A Pontenova
A parroquia de Vilameá, no concello da Pontenova, celebrará a súa Festa das Flores este sábado, día 24 de maio.
As actividades empezarán ás 19:45 horas con misa e despois procesión. Ás 22:00 horas comezará unha cea veciñal e rematará a xornada festiva cunha verbena na que actuarán a cantante Verónica Cambón e DJ Bombardero.
Volven as rutas guiadas á Mariña no mes de maio. A mañá do vindeiro domingo, día 18, Guía tu Día organiza a ruta da Seimeira no concello da Pontenova.
"Unha interesante andaina de 9 quilómetros circular e de dificultade media ubicada na parroquia de Bogo, onde descubriremos as pintorescas aldeas de Vilarxurbín e Sanxés, varios miradoiros e a seimeira. Ademais das Fragas de Teixido e Sanxés, que son espectaculares" comenta a guía.
A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas.
Para máis información e reservas poden contactar no 654 99 68 57 ou a través do email guiatudia@gmail.com.
A asociación de veciños San Pedro da Ribeira de Saldoira (A Pontenova) anuncia a celebración del obradoiro de cociña titulado Sabores do pasado, praceres do presente, a cargo de Jacobo Fernández. Será este domingo, día 18 de maio, de 18:00 a 21:00 horas.
Esta actividade desenvolverase no centro social Blanca Muruais, que está na área recreativa de Saldoira, situada xunto á estrada Nacional 640.
Para máis información e inscricións as persoas interesadas poden contactar coa organización a través do teléfono 622.540.968.
Souto de Mogos, no municipio da Pontenova, celebrará a festa na honra de San Isidro Labrador este sábado, día 17 de maio.
As actividades comezarán cunha misa ás 13:30 horas e despois haberá sesión vermú co dúo Amistad. A continuación terá lugar unha comida e tamén haberá unha festa de tarde amenizada por A Chocolateira e o dúo Amistad.
Para participar na comida hai que comprar os tickets e o prazo remata este mércores, 14 de maio.
Saldoira, no concello da Pontenova, celebrará a súa primeira festa do ovo frito con chourizo este sábado, día 17 de maio, a partir das 22:00 horas.
Para participar na cea hai que reservar antes deste xoves, 15 de maio, a través dos teléfonos 619.67.96.67, 636.25.81.06 ou 610.75.99.19
Este evento está organizado pola comisión de festas San Pedro da Ribeira 2025, que tamén anuncia que haberá baile “ata que o corpo aguante!”.
A parroquia de Vilaboa, no concello da Pontenova, celebrará a festa comida para celebrar o Corpus este sábado, día 10 de maio.
As actividades comezarán con misa ás 13:00 horas. A partir das 15:30 horas terá lugar a comida, para a cal hai que recoller os tickets previamente e o prazo remata este mércores, 7 de maio.
A música correrá a cargo da cantante Verónica Cambón na sesión vermú e pola tarde.
A asociación Os Sendeiros, de Foz, fará unha ruta na Pontenova este sábado, día 10 de maio, e outra en Pico Pienzu (Asturias) o domingo 18 deste mes.
Para a ruta da Pontenova a saída desde Foz será ás 08:00 horas e ás 08:15 horas desde Ferreira do Valadouro. Os prezos desta actividade, incluído o xantar, son: 25 euros para socios federados, 30 euros para socios non federados e 35 euros para socios temporais. O prazo para anotarse remata este martes, 6 de maio.
Para a ruta de Asturias a saída desde Foz será ás 06:00 horas e ás 06:15 horas desde Ferreira do Valadouro. Os prezos desta actividade, incluído o xantar, son: 45 euros para socios federados, 50 euros para socios non federados e 55 euros para socios temporais. O prazo para anotarse remata o 12 de maio.
A inscrición nestas dúas...
leer más
Este sábado, día 10 de maio, celébrase na Pontenova a XVI Concentración de Sendeirismo. Está organizada polo Concello e o Centro de Iniciativas Turísticas e o percorrido será desde Coto de Frades ata a Praza dos Fornos, que son 15,5 quilómetros con dificultade media baixa e “é recomendable utilizar calzado cómodo e que teña un bo agarre, así como bastóns de trekking”.
O programa é o seguinte: ás 09:00 horas, concentración dos participantes na Praza dos Fornos: ás 09:30 horas, saída dos sendeiristas cara ó comezo da ruta; ás 15:00 horas, remate da andaina e xantar a base de bolos de liscos, bolos preñados, postre e bebidas; ás 16:00 horas sorteo entre os participantes de varios agasallos, que son prendas de trekking, ceas para 2 persoas, estancias de 1 noite para 2 persoas, vale regalo para visitar Mina Consuelo e lanzarte pola...
leer más
A parroquia de Xudán, no concello da Pontenova, celebrará a festa Hijas de María este sábado, día 3 de maio.
As actividades comezarán ás 13:00 con misa solemne e despois procesión, sesión vermú e comida. Actuará Tania Cabarcos, do grupo Fénix, e tamén haberá xogos e exhibición de zumba.
O mércores 30 de abril e o xoves 1 de maio desenvolveranse as actividades da XLV Festa da Troita da Pontenova, declarada de interese deportivo nacional, mellor evento deportivo de España 2022 e festa de interese turístico. Inclúe o XI Concurso de Salmón, o XVII Concurso Internacional de Mosca e o XLV Concurso Popular.
O mércores ás 09:00 horas haberá unha exhibición do escultor con motoserra Eugenio Linares; desde as 10:00, venta e exposición de novos materiais de pesca na Casa da Cultura; ás 19:00 horas, inauguración das novas pedras no Paseo do Pescador e seguidamente visita ó Museo da Pesca; ás 21:00, recoñecementos do CIT e imposición das Troitas de Ouro; ás 21:30 horas, pregón a cargo de Miguel Ángel Revilla; e ó remate apertura da caseta e degustación de troitas de Ribeira de Piquín. Tamén haberá verbena amenizada polas orquestras...
leer más