Fútbol Sala Base

A Fundación Impulso ao Deporte, Cultura e Turismo da Mariña (Imdecum) anuncia que o torneo de fútbol sala base XIII Memorial Rodrigo Maseda Lozano será desde o 25 ata o 29 de xuño nos municipios de Viveiro, Xove, Cervo, Foz e Burela.

“Xa está aquí a edición 2026 dun dos torneos de fútbol sala base máis destacados da península. Con máis equipos, máis xogadores e xogadoras e máis familias que nunca”, destaca a Fundación Imdecum, que engade: “nenas e nenos de todas as categorías poderán desfrutar da paixón polo futsal durante 5 días nos 5 concellos participantes da nosa comarca: Viveiro, Xove, Cervo, Foz e Burela”.