Torneo
A Concellería de Deportes presenta o I Torneo de Fútbol Base Concello do Valadouro, que se disputará o día 14 de setembro, sábado, no Campo do Árbol, en Ferreira do Valadouro. Será de fútbol 8 para categorías alevín, prebenxamín e benxamín.
Este evento deportivo está organizado Concellería de Deportes do Concello do Valadouro e colaboran a Asociación Deportiva Río Ouro e a Área de Deportes da Vicepresidencia da Deputación de Lugo.
O Concello xovense presentou o tradicional Torneo Concello de Xove de Fútbol, que terá lugar o sábado 31 de agosto ás 18:15 no Campo Municipal de Fútbol de Xove. No acto de presentación estiveron presentes Demetrio Salgueiro, alcalde do Concello de Xove, Cristina Iglesias, concelleira de Deportes, e Antonio Meitín, presidente da Unión Deportiva Xove-Lago.
Este torneo enfrontará ao equipo local UD Xove-Lago contra a UD Folgueiro, nun partido que promete emoción e competitividade. A entrada ao evento será gratuíta para todos os asistentes.
Ademais, o domingo 1 de setembro ás 19:00, tamén no Campo Municipal de Xove, disputarase un partido entre a UD Somozas e o Viveiro FC. Para este encontro, a entrada será gratuíta para os socios, mentres que os non socios deberán abonar un prezo de 10 euros.
O Concello de Burela organiza o que será o seu I Torneo Social de parchís por parellas. Celebrarase o día 31 de agosto na praza do Concello a partir das 10:00.
A partir de mañá, venres 9 de agosto, as persoas interesadas poderanse inscribir na Casa do Concello en horario de 9:00 a 14:00, e oprazo rematará odía 14 de agosto.
Como máximo poderán participar un total de 16 parellas, que serán seleccionadas por orde de inscrición. As dúas parellas finalistas gañarán un trofeo doado pola asociación Saúde Mental A Mariña.
"O noso obxectivo principal é fomentar a convivencia e o entretemento entre veciñas e veciños, así como promocionar os xogos tradicionais como o parchís", sinala a concelleira de Igualdade e Servizos Sociais, Sandra Fernández.
Pola súa banda, a...
leer más
Cervo acollerá o vindeiro xoves, 8 de agosto, o VII Torneo Maruxaina, organizado polo Club Deportivo San Ciprián, coa colaboración do Concello de Cervo.
A cita deportiva enfrontará ao C.D. San Ciprián, á S.D. Candelaria e á S.D. Burela, que militarán en 2º (San Ciprián e CandelariaI) e 1º autonómica (Burela), respectivamente.
A competición comezará ás 19:00 horas, co enfrontamento entre o C.D. San Ciprián e a S.D Candelaria. Ás 20:00 horas será o choque entre a S.D. Candelaria e a S.D. Burela; e xa ás 21:00 horas está previsto o partido entre o club anfitrión e a S.D. Burela.
Tal e como apuntou a alcaldesa, trátase dun evento deportivo xa consolidado como complemento perfecto á Festa da Maruxaina que terá lugar a próximo sábado, “marcando o deporte o pistoletazo de saída, neste caso, á...
leer más
O X Torneo de Tenis Concello de Burela - Memorial Jose Luis Yebra terá lugar nas instalacións deportivas da Marosa entre este sábado, día 13 de xullo, e o 28 de xullo. A competición está organizada polo Concello e o Club de Tenis A Marosa en lembranza do socio do club falecido no ano 2015, que foi un dos grandes impulsores deste deporte na localidade.
"Ao celebrarse o X aniversario do Memorial Jose Luis Yebra, haberá unha homenaxe máis especial, se cabe, a Jose Luis", sinalan dende a organización do evento. Tamén se celebra o décimo aniversario da creación Club de Tenis-Pádel A Marosa, polo que se lle entregará un recordo da ocasión a todas as persoas participantes.
Esta nova edición do torneo foi presentada polos integrantes da directiva do club Arturo González, Fernando Rey e José María Pérez, así como pola...
leer más
O Pavillón da Veiga, en San Ciprián, será o escenario o próximo 27 de xullo, sábado, do V Torneo Concello de Cervo de tenis de mesa, organizado polo Club Deportivo San Ciprián en colaboración coa Administración local.
As persoas interesadas en participar poden inscribirse ata o 24 de xullo a través dos contactos 636.531 501, 650.056.872 ou cdsciprian@gmail.com.
A cita foi presentada pola alcaldesa, Dolores García Caramés; o concelleiro, Alfredo Fernández, e por representantes do Club Deportivo San Ciprián.
O Concello de Cervo felicita ao Club Deportivo San Ciprián e á súa sección de tenis de mesa especialmente neste caso, “por seguir a dinamizar durante o verán o noso concello, con actividades deportivas deste nivel, que en edicións pasadas...
leer más
Os equipos chegarán a Ribadeo procedentes de Portugal, Cantabria, Asturias, Castela-León e Galicia. Serán arredor de 1.000 xogadores e uns 3.000 acompañantes os que gocen do torneo e tamén dos potenciais turísticos deste concello.
O presidente da SD Ribadeo, Valentín Coto, subliñou que “é o torneo máis numeroso dos tres que organizamos neste mes de xuño. Son 60 equipos alevíns e 10 minis os que veñen xogar esta fin de semana a Ribadeo”.
O concelleiro de Deportes, Francisco José Silvent, referiuse á importancia da celebración destes eventos deportivos en Ribadeo: “son torneos que traen a milleiros de persoas á nosa vila durante as tres primeiras fins de semana de xuño, o que supón unha importante dinamización económica para Ribadeo”.
No acto de presentación participaron o presidente da...
leer más
O Pavillón da Veiga acollerá o VII Torneo de Voleibol “Concello de Cervo” mañá sábado 8 de xuño, organizado polo Concello de Cervo e o Club Deportivo San Ciprián.
A rexedora, Dolores García Caramés, presentou o evento, xunto co equipo e membros da directiva da sección de volei do Club Deportivo San Ciprián “unha actividade que porá tamén punto e final a un curso excepcional das Escolas Deportivas Municipais que tamén contaron con esta disciplina con máis de vinte nenos e nenas inscritas este curso”.
A rexedora aproveitou a ocasión para felicitar ao equipo humano que dirixe os adestramentos, tando do equipo sénior do CD San Ciprián como das EDM de Cervo, que “son parte importante do éxito que tivo esta disciplina”, e que souberon contaxiar a súa paixón por este deporte aos/ás máis novos/as; sen dúbida é unha gran...
leer más
Esta fin de semana, os días 8 e 9 de xuño, terá lugar o XIX Torneo de Fútbol Benxamín e Prebenxamín, que organiza a SD Ribadeo. Vai disputar no estadio municipal Pepe Barrera e tamén no campo do Ceip Gregorio Sanz.
Serán un total de 60 equipos de Cantabria, Asturias e Galicia os que se dean cita en Ribadeo estes días, que reunirán a uns 900 xogadores e arredor de 1.500 persoas acompañantes. O concelleiro de Deportes, Francisco José Silvent, subliñou a importancia da celebración destes eventos deportivos en Ribadeo: “son torneos que traen a moita xente á nosa vila, o que ocasiona unha importante dinamización económica en Ribadeo durante o mes de xuño”. E referiuse tamén “aos valores que lles inculcan aos pequenos futbolistas”.
No acto de presentación participaron o presidente da SD Ribadeo, Valentín Coto; o...
leer más
Este sábado, 23 de marzo, celebrarase a vixésimo sexta edición do Torneo Concello de Ribadeo de ximnasia rítmica, que organiza o club local Porta Norte.
Será no pavillón polideportivo municipal ribadense novo, situado na Avenida de Luarca. Na xornada de mañá, a partir das 09:15 horas, disputarase a Fase Norte Interescolar e pola tarde, desde as 16:00 horas, terán lugar as competicións de conxuntos niveis escolar, promoción e pre-base.