Torneo
Os días 7 e 8 de xuño, sábado e domingo, terá lugar o XX Torneo Benxamín e Prebenxamín de fútbol base que organiza a SD Ribadeo. O evento reunirá na vila a 600 nenos procedentes de Asturias, Castela-León, Galicia e Portugal. Os partidos xogaranse no estadio municipal Pepe Barrera, no Ceip Gregorio Sanz e no Campo da Vía.
Na presentación participaron o presidente da SD Ribadeo, Óscar Otero; o coordenador de Fútbol 8 da SD Ribadeo, Aitor García; a presidenta e o xerente de Acisa, Carmen Cruzado e Jesús Pérez; o alcalde ribadense, Dani Vega; o xefe do Servizo Provincial de Deportes da Xunta en Lugo, Manuel Otero; o concelleiro de Deportes, Francisco José Silvent; e o técnico municipal de Deportes, Iván López.
Desde a organización explican: “teremos en Ribadeo esta fin de semana a 600 nenos para disputar este torneo....
leer más
A trixésima edición do torneo Concello de Xove de ximnasia rítmica celebrarase este domingo, día 1 de xuño.
Será no Pavillón municipal de Xove nestes horarios: de 10:30 a 13:40 e de 16:30 a 18:50 horas.
Os días 24 e 25 de maio, sábado e domingo, terá lugar o XIX Torneo Internacional de Fútbol de Veteranos Vila de Ribadeo, que organiza a Asociación de Veteranos do Ribadeo FC. O evento foi presentado este xoves. 66 equipos participarán na categoría de +35 e 16 na de +45. Os clubs que se desprazarán ata Ribadeo proceden de México, Arxentina, Portugal, Irlanda, Francia, Bangladesh, Italia, República Checa e España (9 comunidades autónomas).
Os organizadores estiman que entre todos os equipos desprazarán a Ribadeo a máis de 2.500 persoas, das que arredor de 1.650 son xogadores e o resto acompañantes: “a maioría dos equipos estarán en Ribadeo desde mañá ata o vindeiro luns, pero xa contamos con algún equipo na vila desde o martes, que aproveitan para coñecer os campos de fútbol nos que van xogar e para facer turismo pola zona”.
... leer más
O Torneo Provincial Xogade 2025 de xadrez celebrarase este sábado, día 10 de maio, a partir das dez da mañá, no Espazo Xove de Viveiro. Organizado polo Club de Xadrez San Roque, de Viveiro, en colaboración co Concello e co Espazo Xove, contará coa participación de 16 equipos. A competición levarase a cabo en catro roldas, nas que un total de 64 rapaces e rapazas xogarán de xeito simultáneo.
A alcaldesa de Viveiro, Mariña Gueimunde, sinalou que “para o Concello de Viveiro sempre é unha honra recibir a deportistas. Neste campionato provincial achegarémonos a unha modalidade que promove a convivencia e a estratexia, dous valores imprescindibles da nosa mocidade”.
Riotorto acollerá un torneo de pádel que se disputará desde o día 9 ata o 11 de maio. O campionato, para categorías feminina e masculina, denomínase Pádel in Río.
A organización anuncia que haberá baño, vestiarios, bar e música.
Para participar hai que inscribirse previamente a través do teléfono 659.97.80.52 (Josiño). O prazo finaliza o día 4 de maio.
Ribadeo acollerá este domingo, día 30 de marzo, o XXVII Torneo de Ximnasia Rítmica, que organiza o club local Escola Porta Norte e o Concello. O evento reunirá a preto de 700 ximnastas.
O concelleiro de Deportes, Francisco José Silvent, contou que “a competición arrincará na primeira quenda a partir das 10:30 da mañá, na que competirán as ximnastas do nivel Interescolar. A partir das 12:30 a competición reanudarase coas ximnastas dos niveis Promoción e Pre-base. O torneo cerrarase coa competición Escolar na xornada de tarde, que dará comezo ás 16:30 horas”.
O edil ribadense dixo que “o torneo reunirá a unha gran maioría de clubs e escolas lucenses, aínda que tamén contará coa participación de clubs do resto de Galicia. A xornada pecharase sobre as 18:30 da tarde, coa participación de ximnastas nacionais de toda a...
leer más
O pub Ribanzo acollerá o vindeiro 22 de marzo o II Torneo de Mus da Mariña Vila de Ribadeo, que reunirá a 40 parellas desde as 10 da mañá.
O evento foi presentado no Concello con asistencia do alcalde, Dani Vega, o delegado da Asociación Española de Mus en Lugo, Atxa, e Jesús Santos, gran apoio neste torneo de Ribadeo, tal e como explican desde a organización.
Xa hai 39 parellas inscritas das 40 posibles participantes. O prazo segue aberto ata o xoves, día 20. O sistema será Torneos A, B e C preclasificatorio e eliminatorias. A primeira rolda dará comezo ás 10 da mañá e a quinta está prevista para as 16:30 horas.
Os premios para os gañadores do Torneo A consistirán en invitación para o Máster Nacional 2025, que se celebrará en novembro en Marbella/Estepona (con hotel e media pensión) e 3...
leer más
Este sábado, día 15 de marzo, Burela converterase na sede da I Fase Norte do VII Torneo Interescolas, unha competición que reunirá preto de 700 ximnastas procedentes das provincias de Lugo e A Coruña e da comunidade asturiana.
Nesta primeira etapa as participantes competirán co obxectivo de acadar as mellores puntuacións de cara á II Fase, que se celebrará o 17 de maio en Negreira. E os equipos mellor cualificados en ambas fases obterán a clasificación para a final, que terá lugar en Ourense o 28 de xuño.
O evento está organizado pola Escola Porta Norte, club local que competirá cun total de 50 ximnastas na modalidade de conxuntos, e conta coa colaboración do Concello de Burela.
A xornada de competición iniciarase pola mañá ás 9:30 horas e continuará pola tarde a partir das 16:30 horas,...
leer más
O concelleiro de Deportes, Francisco José Silvent, explicou que “van participar 70 xogadores procedentes de varios puntos de España. O torneo vaise disputar nas modalidades de individual, dobres e dobres mixtos. Dará comezo ás 9:30 horas e rematará cara as oito da tarde coa entrega de trofeos”.
Silvent subliñou que “é un Máster puntuable para o circuíto nacional de bádminton”.
O edil ribadense dixo que “Ribadeo aumenta as súas modalidades deportivas locais. Consideramos que para os amantes do bádminton é un aliciente poder presenciar un evento destas características na nosa vila, xa que estamos a falar dun Máster a nivel nacional”.
Colaboran co Club de Bádminton da Mariña o Concello de Ribadeo, a Xunta de Galicia e a Deputación de Lugo.
A segunda edición do Torneo de Reis de Baloncesto Infantil Concello de Burela disputarase os días 3 e 4 de xaneiro, este venres e sábado.
O Concello de Burela anuncia: “non perdas esta cita imprescindible para desfrutar do baloncesto infantil en categorías masculina e feminina. Non faltes! Comeza o ano con deporte, emoción e moita enerxía!”.