O Concello de Cervo convoca a décimo segunda edición do Certame de Amor na Rede. O tema xenérico é Amor sen filtros.
Hai tres formatos para participar: carta (máximo un DIN-A4), foto e vídeo (máximo 1 minuto); e dúas categorías: maiores de 18 anos e menores desa idade.
O prazo de presentación está aberto ata o domingo 22 de febreiro e os traballos poden enviarse a través do correo electrónico prensa@concellodecervo.com ou do WhatsApp 683.31.59.39.
Os traballos publicaranse o luns 23 de febreiro no Facebook do Concello. As publicacións con máis gústame ata as 22:00 horas dese día serán as gañadoras en cada categoría e formato. Ademais haberá un premio ao traballo máis orixinal (maiores e menores de 18).
Os premios son: para menores de 18, un vale de 40 euros para gastar en establecementos do municipio; e para os maiores de 18, unha cea para dúas persoas en establecemento hostaleiro do termo municipal. Os/as gañadores/as daranse a coñecer o martes 24 de febreiro nas redes sociais do Concello.