Torneo
Ribadeo acollerá o vindeiro domingo, 6 de marzo, un torneo de hockey liña no que se darán cita varios equipos asturianos nas categorías de benxamín, infantil e senior. O evento foi presentado esta mañá no salón de plenos do Concello. Está organizado polo Club de Hockey Illa Pancha de Ribadeo, que compite cos benxamíns, e conta coa colaboración do Concello ribadense.
O concelleiro de Deportes, Jorge Díaz, manifestou que “no Concello de Ribadeo estamos encantados debido a que fai uns meses se fixo unha inversión moi importante nesa pista, que tiñan toda a súa razón e nos viñan demandando para facilitar a práctica deste deporte minoritario. Estamos moi contentos de que se faga esta xornada e as próximas que van vir dentro dunhas semanas. Este é un inicio da tempada de hockey liña patíns en Ribadeo”.
O alcalde,...
leer más
O Concello de Ribadeo colabora co I Torneo de Rugby 7 Inclusivo que se celebra mañá, sábado, no Campo de Outeiro na parroquia da Devesa. No evento participan 7 clubs mixtos galegos e asturianos.
O edil de Deportes, Jorge Díaz, explicou que “arredor de 80 xogadores e xogadoras de rugby inclusivo mixto daranse cita mañá a partir das tres da tarde no Campo de Outeiro (A Devesa, Ribadeo) para disputar o I Torneo de Rugby 7 Inclusivo”.
O concelleiro ribadense subliñou que “o Concello de Ribadeo, no seu afán de promover iniciativas que se adapten a todos os públicos, colabora co club BeOne Ribadeo Rugby poñendo a disposición as instalacións, carpas e outros material precisos para o bo desenvolvemento do torneo. O mesmo tempo o club BeOne Ribadeo Rugby colabora na difusión do Rugby en Ribadeo participando nas escolas...
leer más
Foz, Burela, Cervo e Viveiro acollerán esta fin de semana o Torneo Lugo é Basket Formación, organizado pola ASXC Sagrado Corazón coa colaboración da Vicpresidencia da Deputación de Lugo
Dezaseis equipos das categorías infantil e cadete de toda Galiza -entre eles conxuntos do CB Burela e os lucenses ASXC Sagrado Corazón e Maristas - disputarán o torneo, que se presentou esta tarde no pavillón Torques de Marzán de Foz, nun acto no que estiveron prsentes deputado de Deportes, Efrén Castro, o tenente de alcalde de Foz, Xavier Fanego, e o responsable da ASXC Sagrado Corazón, Rubén Engroba, así como os concelleiros de Deportes de Cervo, David Rodríguez, e Burela, Ramiro Fernández.
O torneo ofrece a xogadoras e xogadores das categorías de formación unha oportunidade para mellorar as súas cualidades e prepara a vindeira...
leer más
Trinta e seis equipos de 8 comunidades autónomas españolas e outros procedentes de Portugal se darán cita en Ribadeo os días 11 e 12 de setembro para disputar o XV Torneo Internacional de Veteranos. O evento está organizado pola Asociación de Veteranos do Ribadeo FC e conta coa colaboración do Concello e de Acisa. Os partidos vanse disputar en campos de Ribadeo, Lourenzá e Barreiros, en Galicia; e en Navia, Coaña e La Caridad, en Asturias. O Torneo presentouse este mediodía no salón de plenos.
O alcalde, Fernando Suárez, dixo que “desde o Concello quero expresar a ilusión que nos produce volver a ter un torneo de veteranos, de maiores de 35, que neste ano é a 15ª edición dado que, desgraciadamente, o anterior por mor da pandemia houbo que suspendelo, non se puido facer. E agora, no 2021, xa saíndo desta terrible situación na que estivemos...
leer más
O primeiro torneo de baloncesto Celtas Praias de Foz disputarase o vindeiro 7 de setembro, martes, no Pavillón Torques de Marzán ás 20 horas entre o Club Baloncesto Breogán e o Oviedo Club Baloncesto.
A creación deste torneo parte da Concellería de Xuventude e Deportes, que dirixe Gema Méndez, quen destacou na presentación deste evento deportivo “a importancia deste deporte en Foz e a importante labor social e deportiva desenvolvida durante varias décadas polo Club Celtas Foz, que neste ano e medio de pandemia pasouno moi mal, tendo que interromper a súa actividade. Por iso queremos que o baloncesto volva con forza a Foz, e non podía ser de mellor forma que con dous grandes clubs coma o Breogán e o Oviedo, que casualmente teñen como directores deportivos a dúas persoas que formaron parte do Celtas, como son Tito Díaz e Héctor Galán, que...
leer más
Do 23 ao 27 de agosto celebrarase a oitava edición do Torneo de Pádel San Bartolo, de Xove, que foi presentado cun acto no que estiveron o alcalde, Demetrio Salgueiro; a concelleira de Deportes, Cristina Iglesias; e María Gómez Sanmartín, representante da empresa IG10, que xestiona o evento.
O torneo terá as seguintes categorías: Open masculina, Open feminina e Open mixta. Repartiranse 1500 euros de material deportivo en premios.
A inscrición pódese facer na Oficina Municipal de Información Xuvenil do Concello de Xove ou ben nas instalación de IG10 en Burela. O sorteo será o día 20 ás 14:00 na pista de pádel.
Do 14 ao 22 de agosto terá lugar o XXIII Torneo de Tenis Vila de Foz.
Presentaron esta nova edición: Ramón Cajoto e Xosé Veiga, do Foz Club de Tenis, e a concelleira de Xuventude e Deportes, Gema Méndez.
Xa quedan poucas prazas por cubrir no cadro, posto que este torneo é xa un clásico do verán mariñano. Haberá participantes da casa, da comarca e tamén visitantes, que auguran uns partidos moi atractivos.
Para inscribirse chamar ao 619 60 44 95
O estadio municipal de A Veiga, de San Ciprián, acollerá este xoves, día 12 de agosto, a cuarta edición do torneo Maruxaina de fútbol. Será un triangular, que disputarán o CD Castro, o CD Foz e o Viveiro CF.
Empezará ás 18:30 horas co enfrontamento entre o Viveiro e o Foz. Ás 19:30 xogarán o Castro e o Viveiro. E o terceiro partido será ás 20:30 horas entre o Foz e o Castro.
Este evento deportivo está organizado polo CD San Ciprián coa colaboración do Concello de Cervo.
O CD Lugo e o Coruxo FC disputan o XXXII Trofeo Vila de Foz o 4 de agosto no estadio Martínez Otero.
O CD Lugo e o Coruxo FC disputarán a XXXII edición do torneo estival de fútbol Vila de Foz no estadio Martínez Otero o día 4 de agosto, mércores, ás 19:30 horas. Este evento deportivo, que está organizado polo CD Foz coa colaboración do Concello focense, foi presentado hoxe.
O presidente do Club Deportivo Foz, José María García Rivera, manifestou: “para min é unha honra presentar o XXXII Trofeo Vila de Foz porque o ano pasado non puidemos facelo pola pandemia, pero agora, grazas a Deus, imos ver se somos capaces de ver o próximo mércores ese interesantísimo partido entre o Club Deportivo Lugo e o Coruxo Club de Fútbol. Quero darlle as grazas ao presidente do Lugo, Tino Saqués, e ao Coruxo por estar aquí en Foz para disputar este torneo. Agradecer tamén os trofeos feitos por Cerámica Regal, que son marabillosos, moi bonitos e que falan...
leer más
O VII Torneo de Tenis Concello de Burela Memorial José Luis Yebra celebrarase do 19 de xullo ao 1 de agosto. O evento deportivo foi presentado hoxe na praza do Concello.
O concelleiro de Deportes, Ramiro Fernández Rey, contou que “hoxe vimos de presentar o sétimo Memorial José Luis Yebra, que serve para homenaxear a figura desta persoa, que era un gran amante do tenis e un dos impulsores do club deste deporte aquí, en Burela. Vaise celebrar entre o 19 de xullo e o 1 de agosto e hoxe abriuse o prazo para inscribirse no torneo”.
O edil burelés explicou que “desde o Concello seguimos apostando por este torneo e queremos agradecer o traballo do club de tenis para manter vivo este memorial. O Concello vai colaborar en todo o que poida para que se desenvolva da mellor maneira posible”.
...
leer más