A Pontenova
A Cabalgata de Reis da Pontenova será o día 5 de xaneiro, luns, e sairá desde a praza dos Fornos ás 17:30 horas. Despois de facer un percorrido pola localidade está previsto que chegue ás 19:00 horas ao salón de actos da Casa da Cultura.
Está organizada polo Centro de Iniciativas Turísticas (CIT) coa colaboración do Concello da Pontenova.
Este sábado, día 27 de decembro, ás 17:30 horas dentro do programa Circuíto de Teatro Profesional, da Vicepresidencia da Deputación de Lugo, e a través da asociación Eco das Minas (A Chocolateira), da Pontenova (A Chocolateira) chega á Casa da Cultura este espectáculo -de teatro, música e danza- para toda a familia.
“Bailaremos, cantaremos e sobre todo divertirémonos moito da man de María Balteira, a bailadora primeira”, anuncia a asociación Eco das Minas.
María Balteira, a bailadora primeira é un espectáculo de teatro, música e danza con esta sinopse: “Montse Rivera e Xabier Iglesias achegan o baile tradicional ás crianzas e ás súas familias cunha obra de teatro, música e danza ambientada no Medievo. O Rei Sabio vive no Bosque das Artes, onde cultiva a música, a poesía e o teatro, pero algo non...
leer más
O grupo Rebuldeira Teatro, de Sarria, presentará na Casa da Cultura da Pontenova a obra titulada @s vell@s non deben namorarse. Será este sábado, día 20 de decembro, ás 17:30 horas.
É unha actividade organizada pola asociación Lume Escénico, coa colaboración da Área de Cultura da Vicepresidencia da Deputación de Lugo.
A Escola Municipal de Música de A Pontenova ofrecerá un concerto de Nadal este venres, día 19 de decembro. Será no auditorio da Casa da Cultura ás 20:00 horas.
Está organizado polo Concello de A Pontenova, que anuncia: “A Escola Municipal de Música de A Pontenova convídavos a desfrutar do seu tradicional Concerto de Nadal, unha cita chea de música, ilusión e ambiente festivo. Ven compartir connosco esta velada especial e dámoslle a benvida ao Nadal coa mellor música!”.
A sexta edición do Consello Alimentario do Eo terá lugar na Casa da Cultura da Pontenova este xoves, día 18 de decembro, de 09:30 a 14:00 horas.
O programa inclúe as seguintes actividades: benvida e introdución, A voz das consumidoras, lanzamento da fase actual do TestEo, presentación do Selo do Eo Alimenta e pleno do Consello.
Este mércores, 10 de decembro, presentouse oficialmente o Festival das Minas, de A Pontenova, que se celebrará este sábado, día 13 de decembro. O acto contou coa presenza do alcalde, Darío Campos, e de Noé Rodríguez, en representación da Asociación Cultural Deportiva As Minas, entidade organizadora do evento.
Desde a organización agradeceron o apoio recibido do Concello da Pontenova, Xunta de Galicia e Deputación de Lugo. Ademais de numerosas empresas e particulares que colaboran para facer posible unha nova edición deste festival “tan querido. Unha cita que xa é un referente cultural no noso concello”, anuncia o Concello de A Pontenova.
As actividades comezarán ás 12:00 horas coa actividade infantil Saaabor! ; ás 14 horas haberá unha sesión vermú; ás 20:00 horas empezará unha degustación gratuíta de...
leer más
A Asociación de Sendeirismo Terras de Lourenzá organiza un percorrido pola Ruta do Muiñeiro Namorado, no municipio da Pontenova para este sábado, día 13 de decembro. A distancia a percorrer son 9 quilómetros e a dificultade é baixa. Ao rematar a camiñada os participantes xantarán no restaurante O Lar de Balbina.
A saída será ás 09:00 horas desde o Cantón de Vilanova de Lourenzá e as inscricións deben facerse antes das 14:00 horas do mércores 10 de decembro. O prezo é de 35 euros para os socios do colectivo organizador e de 40 euros para os que non o son.
A Pontenova celebrará a décimo oitava edición da Feira de Antigüidades e Artesanía desde o venres 5 ata o domingo 7 de decembro.
O Concello da Pontenova anuncia que haberá varias actividades paralelas: “IX Xuntanza de Vespas, motos e coches clásicos; demostracións de forxa de ferro, pintura, cestería de mimbre, coiro, torno de madeira, xoias e lámpadas de cabaza; e a exposición fotográfica O Legado das Minas”.
A Asociación de Veciños A Magdalena, de Xudán (A Pontenova), organiza unha excursión a Allariz para o día 13 de decembro, sábado.
“Vive un día especial descubrindo a maxia de Allariz no Nadal! Paseos, comida, compras, ambiente festivo e boa compañía”, anuncia a asociación veciñal de Xudán.
As prazas son limitadas.
A sexta edición do Consello Alimentario da Biorrexión do Eo celebrarase o xoves 18 de decembro de 9:30 a 14:00 horas na Casa da Cultura da Pontenova.
Para participar hai que confirmar a asistencia antes do 10 de decembro a través do correo electrónico coordinacion@eoalimenta.org ou chamando ao teléfono 628.84.28.35.