A Pontenova
A localidade de Sampaio, no concello da Pontenova, celebrará as súas festas de San Paulo os días 24 e 25 de xaneiro, venres e sábado.
As actividades comezarán o venres a partir das 21:00 horas con churrascada amenizada por DJ Bombardero, na antiga escola de Sampaio.
E o sábado haberá misa ás 13:30 horas e despois terá lugar a sesión vermú, amenizada pola cantante Verónica Cambón, que tamén actuará na verbena, desde as 22:30 horas.
As cancións serán protagonistas no salón de actos da Casa da Cultura da Pontenova este sábado, día 11 de xaneiro, a partir das 20:00 horas, co playback que se celebra tradicionalmente por estas datas nesta localidade.
Esta actividade, organizada polo Concello da Pontenova, conta habitualmente con moita participación e congrega a numeroso público.
O Concello da Pontenova anuncia que a cabalgata do Reis Magos será este domingo, día 5 de xaneiro, e comezará ás 17:30 horas, cando será a saída desde a Praza dos Fornos.
As súas maxestades de Oriente farán un percorrido pola localidade que rematará no salón de actos da Casa da Cultura, a onde está previsto que cheguen ás 19:00 horas.
A Pontenova celebrará unha festa de Aninovo no Local das Asociacións a partir das 01:00 horas deste mércores, día 1 de xaneiro.
Este evento, que estará amenizado coa música a cargo de DJ Bombardero, está organizado polo Centro de Iniciativas Turísticas da Pontenova coa colaboración do Concello.
A Pontenova acollerá este domingo, día 29 de decembro, unha representación da súa Escola Municipal de Teatro, que ofrecerá a obra titulada Como está o mercado!
Será ás 19:00 horas no salón de actos da Casa da Cultura.
Dentro do programa de actividades de Nadal da asociación Eco das Minas-A Chocolateira, da Pontenova, levarase a cabo un obradoiro de acuarela, a cargo de Rocío Fernández Paz, para crear adornos de Nadal. Será este sábado, día 28 de decembro, de 16:30 a 18:30 horas na Casa das Asociacións da Pontenova.
Esta actividade é para persoas maiores de 12 anos de idade o prezo da inscrición é de 15 euros. O prazo para apuntarse remata este venres, 27 de decembro. Os teléfonos de contacto son o 659.35.46.45 (Rocío) e o 653.43.47.12 (Tania).
A compañía Pínconús Teatro representará a comedia musical para público familiar titulada Pínconús no salón de actos da Casa da Cultura da Pontenova este sábado, día 21 de decembro, ás 19:00 horas. A entrada é de balde.
O autor do texto é o director da obra é José Campanari e a música foi creada por Piti Sanz.
Esta representación está incluída na programación de Nadal da asociación musical A Chocolateira, que anuncia que “este sábado, día 21 de decembro, ás 19:00 horas, despois de moitos anos de novo volve o tren facer parada na Estación da Pontenova”.
O Concello da Pontenova organiza un campamento de Nadal os días 23, 24, 26, 27,30 e 31 de decembro e 2 e 3 de xaneiro en horario de 10:00 a 14:00 horas.
Esta actividade é para nenas e nenos de 3 a 14 anos de idade. Hai un límite de 50 prazas, por orde de inscrición.
Os prezos son: 30 euros para empadroados na Pontenova e 50 para os que non o están.
A inscrición pode facerse na Casa do Concello ou a través do teléfono 982.34.22.77 e o prazo remata este xoves, día 19 de decembro.
A Pontenova celebrará a décimo sétima edición da súa Feira de Antigüidades e Artesanía esta semana, desde o venres 6 ata o domingo 8 de decembro.
De maneira paralela á feira haberá a oitava edición da Xuntanza de vespas, motos e coches clásicos; unha exposición de pintores da Pontenova; e tamén demostracións de forxa de ferro, pintura, cestería, coiro, vimbia, madeira, xoias, cantaría e lámpadas de cabaza.
A campaña Galicia sabe Amar, da Xunta de Galicia, chega á Pontenova este sábado, día 30 de novembro.
O Concello da Pontenova anuncia que haberá degustación gratuíta de petiscos elaborados con produtos do mar no aparcamento da Praza dos Fornos de 12:00 a 15:00 e de 19:00 a 22:00 horas.