis López Lorenzo O Poto, que se celebrará en xuño.
As inscricións poderán facerse a través da sede electrónica municipal, onde existe un trámite específico para a mesma. As bases poderán consultarse no departamento de Cultura ou na sede electrónica do concello. O prazo para anotarse remata o día 11 de abril.
A concelleira de Cultura, Inés López Couto, explica que o certame de teatro afeccionado “é unha cita xa consolidada en Foz, onde se xuntan actrices e actores afeccionados e un público amante do teatro. As datas do certame son no vindeiro mes de xuño: os días 5, 6, 7, 12, 13 e 14, na Casa da Cultura”.
Inés López engade: “agardamos que coma nos últimos anos as compañías se animen a...
leer más
O Concello de Cervo convoca a décimo segunda edición do Certame de Amor na Rede. O tema xenérico é Amor sen filtros.
Hai tres formatos para participar: carta (máximo un DIN-A4), foto e vídeo (máximo 1 minuto); e dúas categorías: maiores de 18 anos e menores desa idade.
O prazo de presentación está aberto ata o domingo 22 de febreiro e os traballos poden enviarse a través do correo electrónico prensa@concellodecervo.com ou do WhatsApp 683.31.59.39.
Os traballos publicaranse o luns 23 de febreiro no Facebook do Concello. As publicacións con máis gústame ata as 22:00 horas dese día serán as gañadoras en cada categoría e formato. Ademais haberá un premio ao traballo máis orixinal (maiores e menores de 18).
... leer más
O Concello de Lourenzá dá a coñecer os nominados e nominadas aos premios do VII Certame de Teatro Afeccionado, que se entregarán nunha gala o sábado 13 de decembro.
O xurado do VII Certame de Teatro Concello de Lourenzá decidiu que os nominados e nominadas nas diferentes categorías son os seguintes:
Para o premio Conde Santo á mellor representación: Campanas de Bastabales, de Imaxina-T, de Narón; A Xuntanza, de El Ruiseñor, de Culleredo; e O caso do cadáver asasinado, de Teatro do Asteleiro, de Ferrol.
Para o premio Lourenzo ao mellor actor: Rubén Pena, de The-sastre Teatro, de Barbadás; Ramón A. Ares, de Ollomao, de Barreiros; e Fernando Moares, de El Ruiseñor, de Culleredo.
Para o premio Ana á mellor actriz: Patricia Pérez, de Ollomao...
leer más
O Concello de Lourenzá deu a coñecer as oito obras seleccionadas para participar no VII Certame de Teatro Concello de Lourenzá, que comezará este domingo, día 2 de novembro.
As obras e compañías son as seguintes: Sen frores nin coroas, da Asociación 57 Palabras, de Viveiro; Sursum Corda, de O Catre Teatro, de As Pontes; Deus non quere calderilla, de The-sastre Teatro, de Barbadás (Ourense); Dona Clara, de Ollomao, de Barreiros; Campanas de Bastabales, de Imaxina-T Asociación Cultural Celeuma, de Narón; Os vellos deberían namorarse e non morrer, de Teatro Coles, de Coles (Ourense); A xuntanza, da Compañía de Teatro El Ruiseñor, de Culleredo; e O caso do cadáver asasinado, de Teatro do Asteleiro da ACRD Grupo Bazán, de Ferrol.
O...
leer más
A Concellería de Cultura de Lourenzá convoca a sétima edición do Certame de Teatro Concello de Lourenzá, no que poderán participar unicamente compañías ou grupos de teatro afeccionado que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas variantes dialectais.
O concelleiro de Cultura, Manuel Arango, explica que “os grupos interesados en participar deberán inscribirse nas oficinas municipais do Concello de Lourenzá ou por correo, enviando a seguinte documentación: ficha de inscrición, que aparece na páxina web do Concello, fotocopia do CIF da compañía ou grupo, ficha artística e técnica e DVD, pendrive ou tarxeta coa gravación dunha representación da obra presentada a concurso. O prazo de presentación das solicitudes comezará ao día seguinte...
leer más
A cuarta edición do Certame de Teatro Afeccionado do Concello de Foz, que leva o nome de José Luis López Lorenzo (O Poto), dará comezo este venres, día 6 de xuño, ás 20.30 horas na Casa da Cultura Poeta Manuel María. “Foi difícil seleccionar as seis obras participantes xa que cada ano se inscriben máis e de maior calidade”, explica a concelleira de Cultura, Inés López Couto.
As seis elixidas, que se poderán ver desde este venres en Foz, son: venres 6 ás 20.30 horas, Sen frores nin coroas, da Asociación 57 palabras, de Viveiro;. sábado 7 ás 18.30 horas, Segredos de familia e licor café, de Martabelas Compañía de Teatro (Teo); domingo 8 ás 18.30 horas, Cartas da muller ausente, de Ditirambo Teatro, da Coruña; venres 13 ás 20.30 horas, Pareja abierta, da Asociación Nimú de Lui (Teruel); sábado 14 ás 18.30...
leer más
Con motivo da celebración do Día do Libro, o Concello de Cervo convoca un certame de creatividade dirixido ás crianzas e tamén ás persoas adultas. Os traballos poden presentarse ata o día 30 de abril.
“As crianzas de 3 a 6 anos poden facer o seu marcapáxinas orixinal; as crianzas de 7 a 11 anos deben continuar o relato que se inclúe no cartaz; e as persoas de 12 anos en diante poden escoller entre contar unha anécdota familiar ou seguir a historia que aparece no cartel. Animádevos! Tedes ata o 30 de abril para presentar os vosos traballos a través do correo prensa@concellodecervo.com ou por whatsapp ao 683.315.939”, anuncia o Concello de Cervo.
O Concello de Foz vén de publicar as bases para inscribirse no IV Certame de Teatro Afeccionado José Luis López Lorenzo O Poto. As inscricións poderán facerse a través da sede electrónica municipal, onde existe un trámite específico para a mesma. As bases poderán consultarse no departamento de Cultura ou no taboleiro de anuncios da sede electrónica. O prazo para anotarse remata o día 5 de maio.
A concelleira de Cultura, Inés López Couto, explica que o certame de teatro afeccionado “é unha cita xa consolidada en Foz, onde se xuntan actrices e actores afeccionados e un público amante do teatro. As datas do certame son no vindeiro mes de xuño: os días 6,7 e 8 e 13, 14 e 15, na Casa da Cultura”.
Inés López engade: “agardamos que coma nos últimos anos as compañías se animen a participar e facernos desfrutar ao...
leer más